عرض للطباعة
سلام عليكم ورحمة الله ,,,
انا عايز اغير كاوتش الكورسا بالكامل علما بأن مقاسات الكاوتش بتاعها الاصلى اللى راكب دلؤتى 185/60 14 فاعايز اعرف الأتى :
_ اى الانواع اجيبه يكون كويس ليها من حيث الافضليه ومن عند مين وبكام تقريبا ؟
_ عايز اقلل فى المقاس عشان ثبات العربيه يكون للاحسن يبئى مقاس كام ؟
وللعلم كل ده طبعا على الجنت او الطاره بتاعتها الاساسيه ال 14 يعنى مش هغيرها
وتحيـــــــــــــــاتى للجميع
اخوكم حازم عبد السلام
محاسب بالهيئة العامة للرقابة الماليه
ازاى تقلل فى المقاس عشان ثبات العربية يكون أحسن !!
المفروض لو عاوز ثبات أحسن تعرض الكاوتش.
عموما هى مقاسها 185/60 r14 و أنا بفضل تخليه زى ما هو و بفضل الهانكوك .. سعره كويس و طرى و مريح و بيستحمل.
الفرده ب 280 تقريبا دلوقتى.
تقلل المقاس الثبات هيقلل ...تزود العرض على نفس الجنط هيبقى شكله وحش ...
خليه زى ما هو ...
الرودستون كويس ..طرى و ملوش صوت ع الارض بس معرفش بكام دلوقت
تزويد المقاس هو اللى يزود الثبات اللا لو قصدك على تقليل ارتفاع الكاوتشاقتباس:
المشاركة الأصلية كتبت بواسطة hazeeeeem
طالما على نفس الجنط ركب نفس مقاسات الكاوتش اللى فى الكتالوج ( فى عربيات بيبقى نازل ليها مقاسين على نفس الجنط معرفش الكورسا كدة ولا لأ )
لو عايز اعرض و ثبات اعلى
195/60/14
ابعد عن الهانكوك اليومين دول
الميشلان نازل باسعار حلوة
و جوود يير الجديد تحفة
انا فعلا عايز اعرض عشان الثبات يبئى افضل
وبرضو واحد صاحبى قالى لو هتغير اغير للمقاس اللى انت قلته 195/60اقتباس:
المشاركة الأصلية كتبت بواسطة tananybasha
انا فعلا عايز اقلل ارتفاع الكاوتش واعرضها شويهاقتباس:
المشاركة الأصلية كتبت بواسطة eng\ahmed
لو غيرت الارتفاع اوالعرض علي نفس الجنط هيبقي شكله وحش , خليك علي نفس المقاس يا اما تغير الجنط, ابعد عن الهانكوك عشان بعد التجربه اكتشفت فيه عيب ان هو طري او من الجنب مع اي مطب جامد بيعمل بيضه في الكاوتش او بيقطع , ممكن تجيب كاوتش كونتننتال الماني هو غالي شويه بس ملوش صوت خالص وعمره طويل اوي وبيدي ثبات جامد للعربيه وده عن تجربه. وبينزل في العربيات الالماني الجديده كلها , هاته ومش هتندم.اقتباس:
المشاركة الأصلية كتبت بواسطة hazeeeeem
على نفس الجنط ملهاش اى لازمة , لو مش عايز جنوط سبور ممكن تجيب الجنوط الحديد 15 " بتاع الاسترا اعتقد هتبقى نفس ابعاد المساميراقتباس:
المشاركة الأصلية كتبت بواسطة hazeeeeem
على فكرة 195\60 اعلى من الجنب من 185\60 لأن ال 60 دى نسبة الارتفاع من العرض
فرق السنتيمتر دة ولا هيحسسك بأى حاجة فلوس على الفاضى
طيب ده اللاقيه عند مين يكون مضمون ؟ وسعره كام تقريبا ؟اقتباس:
المشاركة الأصلية كتبت بواسطة hardman20060
وفى واحد قالى 205 / 50 ايه رأيكو فى الكلام ده ؟ وهو بيقولى ده هيديك ثبات ممتاز ومش هيأثر على اى حاجه فى العربيه
انت كده بتتكلم على لوبروفايل
ده هيتعب ضهرك
مش هيتعب العفشة و لا ايه رأيك
والله يا استاذ محمد انا مش عارف ايه هو الوبر فايل ده اصلا ؟
معلش اخوك جاهل شويتين ههههه
علي حسب معلوماتي ان الفرق بين 195\60 و ال 185\60 ده هيبقي في عرض الكاوتش علي الارض يعني ال 195 هيبقي اعرض شويه من ال 185 لكن الاتنين ليهم نفس الارتفاع من علي الارض يعني الاتنين علو واحداقتباس:
المشاركة الأصلية كتبت بواسطة eng\ahmed
انا مش من القاهره عشان اقدر احدد لحضرتك تجيبه منين ممكن حد من رجالتنا يقولك علي حد مضمون بس عموما اهم حاجه يكون تاريخ انتاجه حديث , اما بخصوص السعر فاعتقد ان الفرده مش هتزيد عن 450 لان انا كنت شاري منه 195\50 جنط 15 كانت بحوالي 520 للفرده الواحده.اقتباس:
المشاركة الأصلية كتبت بواسطة hazeeeeem
معنى ان ارتفاع الاطار 60 يعنى ارتفاع الاطار = 60% من عرض الاطار
ال 60 % من ال 185 غير ال 195
Tire Size Calculator - tire & wheel plus sizing