إلحقوني. ال frv بقت ب 72000

عرض للطباعة

23-01-2011, 11:19 PM
zemanovaxxx

إلحقوني. ال frv بقت ب 72000

السلام عليكم ورحمة الله وبركاته
أعضاء المنتدي المحترمين برجاء الإفادة بخصوص المشكلة الكبيرة اللي انا واقع فيها
من يومين أخدت قرار شراء السيارة الجميلة الإف ر في ال 1500 GLS
إتصلت بالوكيل فرع سور نادي الزمالك للسؤال عن السعر قاللي موظف المبيعات إنه هيحاول يتصرفلي - وخللي بالك من يحاول يتصرفلي دي - في واحدة حمرا - وانا أصلا مش عايزها حمرا - والسعر هيكون 72000 !!!

قولتله ازااااااااااااي, ده سعرها ف الجرنان وعلي كونتاكت كارز 69900, قام قاللي لا م هي سعرها الجديد بقي 72000 وده من أسبوع فات.

طبعا زعلت رحت جاي متصل بعبدالهادي جلوبال أوتوموتيف اللي ف مصر الجديدة قاللي تحجز وتستني لشهر 3 والسعر 75000 !!!!!!!!!:what:

نزلت علي أول الشارع - أنا ساكن ف شارع الهرم وجنبي أحمد موتورز من أكبر موزعي بريليانس - ولقيت عنده الإف أر في واقفة زي الوحش. بكام يا عم ؟ قاللي 72000

هو فعلا السعر زاد؟ ولا الجماعة بتوع التوكيل عايزين شكوي محترمة ف جهاز حماية المستهلك؟
ولا حد يعرف مكان بيبيعها بالسعر القديم؟ ممكن تساعدوني أتصرف إزاي؟:help1:
23-01-2011, 11:23 PM
elmkaneeki

اقتباس:

المشاركة الأصلية كتبت بواسطة zemanovaxxx

ولا الجماعة بتوع التوكيل عايزين شكوي محترمة ف جهاز حماية المستهلك؟
:help1:

شكوى من اية؟
وهتقول فيها اية؟
23-01-2011, 11:40 PM
zemanovaxxx

هل من حقهم يغيروا السعر ف أي وقت
بصراحة أنا بأقول شكوي كده وخلاص لإني مش عارف سعر محدد للعربية حتي الأن
وهل أشتري من الوكيل ولا الوكيل نفسه هو اللي حاجز العربيات بهدف زيادة سعرها
بصراحة محتار أحجز ولا أصرف نظر واستني الدفعة الجديدة ف شهر 4
23-01-2011, 11:42 PM
elmkaneeki

اقتباس:

المشاركة الأصلية كتبت بواسطة zemanovaxxx

هل من حقهم يغيروا السعر ف أي وقت
بصراحة أنا بأقول شكوي كده وخلاص لإني مش عارف سعر محدد للعربية حتي الأن
وهل أشتري من الوكيل ولا الوكيل نفسه هو اللي حاجز العربيات بهدف زيادة سعرها
بصراحة محتار أحجز ولا أصرف نظر واستني الدفعة الجديدة ف شهر 4

اعتقد من حقهم لأن دى مسألة عرض وطلب
23-01-2011, 11:46 PM
zemanovaxxx

اقتباس:

المشاركة الأصلية كتبت بواسطة elmkaneeki

اعتقد من حقهم لأن دى مسألة عرض وطلب

بصراحة كبستني:untitled 1:
23-01-2011, 11:48 PM
zemanovaxxx

لكن برضه يا ريت لو حد يعرف مكان بيبيع بالسعر 69900 يقوللي ضروري يا جماعة
23-01-2011, 11:53 PM
elmkaneeki

انا بس بقول لحضرتك عشان حاسس بيك وعرف احساس انك عامل حسابك على مبلغ معين
بس دور بقى فى جرنال الجمعة وهتلاقى ان شاء الله
24-01-2011, 09:33 AM
zemanovaxxx

اقتباس:

المشاركة الأصلية كتبت بواسطة elmkaneeki

عرف احساس انك عامل حسابك على مبلغ معين

بالظبط كده
24-01-2011, 11:57 PM
sonson56

جهاز حماية المستهلك مالوش دعوة بزيادة السعر دى مسألة عرض و طلب - هيقولولك طالما ان التاجر ما غشكش فى شيء خلاص و بين البايع و الشارى يفتح الله
على العموم ربنا يعوض عليك انا اشتريتها ب 75000 و بعد اسبوع واحد بقت ب 69900 و ما قدرتش اعمل حاجة
25-01-2011, 10:34 AM
zemanovaxxx

اقتباس:

المشاركة الأصلية كتبت بواسطة sonson56

على العموم ربنا يعوض عليك

أشكرك
هو الزيادة ف السعر مش كبيرة خالص بس الواحد كان عامل حسابه إنه هيشتري فورا
طبعا هاضطر استني شوية وقت بس يللا الخيرة فيما إختاره الله
أنا لسه برضه مصمم عليها وربنا يعوضني إن شاء الله
الغريب بأه إن الوكيل نفسه معندهوش غير عربية واحدة بس, ومعارض كتير قالولي مش موجودة دلوقتي
هو فيها حاجة لو الواحد ركب أخر عربية ف السوق, يعني مش ممكن يكون كان فيها مشكلة مثلا عشان كده متباعتش ؟؟
25-01-2011, 11:11 AM
MOUSTAFA_SAAD

روح لسمير ريان ارخص اسعارالسوق تقريبا وفاصل معاهم هناك وشوف حتوصل لايه
بس خلى بالك قطع غيار العربيه دية اسعارها نار
25-01-2011, 11:50 AM
alymanager

السلام عليكم
السياره اللى بتتكلم عليها gl وليست gls وهى بـ 72 الف حجز استلام شهر 3 واللى عنده منها الان بـ 72 الف جم يبقى كارمك
على فكره انا لسه مشتريها الاسسبوع الحالى ولسه مرخصتيش
25-01-2011, 01:12 PM
sonson56

اقتباس:

المشاركة الأصلية كتبت بواسطة zemanovaxxx

أشكرك
هو الزيادة ف السعر مش كبيرة خالص بس الواحد كان عامل حسابه إنه هيشتري فورا
طبعا هاضطر استني شوية وقت بس يللا الخيرة فيما إختاره الله
أنا لسه برضه مصمم عليها وربنا يعوضني إن شاء الله
الغريب بأه إن الوكيل نفسه معندهوش غير عربية واحدة بس, ومعارض كتير قالولي مش موجودة دلوقتي
هو فيها حاجة لو الواحد ركب أخر عربية ف السوق, يعني مش ممكن يكون كان فيها مشكلة مثلا عشان كده متباعتش ؟؟

ممكن يكون كلامك ده منطقي بس برضه مش شرط - على العموم لو قلقان استنى شوية و فى التأنى السلامة و بلاش تستعجل علشان ما تندمش و ربنا يوفقك
25-01-2011, 05:39 PM
Mostafa Hessen

بالتوفيق ان شاء الله
26-01-2011, 10:36 PM
zemanovaxxx

اقتباس:

المشاركة الأصلية كتبت بواسطة alymanager

السلام عليكم
السياره اللى بتتكلم عليها gl وليست gls وهى بـ 72 الف حجز استلام شهر 3 واللى عنده منها الان بـ 72 الف جم يبقى كارمك
على فكره انا لسه مشتريها الاسبوع الحالى ولسه مرخصتيش

هو اللي حضرتك إشريتها 1500 سي سي ولا 1600
لأن ال 1500 هي اللي gls مانيوال في حين إن ال 1600 هي اللي gl أوتوماتيك
gls = fog lights + electric mirrors + parking sensor + aluminum alloy rims

أما بالنسبة لكلام حضرتك بخصوص إنك لسه مشتريها فألف مبروك ف الأول وياريت بس تعرفني جبتها منين وبكام
لإنه واضح إن السعر هيبقي رسمي 72000
كلامك عن الحجز والإستلام ف شهر 3 مظبوط 100 % وده حسب كلام الوكيل إلا إنه قاللي كمان إنهم لسه مش فاتحين باب الحجز حاليا
عبد الهادي جلوبال أوتوموتيف عندهم حجز بنفس السعر 72000
بصراحة كان السعر القديم مناسب جدا مش عارف ليه حاسس إنه السعر الجديد هيبقي مبالغ فيه - وجهة نظري الشخصية جدا.

أسعار ال fsv بالمرة:
1.5 gl بقت ب 75000 مانيوال
1.5 gls بقت ب 77000 مانيوال
1.6 gls مش عارف لسه هتبقي بكام
26-01-2011, 10:40 PM
zemanovaxxx

اقتباس:

المشاركة الأصلية كتبت بواسطة sonson56

استنى شوية و فى التأنى السلامة و بلاش تستعجل علشان ما تندمش و ربنا يوفقك

متشكر جدا علي النصيحة
أنا فعلا قررت أعمل كده
26-01-2011, 10:43 PM
zemanovaxxx

مبروك اللوجان ال 2011 يا مصطفي يا سعد
عربية محترمة أكيد
شكرا لإهتمامك
27-01-2011, 07:42 AM
MOUSTAFA_SAAD

الله يبارك فيك وعقبالك