النصب في عداد الكيلومترات...

**HOSSAM99** · 25-01-2011 10:20 PM

انا معرفش لاكن الاعلان مكتوب فيه ما معناه ممكن انه يلعب في العداد
وأظن إن كل الي شاف الاعلان فكر زي انا مفكرت
واخيرا الله أعلم بالنوايا

**ziours** · 26-01-2011 12:17 AM

انا كان هيتنصب عليا برده لما كنت بدور على كيا شوما كان الاخ بيقولي ماشية 71 الف بس مع العلم ان العربية موديل 1997 شفتوا الهجس وعرفت بعديها ب 50 جنيه تقدر ترجع العربية كسر زيرو
يارب ارحمنا من النصابين

**can_be** · 26-01-2011 09:59 AM

المشاركة الأصلية كتبت بواسطة moh.fahmy

المؤمن الحقيقي مهما الدنيا بقت وحشة و كلها تزوير و غش و خداع يظل متمسك بتعاليم دينه و ما يبقاش فساد اللي حواليه مبرر ليه عشان يفسد هو الاخر - و في النهاية لا يصح الا الصحيح و مافيش حد بياخد اكتر من اللي ربنا كاتبه
لكن الواجب علينا اننا نتوكل علي الله في كل شيء و حتي لو اتنصب علينا ربنا بيعوضها في صحة او رزق اكبر او زرية صالحة انما اللي بينصب ده و الله بيصعب عليا جدا لانه فاكر انه ناصح و فاهم كل حاجة و هو مش فاهم و لا حاجة و ما بيضحكش الا علي نفسه
و ربنا يسترها معانا - لكن فعلا الاحوط ان الواحد يشتري زيرو

كلامك حكم بجد جزاك الله خير

**alaa99991111** · 26-01-2011 10:04 AM

مشكوووووور والله يعطيك الف عافيه

**modyverna** · 26-01-2011 10:12 AM

مظبوط الكلام ده وحصلت مع احد صحبى نازل يشتري عربية زيرو
وبعد ماتعاقد وخلص ورقه شاف الموظف في المعرض بيسوقها وبيعمل بيها خمساية
وكان فاصل فيشة العدادات
ربنا يبعدنا عن الناس اللى معندهاش ضمير

**cyborg_ift** · 26-01-2011 10:13 AM

جزاك الله خيرا

**ramremo** · 26-01-2011 11:26 AM

معتقدش ان اى موديل قديم فى العربيات وصاحبها حاطط رقم صغير اوى فى الكيلوميتر وممكن اصدقه واشتريها ,, طبعا الموديل بيفضح النصبايه...

**ramremo** · 26-01-2011 11:39 AM

المشاركة الأصلية كتبت بواسطة eng\ahmed

ساب الكلام دة كلة وساب العربية وقالى استحاااااااالة اسطوانة دبرياج الفابريكة دة كبير اسطوانة الدبرياج لما تتنطط 100 او 120 الف بالكتير انما 214 واسطوانة الفابريكة استحااااالة
قلتلة هسألك سؤال .. لما جيت سألتنى عداد العربية عامل كام قلتلك 214 ( عداد العربية بيقلب كل 100000 يعنى بعد ال 100 بيصفر ويعد من الاول ) كان اية المانع انى اقولك 114 وساعتها كنت هتصدق حالة العربية وان الاسطوانة متغيرتش ومش هقولك لو جبت شيخ الميكانيكية لأ لو رجعتها مصنع مازدا عمر ماهتعرف ان فى فرق 100 ... انا كنت صريح معاك وقلتلك العربية عاملة كام بأمانة لأنى مش هقبل على نفسى فلوس حرام فا مش هاجى اضحك عليك فى دى والفيصل بينا الكشف ... الراجل اتكتم !!!

!!

مانقدرش نلوم على الراجل ده لانه خايف من النصب حتى لو انت راجل شريف ( وانا واثق من كده من كلامك) ولكن الراجل كان بياخد حذره لان الاسواق وتجارة السيارات بقت وحشه اوى --- انا عملت حاجه زى كده مع صاحب العربيه اللى قبلى بس الشهاده لله استحملنى وبعد كده بقينا اصحاب وبنعيد على بعض فى كل عيد ده لانه كان امين معايا جدا

**ENG\AHMED** · 26-01-2011 05:24 PM

المشاركة الأصلية كتبت بواسطة ramremo

مانقدرش نلوم على الراجل ده لانه خايف من النصب حتى لو انت راجل شريف ( وانا واثق من كده من كلامك) ولكن الراجل كان بياخد حذره لان الاسواق وتجارة السيارات بقت وحشه اوى --- انا عملت حاجه زى كده مع صاحب العربيه اللى قبلى بس الشهاده لله استحملنى وبعد كده بقينا اصحاب وبنعيد على بعض فى كل عيد ده لانه كان امين معايا جدا

كلامك صح والمشكلة ان فى فعلا ناس بتتظلم من كدة بتبقى العربية فعلا حالة شاذة بس من كتر النصب واللعب اللى بيشوفها بيقلق
بس دة انا بقولة حاجة عمرة ماكان هيعرفها وصدقنى مكدبنيش والحاجة اللى ممكن بسهولة ميكانيكى يعرفها بيكدبنى فيها !!