ممــكن معلومــات عن سيترويـــن C3

**m.mohie** · 12-01-2008 09:48 AM

يا ريت يا جماعة حد يكون جرب ستروين c3 يقولنا تجربته معاها وايه المتوفر منها في مصر من موديلات و فئات من حيث cc وهل في منها في مصر 1.4cc او 1.6cc وفي موديلات ايه بالتحديد؟ وايه اخبار قطع غيارها متوفرة؟ واسعرها ايه؟

**K_awadallah** · 28-01-2009 01:18 PM

أنامعايا C3 من 2003 العربيه جميله جدا من ناحيه المكنه و البدى بس مشكلتها فى قطع الغيار غاليه و فى بعض الاحيان مش متوفره يعنى مثلا المساعد الواحد 600 جنيه... دا غير المصنعيه و الضرائب

أما بالنسبه الى مراكز الصيانه هما أتنين عز العرب فى طريق مصر الاسكندريه الصحراوى و أمير و جوزيف-مركز معتمد من عز العرب فى شارع أبو داوود الظاهرى من مكرم عبيد (عز العرب أفضل منهم).

أنا رحت لناس كتير فى الحرفين بس مكنش حد فاهم فيها دا غير ان العربيه بتدبهدل هناك

**محمد ابراهيم 1** · 01-02-2009 10:47 AM

المشاركة الأصلية كتبت بواسطة K_awadallah

أنامعايا C3 من 2003 العربيه جميله جدا من ناحيه المكنه و البدى بس مشكلتها فى قطع الغيار غاليه و فى بعض الاحيان مش متوفره يعنى مثلا المساعد الواحد 600 جنيه... دا غير المصنعيه و الضرائب

أما بالنسبه الى مراكز الصيانه هما أتنين عز العرب فى طريق مصر الاسكندريه الصحراوى و أمير و جوزيف-مركز معتمد من عز العرب فى شارع أبو داوود الظاهرى من مكرم عبيد (عز العرب أفضل منهم).

أنا رحت لناس كتير فى الحرفين بس مكنش حد فاهم فيها دا غير ان العربيه بتدبهدل هناك

بص يا باشا
العربيه السيتروين هى هى البيجو
نفس الشركه
يعنى ممكن إنك تشوف قطع الغيار الميكانيكيه عند محلات بيع قطع البيجو ال 206 وحتلاقيها أرخص
وحصلت معايا سألت فى التوكيل على حاجه فقالواى ب 500 جنيه ورحت جبتها هى هى بالضبط وأصليه ب 210 جنيه من محل قطع غيار بيجو
وفيه حاجات تانيه ممكن تستغنى عن التوكيل خالص فيها زى المساعدين ممكن تجيب المونرو وحتلاقيهم الإتنين ب 400 وكفائتهم عاليه