لو رجع بيك الزمن هتغلط تاني وتختارها

SS · 25-01-2011 11:48 PM

المشاركة الأصلية كتبت بواسطة Ralliart

انا متشكر جداً لردك وعلى الرساله اللي فيها الكورسات وان شاء الله لو خدت كورسات هيكون في الصيف
بالنسبه لموضوع المعامله ده انا عارفه لاني قعدت شهرين في اعدادي في هندسة حلوان وكانو بيقولولنا هتفشلو وتترمو في سيارات المطريه
وكان ده السبب (بالاضافه للمشوار من الجيزه لحلوان) اني اتخليت عن حلمي وحولت القاهره ودخلت مدني

يا راجل حرام عليك حد يسيب كلية عشان خاطر المشوار.

...ده فيه ناس بتسافر من اخر الدنيا علشان الدراسة

انا برده مارضيتش اروح حلوان و عين شمس لنفس السبب

...و بالنسبة لاخوك الصغير...مش هينفع

لأنه غالباً مش هيلحقك...الا لو ناوى تتسجن من اول مشروع....الا انت فى سنة كام اساساًً؟؟

**Ramy_2R** · 25-01-2011 11:58 PM

المشاركة الأصلية كتبت بواسطة eng_mostafa_89

ههههههههههههههههههههه
لا والله مش قصدى انا بوضح بس لحضرتك مش اكتر بس لو درست المجال دة هتكرة طريقة معاملة الدكاترة ليك لان قسم سيارات بياخد اقل مجموع فى التنسيق ديما. الكلام دة عن تجربة انا كنت معهد فنى صناعى قسم سيارات ودخلت هندسة برضة فى نفس المجال.
اه فى دورات فى المجال دة الكلية بتعملها للطلبة من الكلية او الهواة من برة وبتبقى تقريبا فى حدود 200 او 300 جنية. دى بيتم الاعلان عنها كل فترة لو لقيت الاعلان هقول لحضرتك ان شاء الله
وفى دورات تانى فى شريكات برضة تبع ناس فى الكلية فى مجال السيارات وبيدرسوا كورسات اللى بتدرس فى شركة بوش بس باسعار رخيصة مقارنة باسعار بوش دى معايا الجدول بتاعها دلوقتى وفى دورة هتبتدى فى نص السنة هبعت لحضرتك التفاصيل بتاعها فى رسالة على الخاص

ممكن تبعتلى تفاصيل الكورسلت و الدورات دى
أصل أخوك فى ميكانيكا قناه السويس
افشل كليه فى مصر
بقالى سنتين فيها مشفتش ورشه

**Eng_Mostafa_89** · 26-01-2011 12:17 AM

المشاركة الأصلية كتبت بواسطة tjp

تخيلوا انى ما تعلمتش اساسا ورغم المؤهلات على اختلاف انواعها الا اننى بحس انى بنى ادم بينكم على الاقل بتعلم منكم
ازاى اتكلم مع الناس صدقونى انا فرحان وفى احسن حالاتى كده ارجو قبولى بينكم

انت انسان محترم جدا جدا
وطريقة كتابة حضرتك بتدل على ان مستواك عالى وكمان مفيش غلطات كتابية بسم الله ماشاء الله

المشاركة الأصلية كتبت بواسطة ss

يا راجل حرام عليك حد يسيب كلية عشان خاطر المشوار.

...ده فيه ناس بتسافر من اخر الدنيا علشان الدراسة

انا برده مارضيتش اروح حلوان و عين شمس لنفس السبب :0002014a:...و بالنسبة لاخوك الصغير...مش هينفع

لأنه غالباً مش هيلحقك...الا لو ناوى تتسجن من اول مشروع....الا انت فى سنة كام اساساًً؟؟

بعد لما خلصت ثانوية عامة كنت مصر انى ادرس معهد فنى صناعى قسم سيارات
كنت كاتب فى التنسيق اول رغبة معهد المطرية
وفعلا جالى ودخلتة بس للاسف كنت جايب مجموع كبير فدخلت قسم شبكات كهرباء روحت احول مرضيوش انت مجموعك مرشحلك القسم دة خلاص هتفضل فية يا جدعان انا مجموعى يسمح انى اروح القسم اللى بحبة لية محولش هو كدة وفى شئون الطلبة قعدوا يتريقوا
اخدت بعضى وسافرت على بورسعيد تانى يوم وحولت هناك ودخلت القسم اللى انا عايزة
كنت بسافر كل يوم من اسماعيلية الى بورسعيد علشان اروح المعهد سنتين بحالهم على الوضع دة
ولو كنت فضلت فى معهد المطرية كنت هقعد فى شقتنا فى القاهرة والبيت جنب المعهد
بس حب دراسة السيارات خلانى اتشحطت

المشاركة الأصلية كتبت بواسطة romio11192

ممكن تبعتلى تفاصيل الكورسلت و الدورات دى
أصل أخوك فى ميكانيكا قناه السويس
افشل كليه فى مصر
بقالى سنتين فيها مشفتش ورشه

من عنيا حاضر
بس على فكرة احنا بنشوف ورش بس مبنشوفش حاجة شغالة كلة عطلاااااااااااان من مخارط لفرايز لمقاشط

**Miss_Pharma** · 27-01-2011 05:09 AM

لا خاااالص ولا صيدلة ولا طب نهائي .. ( غلطة عمري )
كنت هختار اي حاجة تاني مفيهاش تعامل مباشر مع الناس .
والله اكتشفت ان اكتر شغلانة متعبة هي اللي فيها احتكاك مباشر مع الجمهور ..