يا باشا انا ركنت العربية تحت البيت ونزلت لقيت تاكسي جه دخل فيها دمرها من ورا قدام عيني وللاسف القانون مجابليش حقي
هدي اعصابك وربنا يسترها الايام اللى جاية وشكلنا مش هاننزل من البيت لو البلد ولعت
يا باشا انا ركنت العربية تحت البيت ونزلت لقيت تاكسي جه دخل فيها دمرها من ورا قدام عيني وللاسف القانون مجابليش حقي
هدي اعصابك وربنا يسترها الايام اللى جاية وشكلنا مش هاننزل من البيت لو البلد ولعت
اخويا كان راكن بسيراتو 2006 والحمد لله انه كان بره العربية
وواحد دخل فيها من ورا طبقها بمعنى الكلمه والتأمين رفض يصلح العربية!!!
فعادي يعني ولا يضايقك حاجه
وافتكر الكلمه دي
العربية في مصر ملكك من الداخل فقط
اما من الخارج فهي ملك للشعب كله يعمل فيها اللي هوا عايزه
تحياتي
استعيذ بالله من الشيطان الرجيم كلما لما تفتكر الموضوع ده ـو كل ما حد ينرفزك علشان بعدها هتحسك انك هادي جدا
انا ليه مواقف كتير هحكيلك على كام واحده منه من باب اللي يشوف بلاوي الناس تهون عليه بلوته و الحمد لله على كل شىء
1. في رمضان سنة 2008 و اثناء الصيام بمون عربيتي عادي جدا و واحد بعربية صيني كان بيشيك على العجل الله اعلم كان بيعمل ايه و هوه قدامي قعد يرجع وره لحد ما لبس في الأكصدام من الامام
طبعا نزلت لقيتها علمت و الراجل قاعد يكلم معايا و يحلف بالله ( و هو صايم )انها كده و ان الخبطة ما اثرتش في العربية مع انها باينة جدا , طبعا لا اتكلمت و لا غيره قولتله روح ربنا يهديك مش ضعف مني و لا قلة حيلة لا علشان مااخسرش صيامي بسبب انسان سفيه عاصي بيحلف برب العالمين كذ و هوه صايم علشان يبرىء نفسه
2. من سنة كنت لسه راشش الأكصدام من الأمام و لسه ما نشفتش لسه كنت مستعجل و اضطريت استلم العربية و مستني في اشارة عادي جدا و احد بتاع ماتريكس بيرجع وره و هوب البويه اتلخبطت و الراجل باصلي و لا كلمة آسف حتى
اعلم ان كظم الغيظ مع القدرة على الرد من شيمة الرجال " القليلون في زماننا "
عن سليمان بن صرد قال : كنت جالساً مع النبي صلى الله عليه وسلم ، ورجلان يستبّان ، فأحدهما احمرّ وجهه واتفخت أوداجه ( عروق من العنق ) فقال النبي صلى الله عليه وسلم : إني لأعلم كلمة لو قالها ذهب عنه ما يجد ، لو قال أعوذ بالله من الشيطان ذهب عنه ما يجد
رواه البخاري
قال رسول الله صلى الله عليه وسلم ، ( ليس الشديد بالصرعة ، إنما الشديد الذي يملك نفسه عند الغضب ) رواه أحمد 2/236 والحديث متفق عليه
قال الله تعالى ( والكاظمين الغيظ والعافين عن الناس والله يحب المحسنين )
وقال عز وجل ( والذين يجتنبون كبائر الإثم والفواحش ، وإذا ما غضبوا هم يغفرون ) الشورى :37
الأزمة في بلدك أزمة أخـــــــــــــــــــــــ ـــــــــــــــــــــــــ ــــــــلاق
مع الأسف لازم تاخد علي الوضع مش قصدي انك تمشي بسرعة و تعمل زييهم لا
انا اتعرضت زيك في الأول لنفس المواقف و كنت برده عايز ابطل سواقة و اولع في العربية
بس اتعودت علي الوضع من حيث
سواقين الدبابة بالذات نقطة ضعفه بوز العربية الكبينة انما الصندوق الخلفي مش مشكلة كان سواق دبابة كسر عليا بصندوق العربية روحت قارص شوية و كسرت عليه من بوز عربيته بقي ها يتجنن بس طبعا من غير ما اخبط العربية و خليته ماشي ورايا مدتهوش فرصة يعدي إلا بمزاجي
كذالك الميكروباصات و ياسلام لو واحد بعربية جامبو نقل لو فرملت اودامه فجأة هتلاقيه إتجنن
تعالي بقي علي التوك توك اللي عامل زي الصرصار الأسود ياسلام لما تلاقيه ماشي في نص الشارع و تيجي تكلكسله عشان ياخد جنب و تعدي منه و ييجي يرخم و مش عايز يعديك تقوم قارص و تخلي الأكصدام الأمامي بتاعك ملامس للإكصدام الخلفي بتاعه و تفضل تزحف بيه شوية طبعا هو من اودام بعجلة واحدة مش عجلتين لو هو جدع يعرف بس يحود يمين او شمال ههههههه
هتعمل ايه بس هي بلدنا كدة ماشية بنظام تبقي مجنون الكل يخاف منك و يوسعلك الطريق
لازم تاخد عالوضع مفيش غير كدة
ربنا يهدينا جميعا و البلد تبقي كويسة
اولا انا احب اقولك يا صديقي نقول الحمدلله على كل شيء
ثانيا الزعل مش هينفع الي بيحصل هيفضل يحصل فالتفكير السليم هو الحل وعاوزك تهدي اعصابك وتشرب حاجه ساقعه لاننا عاوزينك تمام
هو في اقتراحات يعني لو داخل في حتت ديقه وكلها تكاتك ومكروبصات والدنيا فيها ديقه طبيعي انك تاخد حكه كده او كده ولو راكن فحته
يعني كنصيحه اخويه مش كل المشاوير بالعربيه يعني انا مثلا في اماكن كل ما اروحها اخطب العربيه ومش عيب مني فالغالب
وبردو الواحد ميعملش عقلو بعقل سواق او واحد تاني الي عاوز يعدي يعدي المهم انك تحافظ على عربيتك يعني الواحد يعمل الي عليه عشان لو حصل حاجه يبقى عمل كل شيء وخرج الموضوع عن ارادتو
ولو تدور على جراج حمبك وقريب هيحميلك العربيه من كل حاجه سرقه او خبطه او حد يحكها ولو حصلها حاجه هو بيتحمل الموضوع
وربنا يارب يحميك وتصلحها وترجع احسن من الاول
هدئ من روعك يارجل . انت في مصر ام الدنيا
خد شوية علي السريع
1-العربية خارجة من عند بتاع الدهان وراكنة جنبة . واحد ماشي حاكلي الرفرف وهي لسة اية بتبرق
2- وانا واقف سواق نصف نقل بيرجع ورا ومش باصص وراة عملي بوسة صغيرة في الباب
3- قاعد مع واحد صاحبي في العربية وراكن جنب الرصيف واحدة بتتعلم السواقة خدت في طريقها البابين والرفرف الخلفي حك
4- بطلع المطب زي الناس وواحد جي جري من ورايا ودخل فيا نزلي الاكصدام الخلفي ونزل قلي معلش اصل الكاوتش ممسوح
5- العربية واقفة عند السمكري . عيال بتلعب مع بعض بالطوب ههههههه جت طوبة في الزجاج الامامي شرختة كلة
6-صاحبي راح زيارة لواحد في عين شمس ميكروباص شارد دخل فية من ورا واما نزلة قالة اصل ماعنديش فرامل ولازم اقف
7-واحد قريبي لسة راشش العربية وعاملها كساحات شغل فايبر يعني وبعد ما استلمها راحد قعد علي القهوة هو واصحابة سمعوا صوت خبطة جامدة راحوا يشوفوا في اية لقوا واحد داخلة في العربية من ورا ومن قوة الخبطة العربية خبطت في العربية الي قدامها بوظهالة من ورا وقدام
عندي كتيييييييير اوي
ودي طبعا الحاجات الخفيفة .ربنا يستر طريقنا جميعا
يا باشا انا عايز اقولك هدى اعصابك وحاول ان كل ما فى عربية بتقرب منك او تكسر عليك عاديها وخاليها هى اللى قدامك وربنا يا رب يسترها معانا ويحفظنا من كل سوء