لو رجع بيك الزمن هتغلط تاني وتختارها

**dr.amr** · 24-01-2011 12:55 PM

المشاركة الأصلية كتبت بواسطة A7MED_PHARMA

انا فضلت فيها 3 سنين
والحمد لله كنت بنجح برضووو ..بتقدير مبلووول
هههههههههههه

وحولت منها ...إتأخرت شوية أه
بس لحقت نفسي
تعرف
هما الأهل بيفرحوا بكلمة ""كلية الطب"" بعد ثانوية عامة..من غير مايعرفوا إنها مصيبة

ولله الأمر

المشاركة الأصلية كتبت بواسطة A7MED_PHARMA

كله أكل عيش
يعني
الطبيب أو الصيدلي
الإتنين بيتقال لهم يادكتور
بس الطبيب لازم يفضل يذاكر طوووول عمره
الصيدلي لأ
الطبيب لو أخد أجازة..دخله بيقف
الصيدلي لأ
الطبيب عنده عامل الريسك كبيررر
الصيدلي لأ
الطبيب بيتعب لحد مايعمل سمعة كويسة علشان يقدر يكون له دخل كويس
الصيدلي لأ
بيفتح الصيدلية...ويكبرها ..وبتشتغل

انت جبت من الاخر يا فارما والله

هو ده قصدي

**ahmed_afifi** · 24-01-2011 01:41 PM

السلام عليكم
فى البداية انا مش طبيب ولا عمرها كانت من طموحاتى قبل الثانوية العامة ولكن انا بعتبرها من اجمل الاعمال لان بفضل الله بتساعد فى تخفيف الام الناس واعتقد ان اى دكتور يكون فى قمة السعادة لما يشوف اثر ايجابى للعلاج على مريض وبنسى اي تعب شافه وكذلك اى عمل يرى اسره المباشر في اسعاد الناس وتخفيف اعبائهم

انا مجال دراستى وبحثى هو علوم الحاسب وقد اخترت مجال تحليل الصور الطبية لاواصل ابحاثى فيه وما اتمناه ان ارى التطبق الفعلى لهذه الابحاث

فى النهاية اسألكم الدعاء لان المناقشة النهائية لرسالة الدكتوراة الخاصة بي يوم الاثنين القادم

**KHALED AYMAN** · 24-01-2011 01:51 PM

لو رجع الزمن
كنت هدخل جامعه خاصه من الى هى نص نص ..زى السلاب و الدلتا و النيل ...اسهل من الى انا فيه بكتيييييييير وكلو بينجح ...بلا اداب بلا زفت

**eldell** · 24-01-2011 03:50 PM

كنت دخلت حقوق علشان بجد تعرف تتعامل مع الى بالى بالكم

**thedeveloper87** · 24-01-2011 04:15 PM

أما أنا بقى لو رجع بيا الزمن

فكنت اخترت إن ما جبش مازدا:d:d:d:d

**dr.amr** · 24-01-2011 04:18 PM

المشاركة الأصلية كتبت بواسطة thedeveloper87

أما أنا بقى لو رجع بيا الزمن

فكنت اخترت إن ما جبش مازدا:d:d:d:d

بتتكلم عن ال rx

ولا عن ال 323

شكلك بتغيظني

**MASERATI** · 24-01-2011 04:18 PM

السلام عليكم و رحمة الله و بركاته

أنا بأه كنت جايب مجموع يدخلنى كووووووووووووول الكليات اللى فى مصر و يمكن فى شمال أفريقيا و طبعا, غلطت الغلطة المعهودة اللى كتير من الناس بتقع فيها و دخلت طب و أنا دى مش ميولى خالص لأنى لعبى و مش بتاع مذاكرة و بالتالى كانت فعلا أسوأ أيام حياتى و أنا فى الكلية , كانت كابوس و كانت فعلا الحياة مالهاش طعم عندى خالص و كنت حاسس بالحسرة و الغم عالطول طوال ال6 سنين لأنى كان نفسى أخش هندسة مدنى لأنى بحبها أوى , بس والدى -الله يرحمه- اللى هو كان أستاذ فى هندسة, ماوافقش على أساس أن المتخرجين الجداد مابيلاقوش شغل و كده .

الحاجة التانية اللى بقولها لأى حد فى جامعة مصرية و اوعى تعتقد أن نهاية المطاف أنك تتخرج من الجامعة دى و لا حتى أنك تاخد ماجستير و لا دكتوراة منها , لأن بكووووووووووووول بساطة, الجامعات اللى عندنا دى , الشهادات بتاعتها ماتسواش حتى بوستر لأغنية جديدة لنانسى عجرم.

و أى حد معاه امكانيات مادية و مرتاح و الأمور مبشبشة معاه, ياريت يشوف جامعة أجنبية -مش جامعة خاصة و السلام زى السلاب و الدلتا و 6 أكتوبر و الكلام ده- من الجامعات اللى فى مصر يتعلم فيها, عندك الفرنسية و البريطانية و الكندية و الألمانية و الروسية, يعنى أنا فيه واحد صاحبى أخوه الصغير لسه مخلص ثانوية عامة السنة اللى فاتت و قدم فى كلية الصيدلة بتاع جامعة الأهرام الكندية , يا سلااااااااااااااااام , لما تبقى متخرج من كلية الصيدلة بتاع الجامعة الكندية و لا الألمانية و شهادتك معترف بيها فى جميع أنحاء العالم, أنتوا عارفين الصيدلى بيعمل كام فى كندا فى السنة , من 60-80 ألف دولار فى السنة و ده مابيعبرش أمله هناك و لا حاجة, باشا و الله العظيم .

**dramir1** · 24-01-2011 04:44 PM

انا معاك ان مذاكرة الطب صعبه وان احنا اتحملنا كتير اوي اثناء الكليه واثناء الماجستير وادينا مطحونين في تحضير الدكتوراه ولكن الناتج النهائي بانك تبقى دكتور شاطريساوي كتييير ..
وانا في رأيي ان اللي يدخل كلية الطب ميفكرش في الربح السريع ولكن هو زي اللي معاه حبوب قمح ممكن يطحنه وياكله في يوم ولكن لو صبر ممكن يزرعه ويطلعله محصول يكفيه سنين....
والارزاق بتاعة ربنا يعني مثلا لو مكتوبلي اخد 1000 جنيه في الشهر هاخدهم في الصيدله او في الطب وبالتالي لو انت بتحب مهنة الطب وتخفيف الام الناس يبقى توكل على الله وربنا هايكرمك ويديك اللي نفسك فيه.

**arch_msaid** · 24-01-2011 05:04 PM

فنون جميلة قسم عمارة هى أحسن الطرق وأسهلها للوصول للقب مهندس الشغل فى كلية زى فنون جميلة حاجة ممتعة كانت اجمل أيام وطبعا العمارة انا اعتقد إنها العمود الفقرى لأى حضارة عظيمة وانا فخور ودايما بحمد ربنا على النعمة ديه

-

الموضوع: لو رجع بيك الزمن هتغلط تاني وتختارها

LinkBack

أدوات الموضوع

عرض

-

-

-

-

-

-

-

-

المواضيع المتشابهه

لو رجع بيك الزمن , هاتجيب الرينو تاني ؟

لو رجع بيك الزمن ممكن تشتري النترا 2012 تاني؟

ياريت الزمن يرجع تاني

لو رجع بيك الزمن تاني. حتقول اتجوز برده !!!

ياتري بعد ما اتجوزت نفسك الزمن يرجع بيك تاني (الموضوع احصائي)

الكلمات الدلالية لهذا الموضوع

المفضلات

المفضلات

ضوابط المشاركة