الموضوع: الكورى ... هل فعلا مظلوم ... مناقشة موضوعية من واقع تجربة

عربيتى مو97 يعنى بقالها 14 سنة ومع ذلك ثبات لغاية180 وكانت ممكن تجيب فوق كدة كمان....اداء ممتاز وعمرها ماخذلتنى غير فى حاجة واحدة....الفرامل...استنوا ،ماتحكموش على العربية ان فراملها وحشة..بالعكس ..فراملها تمام بس كاوتشاتها هى اللى قديمة من سنة2000 فعشان كدة بتزحف منى بسهولة
ودى النقطة اللى عايز اوضحها للناس
الكورى زيه زى الفئات اللى اعلى منه فى السعر بس الفرق فى البشر اللى بيسقوها...مابيهتموش بيها خالص فالطبيعى انها تيجى فى يوم وتخسع
لكن لو انا معايا عربية فوق ال200الف جنيه ...هامشى بيها بأدب واهدى جامد على المطبات ...
يعنى العيب الوحيد فى الكورى...هو قائد السيارة

مشكلة معظم الناس حاجة اسمها النسبية يعنى مافيش تقييم لحاجة بشكل مطلق من حيث عوامل الأمان أو الاعتمادية أو قطع الغيار أو سعر البيع، يعنى دايما الناس بتقارن اللى ركب يابانى لازم يقوللك بس عفشتها مش ناعمة زى اليابانى و لا الباور زيها و اللى ركب ألمانى أو أوروبى عموما يقوللك دى ثباتها إيه جنب الألمانى و لا صاجها مقارنة بصاج الألمانى و دائما و أبدا مقارنات نسبية و ليست مطلقة على الرغم من وجود فروق نسيبة ببن العربيات إلا إنها فى الأول وفى الآخر لكل منهم له مميزاته و عيوبه و العربية قائمة بذاتها لها تقييمها الخاص بعيد عن المقارنات خاصة مقارنة بسعرها اللى بينسوه دايما و هما بيقارنوا.

وسالت مدير القطاع التجاري ليه الشماسات عندي مافيهاش مرايات زي كل عربيات الدنيا ( ده ال 127 فيها مراية في الشماسة ) قالي لو كنا نزلنا المراية معاها كانت العربية سعرها غلى حوالى 2000 جنيه .

نعععععععم !!!!!!! ؟؟؟؟؟؟؟؟

مراية 6سم في 10 سم ب 2000 جنيه
أقول أيه !!!!
بصراحة عايز أقول كلمة و خايف أتوقف فيها ......

بجد و الله حرااااام الكلام ده ..... زهقنا بقي من النصب و النصابين اللي بيستخفوا بعقولنا

بجد و الله أنا خلاص حاسس أني جت لي المرارة و الضغط و الشلل كمان و مش هاتعدي السنة دي عليا علي خير بالطريقة دي

بصراحة الموضوع حلو و كمان أرائكم حلوة و كنت عايز أقرأها كلها لكن ضيق الوقت

لكن عموما انا متفق معاكم أن العربيات الكوري مش وحشة و كمان مش التوب لكن تعالوا نسأل نفسنا سؤال
- هل تستاهل السعر اللي بندفعه فيها ؟
- أو بمعني أدق .. هل تستاهل السعر اللي بيضعه الوكيل لها ؟؟

الكوري بره مصر غير الكوري اللي جواها
الكوري اللي في مصر منزوع منه كل حاجة تقريبا خاصة وسائل الامان اللي الوكيل بيعتبرها رفاهية و كماليات و لما يتفضل و يمن علينا بيها ينزلها صيني مضروب مش الاصلي

أه .... قلبتوا عليا المواجع و فكرتوني بأول عربية أشتريتها و أمتلكتها و مازلت بأعشقها ... كانت برضه كوري
(دايو - لانوس) و كانت هي سبب دخولي المنتدي و تعرفي بالاعضاء الكرام فيه

لكن ..
لما توصل أن سعر مراية أو مسمار أو حاجة صغيرة تكون هي حجة الوكيل في أنه يرفع سعر العربية 2000 جنيه يبقي تغور من وش الامور و مش عايز أركب عربية و لاحتي توكتوك و أركب أحسن ماركة باتا مقاس 41


مع خالص تحياتي
م/ سمير الشهاوي

بلدنا مينفعش فيها غير الكورى

مانا معايا اليابانى ولما حد بيخبطها خبطة بسيطة بتتروق

ممكن اداء الالمانى والامريكى بيختلف

بس بصراحة الكورى من اليابانى مش فارقة كتير انا حتى بفكر اجيب لاختى دايو ماتيز واهى كورى مش يابانى

المشاركة الأصلية كتبت بواسطة semsem kane

ياجماعة انتوا بتحسسونى ان الكورى دة ماحدش بيجيبة غير اللى معاة اكتر من عربية

مافى ناس اصحابى معاهم عربيات كورى واحدة بس مافيش غيرها ومحافظين عليها بس بعد سنة وشوبة بتبدأ المشاكل تظهر وهات وغير ولسة العربية ماكملتش سنتين

دة مش فى عيب فى الكورى لأ خالص بس دة على قد فلوسها

يعنى انت عايز ماتور + وثبات + وخامات + وقطع غيار رخيصة + وشكل + ووسع + واوبشن + واعتمادية وكل دة بعربية تمنها ماعداش ال100 الف جنية استحالة طبعا والا كانت كل الشركات الالمانية قفلت بقى لان عربياتهم غالية جدا وفيها الحاجات دية كلها

الشركات الكورية لما بتعمل قطعة غيار بتبقى عارفة مدى جودة القطعة دية وهتقعد قد اية على حاجة اسمها متوسط الكيلو متر

يعنى لو قولنا على سبيل المثال على كلامهم : طلمبة البنزين لو هتقعد 40000 الف كيلو من غير ماتتغير على اساس معاملة عنيفة يعنى بيسيب التانك للاخر + بيمون من بنزينة بتغش البنزين + بيقرص على العربية كتير . عشان كدة انا هنزلها بسعر مثلا 200 جنية لكن هو فى امكانة انة يعمل طلمبة تقعد 200 الف بس هتبقى ساعتها ب800 جنية وتمن العربية هيبقى الضعف لو كل قطعة خدت هذا المنوال

يعنى انا فى نظرى الكورى دة يتعامل معاملة كويس عربية اداءها كويس , ناعمة , ثباتها لو لحد 130 بعد كدة يبقى ربنا يسترها عليك ( طبعا فى الاول وفى الاخر ستر ربنا ) قطع غيارها رخيصة فى متناول اى حد حتى لو شاب , مطلوبة , سهلة البيع بس كل سنة بتعدى تمنها بيقع عن اى عربية تانية عشان حالة العربية بتبدأ تقل

دة الكورى بالنسبة بقى لليابانى مش كل اليابانى حلو ومش كل اليابانى معمر حسب الشركات ومدى مكانتها فى السوق سواء محليا او عالميا واكيد بيطلع منهم غلطات عادى جدا دول بشر مش ملائكة بس لو شوفنا الاغلبية هتلاقى ان العربيات الالمانى واليابانى من الموديلات السابقة او التسعينات سعرهم اعلى من عربية كورى موديل السنة مستعملة واحيانا جديدة دة يبقى اسمة اية اكيد السعر دة مش من فراغ

يعنى مافيش واحد عاقل هيروح يشترى عربية موديل 98 ب70 الف وعندة عربية كورى مستعملة ب65 الف موديل 2009 ولا 2010

او حتى يزود عليهم 10 الاف ويجيب عربية زيرو 2011 ويرخصها كمان ويجنط لو عايز وفية كتير طبعا

متفق معاك و فعلا عربيتي العزيزة السابقة (اللانوس) كنت بأغير لها تيل فرامل كل 20000 كم و بالاضافة لطقم فلاتر كامل (بنزين - هوا - زيت) و لو اتأخرت عن كده ممكن السحب يقل و أبدا بقي في دوامات مالهاش اخر

لكن تعالي بقي للياباني :
- الياريس : داخلة علي 60000 كم و الحمد لله تيل الفرامل زي ماهو و فلتر البنزين برضه زي ماهو
- الكورولا : برضه 59000 كم و التيل لم يتم تغييره و شكل الفلاتر كلها أصلي ماحدش جه جنبها و مع ذلك العربية جابت ال 180 كم/ساعة علي طريق الاسكندرية ببساطة و بأقول عليها مكتومة

أكيد طبعا فرق السعر مش من فراغ و لكن .... مش شايف برضه أن هما مزودينها شويتين في حكاية السعر دي سواء للكوروي أو الياباني أو الاوروبي ؟؟