الموضوع: الكورى ... هل فعلا مظلوم ... مناقشة موضوعية من واقع تجربة

باقولك إيه هي أي عربية لو كانت خدت الخبطة في الوش كنت هتلاقي التريللا على حجرك فيها
مش شرط تكون كوري يعني ميامى المعني اتشحور
بس الفرق إن لما الالمعني تخش فيحطة مثلا عشان تتشحوار لازم تكون على 160 مثلا الكوري كفاية عليها 100 بس

هو الالمعني معدلات الأمان أعلى فيها شوية من الكوري والمفروض إن قطع الغيار معمرة شوية أكتر من الكوري يعني مثلا القطعة فلكري بتتغير على 10000 في الالماني تغيرها على 40000 مثلا يعني يعني من الآخر ال Quality أعلى شوية والكماليات أكتر وأأمن شوية بس مش مبتعملش حوادث ولو عملت حادثة جامدة شوية مش هتفرق هندي من الماني
عندك مثلا الكروز بتوقع الموتور بتاعها عالارض لو الخبطة جامدة قوي عشان المطور يايدغطش عالكابينة فالحوادث الجامدة هي الشاسيه بتاعها متصمم كده
وأهِه كوري

بس هتلاقي الأمان أعلى شوية فالالماني وال تكنولوجي كمان يعني مثلا 523 موديل 98 كان فيها كل options اللي فالسيراتو 2010 وأكتر شوية غير بقى قوة الموتور والثبات وكده
الكوري مش وحش بس فالمقارنة مايسدس

المشاركة الأصلية كتبت بواسطة ashouhdy

دة كان رأيى وماااازاااااااااااال


دايما مشتوم و مظلوم

الكورى العادى بتاعنا اللى منتشر ..... لانوس اكسنت فيرنا ماتيز نوبيرا الانترا ....... ع طول الشتيمة نازلة تلعن ترابنتييييييين عيلتة مع انة الواحدد لو فكر شوية حيكتشف ان الكورى

أحلى عربية فى مصر

قبل ما نتخانق نتكلم واحدة واحدة ..... الأبن مثلا نجح فى الثانوية ييجى الاب يجيبلة اية ع قد سمعة عربية كورى رخيصة ام 60 او حاجة و خمسين او اواخر حتى الستينات عشان الواد (يخبط بيها براحتة)

او واحد ربنا كرمة شوية وقدر يجمع مبلغ وراح جابها او واحد عمل جمعية و قبضها الاول و غير عربيتة ال128 اللى بقالها 45سنة بتتكحور فى شوارعنا و جاب الحتة اللى ب باور و تكييف وياعم وسع

او واحدة جبتها لبنتها او اب جايبها لمراتة توصل العيال و هكذا

حنلاقى مثلا الولد اللى لسة مستلمها من ابوة مطلع عيين اللى مصنعينها هاتك يا فرك و حرك و يشيل فيها 12 او 15 من شللتة و يطلع ع العجمى يفرم العربية و يحطلها بنزين 80 (مش عارف لية لما حد يفكر يحط 80 بدل 90 دايما برضة تطلع عربية كورى) قال يعنى هى ناقصة !! المهم يوفر تمن البنزين و يروح يشييش بية هو و صحابة او مثال تانى الراجل اللى قبض الجمعية يركب هو و مراتة و حماتة و حماة و اولادة و جوز عم المدام كلهم بتحشروا فيها و هاتك يالف ويطلعوا عينها ودة من مسمى الراجل جاب عربية جديدة من العربيات الحلوة دى ياولية اللى بتجرى بتاعة الشباب ولازم نستخدمها بقى

وتلاقى ياحببة عينى ع العربية لا راجل ملاحق ع اقساط الجمعية اللى قبضها و ولا ع صيانتها او حاجاتها اللى خلاص كفرت من الهرس !! او نيجى مثلا ع الام اللى بتوصل بيها عيالها !!! مش عارف لية عمرى ماشفت (بقالى 14سنة بسوق) واحدة ست محملة اورطة عيال وراها و (بتنقى) البلاعات ذى اللى بينقى الجوافة من صندوق البيبسى الا وهى راكبة عربية كورى طالع عيين ابوها !!!

او بقى ياسلام بقى بقى بقى عالراجل السوييق اللى فاهم جابها و عمل صيانتها لحد ال 35الف (بالضبط) وجة ع صيانة ال 40 بالذات وقالك ما كفاية كدة ما هى ماشية ذى الفل اهو و التوكيل ولاد تييييت حرامية !! (طبعا كلنا عارفين لية كلة بيطنش الصيانة بالذات عند ال40 او ال 60)!!!!! المهم و بعد كدة يدور ع حزمبقول الميكانيكى يكمل صيانتها بنفسة !!

ولا اية كمااااان تلاقى الراجل الباشا !! اللى راكب المانى ذى الفل ويمكن اقل حاجة فيها مثلا جيتا يجيب 4 عربيات المانى (يركنهم) و يجيب واحدة كورى (للبهدلة) !!!!! يعنى هى دى دايما بنت البطة السودة انا مش فاهم !!!!

الباشا يلف بيها البلد!! ببلاليعها و قرفها وياخدها يصيف بيها بالعيال و يديها لابنة و دايما (حمادة او توتو) يلف بيها فى القرية حبتيين يفرمها ... ولما ييجى الباشا ع طلعة جامدة فرح او قرية محترمة او عزاء او اى حاجة فيها برستيج تلاقى العروسة الالمانى طلعة من الجراج (شبة زيرو) عاملة (1800كيلو) بالعافية وتلاقية سايقها و مبسوط ويقولك (المانى ياعم يقطع الكورى و قرفة) وتلاقى الشغالة (الكورى) عاملة 160الف فى اول 6شهور و متخبطة من كل حتة ومش بعيد تلاقى نقرة (ع السقف)!!!!

يعنى بنزين 80 و خدمة فووووق الشاقة ومفيش صيانات و بهدلة فوق الوصف و ياجماعة (سبحان الله) مش بتقول لأ !! (دى باردة اوى بجد) و كمان حوادث تلاقى قطع غيار زفت تلاقى (ما دايما ييجى صاحبها يقولك ياعم دى كورى تعبانة استرخص) و اخلى القطعة الاصلى (للالمانى مثلا) !!!

وييجوا الناس تقولك اصل الكورى قطع غيار رخيصة مش معمرة لكن الالمانى اوعى وووشك بتعيييييش !!!! طب مالازم ياباشا ههههههههه مش معمرة عشان بتعمل 40الف كيلو فى سنة وشوية و قطعة سيادتك الالمانى بتعمل 5الاف فى 4سنييييين !!! يعنى تاخدها تبهدلها وتطلع عينها ولما مساعد يرزع او تضرب فرامل ترووح منك تيجى تشتم فيها !!

ياخوانا مش كلة بيعامل عربياتنا (الكورى) ب (حب) ذينا 90% من الشعب يقولك الكورى دى عربية زبالة بهدل فيها براحتك ولما ربنا يفتحها علية يجيب واحدة المانى جديدة بدل (القديمة اللى اصلا مامشيتش) وتلاقى نفس العربية الكورى بتاعة البهدلة هى هى موجودة بتاخد نبتشية جديدة !!!!!!!

لأ لأ لأ استنى انا مخلصتش !!!

نيجى بقى الباشا يبيعها (اصلها خربت) و عاملة (324583489384كيلو) مييين يشتريها وواحد تانى بسييط يديها لابنة او بنتة او مراتة او هو شخصيا يطلع عييننها من جديد !!!!

وبعد كل دة يقولك الكورى ووحش !!!!


من موقعى هذا !!! اتحدى ان فى عربيات المانى بتتهان ذى ما الكورى بيتهان فى شوارعنا ولو مش مصدقنى ركز شوية وانت سايق وافتكرنى :)))))

وافتكر ياللى بتشكك فيها ان يوم ما مساعد المانى يضرب الكورى يجيب 4 بسرعة و يعيش 80% من عمر الالمانى فى خدمة (مستحيلة) و حرام حتى ع (البهائم) لكن مساعدك الالمانى (ماسترجلش) و (اتخربش) ذى ماالكورى بيحصلله !!!



اللى خلانى اكتب الكلام دة لأن واحد معرفة جاب اوبترا (زيرو) وبيحطلها بنزين 80 و عربيتة التانية (فانتزيا) بيحطلها (بنزين مقطرر!!!) وجاب الاوبترا عشان خايف ع الفانتازيا (اصل تعوريتها ياحمد جامدة) وقاللى الاوبترا اهى كدة كدة عربية تعبانة وعمرها الافتراضى معروف 5 سنيين و اقلب

الله ينور عليك ياباشا....والله انت جبت من الاخر و قلت كل اللى نفسى اقوله.

أنا كتير بحس إن العربيات الكوري هي ياباني بس في إصدار إقتصادي شوية

بمعنى إنك تلاقيها قريبة جدا من الياباني في الإمكانيات و الكماليات و الأداء والإعتمادية , طبعا الياباني أفضل بس الكوري مش أقل كتير

وفي نفس الوقت فرق السعر بينهم يغريك بأنك تجيب الكوري و تسيب الياباني , على الأقل لغاية ماربنا يوسعها عليك و تجيب الياباني , وبرضه مش هاتحس إن ناقصك كتير

انا معايا Kia Pride وبصراحة عربية محترمة جدا , اه مش ممتازة مش زي الأوروبي بس عربية كويسة جدا :) !!

بصراحة الكورى دى عربيات اقتصادية و محترمة

يا جماعه الكورى دى حماله اسيه واسيه واسيه لحد لما تزهقو

ماهو لو العربية الكوري بنفس كفاءة الألماني هيبقى سعرها نفس سعر الألماني & في مقابل كدة مينفعشي اللي سايق كوري يبقى عايز ياخد منها نفس أداء الألماني
مثلا كان عندي عربية ( بونتياك فونيكس - حاجة أمريكاني مش معروفة اوي وهتلاقي ناس قليلين اللي ممكن يعرفوها معانا هنا ) العربية دي ايام الشقاوة كنت ماشي على 180كم وحكيت في رصيف - في صلاح سالم 3 الفجر - انا كل اللي عملته رحت جايب سنة يمين وفضلت ماشي !!!! بيتهيألي لو عربية كوري او حتى ياباني خفيفة كانت خلاص والله أعلم
بس مقابل كدة استهلاك بنزين رهييييييييييييييب وقطع غيار نااااااااااااااار وكانت بتسخن في الزحمة اوي وهي اللي عقدتني من موضوع السخونية وطبعا صالون مريييييح لأقصى درجة وفول اوبشن اوتو ( مع انها كانت موديل 80)

الكوري عربية اضعف وأقل كفاءة ومقابل كدة في فرق سعر !!! وبالنسبة للياباني هي مش اقل بكتير وفيه تطوير مستمر بيحصل في الكوري وعموما هي اضعف بالمقارنة مع غيرها لكن برضةهي عربية بتأدي الغرض المطلوب وفيها الأوبشنز الأساسية المطلوبة من تكييف وباور ولحد الأوتوماتيك

حتة بقى العربية التانية تبقى كوري والألماني متشالة اعرف كذا واحد عاملين كدة وتفكير سليم 100 100عشان حرام مثلا عربية باسات تتبهدل في مشاوير وركنة تحت الشغل وتجريح ابواب وعيال قاعدين عالشنطة او الكبوت وسايس يزق ورا شوية وقدام شوير وواحد بيركن يريح على اكصدام وواحد تاني بيفتح الباب يقوم عامل لك نقرة بحرف باب عربيته فتعرف انه كان نازل مستعجل ( او عامل نفسه مستعجل عشان متتخانقشي معاه :)))) غير الموتور اللي عمال ينحر نفسه في زحمة كوبري اكتوبر مثلا الساعة 5 ولا 6 بعد الظهر وانت راجع من شغلك



عموما عن تجربة عربيتين كوري وسابقا أمريكاني مش ياباني بقى ولا أوروبي :
1- الياباني والكوري مناسب جدا للزحمة والحر اللي في بلدنا وقليل اوي لو شفته واقف فاتح الكبوت وبيطلع دخان
2- العربية امشي بيها زي مانت عايز ( مسافة ) واعمل صياناتها في مواعيدها وعاملها باحترام يعني طقم الكهرباء مثلا يتغير كل تلاتين يبقى كل تلاتين مش لازم استنى لما العربية تتقل في الدوارة او تنتش وانا ماشي اروح اغيره ، وهكذا في باقي قطع الغيار