-
سيرايون ولا نيو اكسنت
السلام عليكم
بجد يا جماعه أنا بشكر كل الأعضاء المحترمين جدا في المنتدي ده علي المعلومات الهايله والتنظيم وبشكر الإداره الفعاله اللي ليها دور أساسي في إنجاح المنتدي:verygood:
أنا محتاجه مساعده في اختياري للعربيه اللي هاشتريها
أنا أول مره بسوووق في حياتي ومعايا طفلين فا عايزه عربيه تفي بكل أحتياجاتي وفي نفس الوقت تريحني في السواقه
أنا معايا 90000 جنيه ومحتاره أجيب دايهاتسو سيريون 2011 فول أوبشن أوتوماتيك وهيه بصراحه عاجبانيي موووت بعد ما رحت اتفرجت عليها التقفيل وووسع العربيه من جوه تحفه ولا أجيب نيو أكسنت 2011أوتوماتيك
أفيدوني أفادكم الله :help1:
-
ارشح لك النيو اكسنت 2011 لأنها بالمقارنة بالسيريون هتلاقيها اكبر في الحجم ، اوسع ، ليها شنطة كبيرة وده مهم جدا طالما معاكي اطفال (ربنا يخليهم) بالأضافة لأن الوكيل بتاعها غبور وده يعتبر من اكثر التوكيلات احتراما في مصر وقطع غيارها هتلاقيها في المتناول وبسعر معقول وربنا يوفقك للأختيار السليم.
-
شكرا جزيلا أستاذ محمد بس أنا حسيت إن السيريون من جوه نفس الوسع ولا أنا غلطانه؟
-
ممكن تكون نفس الوسع ومتفق معاكي انها حريمي اكتر لكن لازم ميكونش ده المعيار الوحيد في الحكم ، زي ماقولت لك الوكيل وتوفر قطع الغيار ووجود شنطة كبيرة دي برضه من المعايير المهمة لأختيار عربية. باختصار احتكمي لنفسك ، اي واحدة منهم تقدري تعتمدي عليها وتعتبريها عربية عائلية؟ اي واحدة منهم الي حد بعيد ثمنها فيها بمعنى انها مطلوبة في سوق المستعمل وممكن تتباع بسهولة لو حبيتي تغيريها؟
-
-
* * * * * * * * * * * * * * * *
ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية
-
-
البونتو ايفو احسن من الاتنين بكتير وشكلها روعة
http://www.nilemotors.net/Nile/189478-pk2.html
-
لو هتقارنى سيريون باكسنت فطبعا السيريون تكسب و طبعا مش نفس الوسع ال سيريون ال 1500 اوسع بكتير اصلا و اتضف فى التقفيل برضة و طبعا هتوفر بنزين عن الاكسنت لو هتدخلى الايفو هتبقى مانيول و بيتهيالى انك عايزة اوتو يبقى اعتقد السيريون انسب ليكى فى السعر دة
-
شكرا أستاذ محمد
بس أنا شفت السيريون 1300 في التوكيل وهي دي اللي ب90000 والراجل قاللي خدي ال1300 أحسن ومش عارفه أقرر بصراحه
Content Relevant URLs by
vBSEO 3.6.0 PL2