فتحات الكبوت.........؟؟؟؟

**golfawyzz** · 24-01-2011 07:25 PM

لا طبعا مش مخالف
دى يقولك شيلها على اساس ايه ؟؟
امن ومتانه مثلا ؟
اعملها ودى فايدتها انها بتوفر تهويه زياده للموتور
ولو حد كلمك قولهم العربيه نازله كده سبيشيال اوردر
انا كنت ضارب الزينون وجالى الامين فى الاشاره لقيتو بيقولى رخصك .. بقولو ليه .. بيقولى اضائه مبهره .. قولتله العربيه نازله كده
قالى ممكن اشوف الرخص .. شافها وقعد يضحك .. وقالى ازاى عربيتك قديمه وكانت نازله بزينون ... قولتله انا جايبها كده
وهى جيه كده استيراد من بره انا معدلتش فيها حاجه .. تنح شويه وقالى يا بيه دى اضائه مبهره ودى مخالفه وهتروح المرور تفحص عشانها دى ... العشره جنيه طلعت ....... قاللى ايوا فعلا شكلها نازله كده
انت بقى حد هيكلمك على شكل الكبوت ؟؟ قولهم دى ايفليوشن وبتنزل كبوتها كده

**A7MED_PHARMA** · 24-01-2011 07:59 PM

ههههههههههههههههههههههههه هههه

طيب ..إلي عاوز يفتي يفتي ..وإلي عاوز يلعب يلعب
هههههههههههههههه

أنا عاوز أعملهم مع شوية حاجات تانية في العربية
وشوفت ناس عملاهم ..بس ناس قالتلي إنها ممنوعة ..قلت أسأل؟؟؟
===================================
ونفسي أعرف
كلمة ممنـــــــــــوع دي ..ليه
يعني تسمع كلمة ممنوع في أي حتة في مصر
مش في المرور بس,,في كل حتة حد يقولك ممنوع..لوسألته ممنوع ليه
هيقولك معرفش...اهوه ممنوع وخلاص
قرررررررررررف

طيب دي ضررها إيه تحديدا؟؟؟ولو هيمنعها ...يقولي سبب المنع؟؟

**hpxp** · 24-01-2011 08:18 PM

بص يا باشا بما انك من الزقازيق فحنا ولاد حتة واحدة وطبعا اكيد بنتزل القومية شفت الكرستالة المعدلة الي هناك انا بقعد قدام كلية صيدلة واكيد انت عارف الكمين الي هناك الكرستالة عدي ولا وقفواة ولا اي حاجة وسلام كبير لكل شرقاوي

**A7MED_PHARMA** · 24-01-2011 08:26 PM

المشاركة الأصلية كتبت بواسطة cars sniper

ممنوعة عشان العربية مانزلتش بيها...وده السبب اللى هايقوله اى امين شرطة...
اما السبب الحقيقى ...فبلاش تسأل حد بيفهم عشان مايتحرجش لما مايلاقيش جواب :)
طب الاسبويلر العالى وقالوا انه ممكن يعيق الرؤية الخلفية
اما دى بتعمل ايه ؟؟...اكيد بتعمل حاجة الشقية دى واحنا مانعرفش...رجال المرور بس هما اللى يعرفوا اصلهم وااصليييين

مانزلتش بيها؟؟؟
طيب يعني انا لو ركبت فوانيس شبورة ..وعربيتي أصلا مانزلتش بيها
أبقا مخالف
هههههههههههههههه
عالم متخلفة والله

المشاركة الأصلية كتبت بواسطة hpxp

بص يا باشا بما انك من الزقازيق فحنا ولاد حتة واحدة وطبعا اكيد بنتزل القومية شفت الكرستالة المعدلة الي هناك انا بقعد قدام كلية صيدلة واكيد انت عارف الكمين الي هناك الكرستالة عدي ولا وقفواة ولا اي حاجة وسلام كبير لكل شرقاوي

عارف انا الكريستالة دي
كلها متنفخة
والهيونداي الاكسنت الصفرا ..إلي بتقف في شارع ماشاء الله ..عند مؤمن
الهيونداي دي مقطع الكبوت..وعامل فيه حتة شفافة ...وعامل لونين ..وسبيويلر
والكريستالة دي مفيهاش حتة أصلية
كلها معمولة

وخد بالك الايام دي
القومية كلهاااااااااااا ...عاملة فيمية...ومشغلة السرينة راااايح جااااي
مش عارف البلد دي عاوزة تخنق ع الناس لحد إمتى؟؟؟

**Rerii** · 24-01-2011 09:08 PM

المشاركة الأصلية كتبت بواسطة funnymickey

انا بقي حفتي
لما تبقي واخد دش سخن وتخرج علي ساقع
حيجيلك الفلوزه والفلبطه
وتعيا وتكح

نفس الحكايه في العربيه
اما تبقي سخنه ويخشلها هوا ساقع من الفتحات دي
العربيه تستهوي

فهما خايفين عليها يااحمد

وانتا بترخص ارفق سجل التجاري بتاع الصيدليه
مع شهاده تخرجك من الكليه
والتي تفيد انك دكتور صيدلي وتمارس المهنه
وقولهم ان العلاج حيكون علي حسابك واي اعراض برد حتتكفل بمصاريف العلاج

وهما يرخصولك علي طول

اقولك علي حاجه اجدع
انتا لازم فتحات
بيبقي فيه بدي كيت فيبر بيتلزق علي الكبوت من فوق كده
مش فاكر اسمه ايه
بس يشبه للي انتا عامله ده بس منظر بس مش فتحه بجد
وابقي شيله قبل الترخيص وخلاص

iهههههههههههههه والله جامدة دى ياميكى

تعرف انى نفسى اعملها واعمل استيكر على الابواب ومش عارفة بسبب اليلة دة

**A7MED_PHARMA** · 24-01-2011 09:10 PM

المشاركة الأصلية كتبت بواسطة hpxp

لحد ما الشعب كلة يولع في نفسة وميلقوش حد يخنقوة ولا رئيك اية
ولو احنا عملنا فامية هيدوسوا علينا في الكمين لابد من الوسطة في البلد دي

يعني عاوز أعرف

ليه الفيميه مخالف؟؟
يعني أنا كنت عامل فيميه..علشان مش بحب حد يشوفني وانا في العربية
ولما أركن في الشمس..مارجعش الاقيها مولعة من جوه
وشكله حلووووو

أفهم ممنوع ليه؟؟؟؟؟؟
ولما تلزقلك كلمة ع كبوت عربيتك..إنت شايف إن شكلها حلو
ممنوع ليه؟؟؟؟؟؟؟
ولما تحط سبويلر؟؟؟
ممنوع ليه؟؟؟

ولما تركب زينون؟؟هيقولك إضاءة مبهرة؟؟
ماهي فيه عربيات بتنزل وفيها الزينون أصلي بتاعها
يعني هوا ممنوع علشان مش أصلي؟؟زلا علشان إضاءة مبهرة؟؟؟
وبعدين ماهم بتوع النقل..بيحطوا 50 فانوس في وش العربية
اتنين فوق الكابينة..واتنين تحت..واتنين في الاكصدام..واتنين جمب المرايات
لو عربية نقل جاية في وشك....لو إنت مركب 20 زينون..مش هتشوف منه برضووووو
ايه القرررررف ده

**Car's Sniper** · 24-01-2011 11:33 PM

المشاركة الأصلية كتبت بواسطة a7med_pharma

مانزلتش بيها؟؟؟
طيب يعني انا لو ركبت فوانيس شبورة ..وعربيتي أصلا مانزلتش بيها
أبقا مخالف
هههههههههههههههه
عالم متخلفة والله

ههههههههه حضرتك بتقول فيها....ماهو فعلا ممنوع تركب فوانيس شبورة لو العربية مش نازلة بيها
اللى بيحس بالمشكلة دى هما بتوع العربيات القديمة زى الفيات 132 والحاجات دى لان العربية بتكون 100% نازلة من غير فوانيس شبورة ومالهاش مكان فبيبان جدا انها متركبة

-

-

الموضوع: فتحات الكبوت.........؟؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

فتحات التهوية

فتحات التكييف

زيت علي فتحات التكييف

بخصوص فتحات الهواء اللي في الكبوت او في الرفارف

يا جماعه ايه حكاية ان الفلتر الكربراتير بيزود هورسو سؤال عن فتحات الكبوت

الكلمات الدلالية لهذا الموضوع

المفضلات

المفضلات

ضوابط المشاركة