الموضوع: يعنى ابيع العربية ولا ابطل سواقة ولا اولع فى نفسى ولا استنى قدرى

السلام عليكم ورحمة الله وبركاته

حبيت اعرف اعمل ايه وبجد اعصابى فلتت منى ومخنوق والله خلونى ندمت انى جيبت عربية
العربية يادوب ليها معايا شهر وبجد قرفت من العربيات واللى ركبنها

وحسبى الله ونعم الوكيل فى السواقين اللى بيركبوا عربيات مش عربياتهم
وطبعا مش خايفين عليها ولا هاممهم اى حاجة

تخيلوا 4 خبطات فى اقل من شهر للعربية والله بعرف اسوق كوبس بس عيبى انى بمشى على مهلى
ما بزيدش عن ال 70 ولا 80 بالكتير اوى

هوا دا حرام انى امشى بالراحة يا جماعه يكون زنبى 4 خبطات للعربية والله دمروهالى
لدرجة ان خبطة منهم كنت واااااااااااااااااقف فيها وراكن العربية

والله حرام اعمل ايه امشى بهمجيه وغباء زيهم واولع فى اللى قدامى واللى يضيع يضيع

ولا ابيع العربية ولا اولع فيها ولا اعمل ايه علشان اريح نفسى

نفسى فى حل

مشكلتى مع المكروباصات اللى ربنا يهديهم وينتقم من اللى بيمشى بسرعات غبيه فى طرق ما ينفعش يتمشى فيها
بالسرعات دى واكيد طبعا لازم يعمل كدا العربية مش بتاعته ولا دافع فيها ولا تعبان فيها

واحد كسلان يديلو العربية يشتغل عليها ويدوس على الناس ويكسر فى عربيات الناس ربنا يهديهم

وفى الاخر معلش خنقتكوا بس بجد مش عارف اعمل ايه

وحسبنا الله ونعم الوكيل

ربنا يكرمكوا جميعا

ويبعد عنا شر الطريق ويحفظنا جميعا يارب والحمدلله ان الحاجة بتيجى فى الحديد

الحمدلله عل كل شىء وشكرا ليكوا جدا

بس بجد انا بقيت مش طايق العربية بقت تقيله على قلبى بقالى كام يوم مقضيها مواصلات

بس شوية هظبطها كدا ونمشى ببركة ربنا والله هو الحافظ توكلنا على الله