مساء الخير
من وقت ما اشتريت حبيبتي سيتروين ومش عارف أشغل الراديو وبحاول معاه عاطيني شاشة مش مكتوب عليها أي حاجه
ممكن مساعدة؟
هل هناك باس ورد او شئ من هذا القبيل؟
عرض للطباعة
مساء الخير
من وقت ما اشتريت حبيبتي سيتروين ومش عارف أشغل الراديو وبحاول معاه عاطيني شاشة مش مكتوب عليها أي حاجه
ممكن مساعدة؟
هل هناك باس ورد او شئ من هذا القبيل؟
هو ممكن يكون البطارية اتفصلت وعلشان كدة الراديو طالب كود التشغيل بتاعة، شوفوا كدة ممكن تلاقية مستخبي في حتة على الطابلوة
أنا متشكر جدا لردك
هوه فعلا البطارية اتفصلت
ممكن تقولي فين ممكن أدور في التابلوه؟
شكرا
انا مش عارف فين بالظبط، انا اصلاً مسوقتش الـAX غير مرتين بس. عموماً دور ممكن تلاقي ملزوق، هو اصلاً بيبقى عبارة عن شريحة معدنية بتسلم مع السيارة عند الشراء، انا عارف طبعاً انك شاريها مستعملة و99% وخدتش الشريحة دي. عموماً لو ملقتهوش يبقى شوف نوع وموديل الكاسيت ودور علية على جوجل.
والله عاجز عن شكرك
وجاري التنفيذ وهبلغك لما أوصل لناتج
خالص المحبة والتقدير
الشكر لله وبالتوفيق باذن الله
بعد الفحص والبحث يا أستاذ نادر لم أصل لشئ
وبالطبع قمت بفك الكاسيت وجبت السيريال بتاعه ودخلت علي موقع الشركة وبعتلهم رسالة شرحتلهم الموضوع
وانا في انتظار ردهم
كمان لقيت لقيهم وكيل واتصلت بيه وطلبوا مني اني اروح لمركز الصيانة بتاعهم
بس انا هستني رد من الشركة جايز يبعتوه من غير ما التوكيل يشتغلني
انت عارف
وشكرا يا أستاذ نادر علي اهتمامك
وانا زعلان من الاخوة بتوع السيتروين
شكرا
انا معاك الافضل فعلاً انك تنتظر رد الشركة الاول ،اوفر لك، وياريت بالمرة تحط بيانات الكاسيت نوعة وموديلة في موضوع جديد في قسم الاكسسوار والكماليات ممكن تلاقي حد تاني يفيدك.
اما بالنسبة لقسم الستروين هنا فممكن ميكونوش عارفين ،مثلي، وفضلوا الصمت.
وربنا معاك.
طارق للاسف انا ما شوفتش الموضوع بتاعك الا دلوقتى بس عشان بقالى فترة مش بدخل
انا كان عندى ايه اكس لمدة خمس سنين فعلا بس كانت للاسف من غير الكاسيت الاصلى بتاعها البلاوبونكت ف ما عنديش فكرة عن الكود بتاعه
لكن عموما لو لقيته هايتكلف كتير غيره خالص احسن وهات كاسيت او سى دى ماركة كويسة انا عارف طبعا انه اسم جامد لكن صوته مش حلو اوى ومكتوم شوية
لكن الفكرة كلها ان ربنا وفقك ولقيت ايه اكس بالكاسيت الاصلى بتاعها لان دى حاجة نادرة شوية وتدل ان العربية ما شاء الله ما اتبهدلتش
ربنا يوفقك ويباركلك فيها.
صديقي habdebar
اشكرك علي ردك
الحمد لله فعلا العربية حالتها جيده وفيها الكاسيت والرموت الأصلي ولسه شغال
وكمان الكتالوجات بتاعتها ونور الشنطه لسه بينور
تفاصيل كتير كويسه
وأنا بحب عربيتي جد وبحترمها
وفعلا هغير الكاسيت تماما بس هجيب حاجه رخيصه جدا سه ما قررتش ايه هيه لأني هستعمله راديو بس اذاعة الأغاني العاديه مشfm
شكرا لردك الكريم
بحب نايل موتورز