عارف انا الصنايعي ده
ههههههههههههههههههههههههه ههههه
عرض للطباعة
حصلت معايا
ولكن بالعكس
عرضت عربية كانت عندي للبيع
جاء واحد محترم جداً إشتراها
دفع ثلاثة أرباع المبلغ وأخذ السيارة
وأنا المطلوب مني أعمله التوكيل
المهم خد العربية وأعطاها لسائق تابع له ليذهب بها يظبطتها
راح السواق المحترم أول حاجة عملها نزل من العداد 100000 كيلومتر
المهم تاني يوم الصبح البيعة إتفركشت
جاب العربية
المهم أنا كل حاجة عديتها ما عدا اللعب في العداد
قعد يقوللي أصله الواد السواق
قلتله يروح للي عملهوله يظبطوا تاني
من هنا لهنا سكت
وحسبي الله ونعم الوكيل
وبإذن الله سأقاضيه يوم الدين ذلك الغشاش
النصب بقى علنى كدة هو دة مش المفروض تزوير والشرطة المفروض تمسك الناس الى بتعمل كدة
المؤمن الحقيقي مهما الدنيا بقت وحشة و كلها تزوير و غش و خداع يظل متمسك بتعاليم دينه و ما يبقاش فساد اللي حواليه مبرر ليه عشان يفسد هو الاخر - و في النهاية لا يصح الا الصحيح و مافيش حد بياخد اكتر من اللي ربنا كاتبه
لكن الواجب علينا اننا نتوكل علي الله في كل شيء و حتي لو اتنصب علينا ربنا بيعوضها في صحة او رزق اكبر او زرية صالحة انما اللي بينصب ده و الله بيصعب عليا جدا لانه فاكر انه ناصح و فاهم كل حاجة و هو مش فاهم و لا حاجة و ما بيضحكش الا علي نفسه
و ربنا يسترها معانا - لكن فعلا الاحوط ان الواحد يشتري زيرو
انا بعت عربيتى الاسكودا الاوكتافيا عاملة 183 الف كيلو
وبعتها ب 61 الف
عرفت ان الى اشتراها نزل عدادها ل 100 الف كيلو
وبعها 65 الف
طيب انا عايز اعرف ايه الطرق العمليه اللي بيعملوها سواءا لتغيير الالكتروني او العادي
وثانيا هل في طريقه تكشف الموضوع ولا عمره مهيبان؟؟؟
تحياتي
مهو على حتشتري مستعمل وموديل جديد يبقى اكيد بعد ما تعرف العداد ماشي كام في العربيه حتروح التوكيل او المكان الي بيعمل فيه صيانه وتشوف الهيستوري بتاعها
السلام عليكم
موضوع العدادات ده بقيت الاقيه كتير جدا لكن هنعمل ايه الي بيغش ويضحك علي الناس ده الله اعلم بيه هو بينام ليله ازاي ويوم الحساب هيبقي عامل ازاي
وتنبيه لكل من يقدم علي شراء عربيه مستعمله سيبك من العداد متخليش العداد القليل هو الدافع لشراء العربيه
فيه حاجات تانيه اهم حاله العربيه دواخل وخوارج
ولو عايز فعلا تكشف العداد الي ملعوب فيه شوف طاره الدركسيون حاتها تناسب العداد المذكور ولا لأ وكمان عصايه الفتيس و بدالات الديبرياج والفرامل
ولو صاحب العربيه بيقول اقل من 50 الف شوف الكاوتش هو الاصلي ولا لا ولو بيقول اقل من 65 الف شوف الموتور اتفتح ولا لأ علشان سير الكاتينه وهكذا فالحكايه سهله الاكتشاف بالنسبه للمعظم ولكن لازالت هناك فئه منا للاسف تتعامل بحسن نيه
وبالنسبه ليا انا انا من كام يوم اتفرجت علي فيرنا 2007 هي المفروض 2007 تبقي عامله75 الف
لا دا صاحبها قالي 47 الف قولتله ماشي
أشوفها أقلب في العربيه يمين وشمال :36_1_34[1]:وألف حواليها :penguin4: ملاقيتش اي حاجه تدل علي العداد المذكور رحت قايله علي كل الي في العربيه من علامات شيخوخه وتقدم في السن ورامتله رقم لا أحد يتخيله وسبته ومشيت
وعلي العموم كل واحد ياخد حذره وهو بيشتري وربنا معانا
وعلي فكره لو حد يعرف يوصل كلمه لإداره المنتدي والقائمين عليه يبقي يقولهم فيه اعلان نازل علي المنتدي لواحد بيرجع العدادات وبيبرمج الريموتات والايموبلايزر[/size]
الاعلان ده أول ما شفته فكرت زيك كده بس قلت أتأكد الأول.. دخلت على الموقع بتاعهم لقيتهم كاتبين أنهم بيغيروا العدادات في حالة شراء عداد جديد للسيارة قيضبطوه على نفس كيلومترات العداد القديم و بشرط وجود العداد القديم..
وكاتبين كمان رفضهم عمل الموضوع ده للغش التجاري..
والله أعلم بالنوايا... لكن لما قريت الكلام ده سكت طبعاً لأنهم كده في السليم..