استفسار بخصوص عملية الليزك (تصحيح النظر)

**Ahmed_Gadalah** · 24-01-2011 11:37 PM

المشاركة الأصلية كتبت بواسطة otefa

لو نظرك ضعيف حاجة بسيطة أنصحك بلاش تعمل عمليات حتي لو أكزايمر ليزيك أسمها عملية في الأول والأخر

على ما افتكر انه -3.5 و-3.75

**Ahmed_Gadalah** · 24-01-2011 11:39 PM

المشاركة الأصلية كتبت بواسطة yse

انا يوسف طالب بكلية الطب القصر العيني - الفرقة الرابعة انا عندي راوند رمد في الشهرين الحاليين
و اتمكلمنا مع اكتر من استاذ دكتور في العملية ديه وقالو التالي
1- العملية تعتمد على مدى حداثة الجهاز مش علشان العملية نفسها علشان جميع الاجهزة متقاربة الدقة وانما مضاعفات ما بعد العملية من الم و غيره لكن ليس بالالم الشديد
2- انه في حالة ان حضرتك لو كنت درجة نظرك مش وحشة اوي يعني لغاية -6 نظرك هيرجع سليم 100 % واذا كانت نظرك اسوء من كده برده هيرجع 100% سليم ان شاء الله بس بعض التقارير اثبتت ان اقل من 1% من الحالات الي نظرها مثلا -9 بعد العملية ممكن ان لا تكون 100 % وانما قد تصل نسبة عيوب الابصار الى 5.% وديه نسبة لاتؤثر في حياة الاشخاص العاديين
3- ان العملية تعتد على سمك القرنية وفي دكاترة بيقولو حتى لو سمك القرنية اقل من المعدل الطبيعي فانهم برضه بيعملو العملية وبتبقى بنفس الكفاءة لكن يصاحب بعد العملية الم شديد و الدكتور بيكون عارف كده وبيصرف الادوية اللازمه للقضاء على الالم
4- العملية لو فهمتها من الناحية الطبية غير معقدة اطلاقا لكن تحتاج الى اجهزة فقط وهنالك تدخل بيد الجراح لكنه ليس يعتمد اعتماد ينسبة 100 % على مهارة الجراح يعني مش لازم يكون اسم لامع وكبير ومجعلظ يعملهالك ز التدخل بتاعها بسيط جدا وكل الشكر في هذه العملية يوجه للجهاز وليس الطبيب
5- حضرتك احب اقولك ان النظر بيثبت بعد سن 18 سنة واي تغير سريع في هذا الثبات لابد من التأكد منه قبل العملية
6- انا نفسي هاعمل العملية ديه بس في اخر السنة ان شاء الله ونسبة سوء النظر عندي - 1.75
7 -انا قولت ادخل اقول لحضرتك اللي انا عارفه بحكم اني بدرس الكلام ده فهبقى عارف انا بقول ايه ووالله انا فاتح كتاب قسم الرمد قدامي وكتاب الكورس كمان و بدور على اي مضاعفات مش لاقي غير اللي انا ذكرته .

اخيرا بقى انا عايز اعتذر لكل رجالة نايل موتورز على عدم مشاركاتي الكتير او المعدومة لكن بحب اقر كل الردود بتاعتكم في اي موضوع وذلك لاني من النوع اللي بيخلط الهزار في اي حاجة واغلبية المواضيع بتبقى عايزة ردور محترمة و شافية ووافية
وشكرا

شكرا عالمداخلة ونورت الموضوع

**Ahmed_Gadalah** · 24-01-2011 11:41 PM

المشاركة الأصلية كتبت بواسطة ashouhdy

الحمد لله والفضل لة .. انا عاملها من 6 سنين ومفيش اى مشاكل

ومكنش فى وجع ولا حاجة

واستخدمت القطرة اسبوع ورميتها

وكنت عايش حياتى عادى من تانى يوم العملية و اخدت العربية وسافرت (بالليل) تانى يوم

المشاكل

اول 6 شهور حتحس بزغلله فى الاضاءة الضعيفة ذى عواميد النور الصفرا

والزغلله دى بتعتمد فى مدة وجودها على اساس انت كنت سالب كام قبل العملية

انا كنت سالب 6 او قريب من ال 6 مع استجماتيزم عالى

ودلوقتى بفضل الله وحمدة 6 على 6

وأنا نفسي أبقى 6/6 , ادعيلى