الموضوع: كيف يعمل حزام الامان

طيب تعرف بقي النظام اللي كان موجود في الاوبل القديم..؟؟
المكبس اللي بيشد الحزام..؟؟
هو انا اعرف عنه معلومات سطحية بس لو تعرف اكتر افيدنا ولو متعرفش نعرف كلنا
واللي عنده معلومات اكتر يفيدنا ان شاء الله
معلش مش هاقدر اكتب الكلام ده دلوقتي عشان انا في الشغل..

شكرا" يا درش علي المعلومات المفيده

الف الف شكر

الف شكر على المعلومات الهايلة يا درش. دايماً متألق
ربنا يجعلك بكل حرف تكتبه حسنة في ميزانك ان شاء الله

بالنسبة للموضوع بقي الليء قولت اني هاقولكم عليه بس معلش اعذروني علي التأخير..
انا عايز اتكلم عن موضوع حزام الامان في العربيات الاوبل..
انا ماعغرفش بصراحة النظام ده موجود في عربيات تانية ولا لأ.. بس انا مشوفتوش في عربيات من اللي ركبتها.. الله اعلم بقي موجودة في ماركات تانية ولا ايه..
يا ريت اللي موجودة عنده يقولنا..
ماعرفش انت تعرفه النظام ده ولا لأ يا وليد.. ممكن متكونش تعرف انه موجود عندك اصلا..
انا عن نفسي عرفته بالصدفة..
والموضوع ببساطة..
في جنب الكرسيين اللي قدام علي يمين الكرسي اليمين و علي شمال الكرسي الشمال في الارض تحت علي عتبة الباب كده.. في غطاء من الفيبر.. وتحس انه غطاء علبة كده بيتفتح يعني..
وبالمناسبة في الناحية اليمين في نفس المكان في رقم الشاسيع بتاع العربية علي فكرة..
(غالبا كل الاوبل كده يعني لكن انا مش متأكد بس هو عندي في الكورسا كده..)
المهم في ايه بقي في المكان ده.. في مكبس.. بالظبط زي المسدس المتعمر..واصل بفيشة توصل ليه اشارة من الكومبيوتر..
طيب بيعمل ايه و امتي الاشاره دي بتيجي..
بيشتغل امتي.. لما العربية لا قدر الله تتخبط من قدام خبطة جامدة..من نوعية الخبطاتن اللي بتفتح الاير باج لا قدر الله.. بس هي موجودة كمان في العربيات اللي مفيهاش اير باجر..
المهم لما ده بيحصل بيضرب المكبس ده..
طيب ولما بيضرب بيعمل ايه.. بيشد حزام الامان للداخل بقوة جامدة عشان وانت رابط الحزام تفضل بعيد عن التابلوه و الدركسيون و الزجاج
ولما ده بيحصل المكبس ده بيبقي باظ علي كده زيه زي الاير باج.. طيب وانا باعرف منين انه باظ او ضرب خلاص..
في المكان اللي بيدخل فيه جزام الامان اللي هو جنب الهاند بريك..هتلاقي طلعت لسان لونه اصفر كده عليه علامة تحذير و تعجب كده..
وفي الحالة دي انت رزم تغير النظام كله.. يعني المكبس و المكان اللي بيقفل فيه الحزام..
يعني من الاخر لما تلاقي عربيتك فيها اللسان ده طالع كده لبرة فاعرف ان العربية دي اتخبطت خبطة مش سهلة..
انا عن نفسي عربيتي لما اشتريتها كانت عاملة كده (ولسة مغيرتوش لحد دلوقتي)
بس انا عارف انها خبطت خبطة جامدة لدرجة انها غيرت رفرف.. بس ده كان في التوكيل الحمد لله..و طمنوني علي حالة العربية..
انا شوفت الحكاية دي في عربيات اوبل اكتر من موديل..
يعني الكورسا من اول 94 لحد 2000
والاسترا 1200 و 1600
الفيكترا مش عارف بصراحة بس اكيد موجودة..
اما بالنسبة للاسترا الجديدة بقي انا مش عارف.. عشان لما سوقتها ماخدتش بالي من الموضوع ده كنت مركز مع السواقة.. مكانش في دماغ ابص علي الحاجات التانية دي بتركيز..

عموما اللي ليه تجربة مع الموضوع ده يقولنا عن تجربته..
واللي عنده معلومات ادق او اصح من اللي قولته يشرفنا و يقولنا عشان نعرف المعلومة الصح..
عشان المعلومات اللي عندي ممكن متكونش تكنيكيا دقيقة قوي بس اهي بوجه عام بتشرح فكرة العمل..و برضه الكلام منقول علي لساني انا ممكن اكون نسيت حاجة او اسأت التعبير عن حاجة..
وانا مش قريت المعلومات دي بنفسي او دوربت عليها.. لكن سألت عنها ناس متخصصة..
عموما اتمني اني ماكونش بانقل معلومات غلط..

مشكوووووووووووووووور جدا بجد رائع جدا وفى التجربه الافاده ومشكور مره تانيه