أعلن هنا ..... عن السيارات المسروقة
بعد تعدد سرقات السيارات وانتشارها بشكل غير طبيعى وبالاخص سيارات اعضاء المنتدى ومعارفهم
قلت اعمل الموضوع ده علشان نحط فيه مواصفات اى عربية مسروقة
وأظن ان عددنا كبير وانتشارنا بيغطى معظم المحافظات وبالاستعانة بالله ممكن نكون سبب فى اعادة سيارة مسروقة لصاحبها
وهنيالك يا فاعل الخير
( من نفس عن مؤمن كربة من كرب الدنيا نفس الله عنه كربة من كرب يوم القيامة )
( من لم يهتم لامر المسلمين فليس منهم )
المهم علشان الموضوع يكون فعال اللى يكتب مشاركة لازم تكون واضحة مثل
نوع السيارة المسروقة
الموديل
اللون
رقم اللوحات المعدنية
المكان اللى اتسرقت منه العربية
واى معلومات ممكن تكون مفيده فى البحث
والدور التانى على الاعضاء
ومش هيكلف حد وقت ولا مجهود ...... هو بس شوية تركيز صغيرين فى ملاحظة
اى عربية مركونة بشكل مش طبيعى
العربيات اللى بتتركن تحت الكبارى
العربيات اللى بتترمى فى المدن الجديدة
والعربيه اللى ترجع لصاحبها نكتب انها رجعت علشان نستثنيها من البحث
للأمانه الفكرة كتبها العضو elmkaneeki
يا جماعة عاوزين بجد نعمل فرق وندور
مش لازم مخصوص
بس كل واحد يكتب ورقة بارقام السيارات المعلن عن سرقتها هنا فى المنتدى ويخليها معاه
ولو قابل صدفة مثلا عربية مركونة فى وضع غريب يقارن بالارقام الى معاه
ربنا يستر عالجميع ويحرق قلب الى بيسرق تعب الناس وعرقهم
بجد بجد حرام
حسبنا الله ونعم الوكيل فى كل واحد ياكل حق حد او يسرق حد
حسبنا الله ونعم الوكيل