الموضوع: ايهما افضل العمل الحر ام فى حكومه او شركه

المشاركة الأصلية كتبت بواسطة tarekzein

كنت عارف أن محدش هايصدقنى

يا أخى ده أنا حلفت بالله العظيم

وده زميل لى

والبنك قطاع خاص

ومش مصرى كمان

وكفايه كده عشان مروحش فى داهيه

ـــــــــــــــــــــــــ ــــ

بس ده ميمنعش أن فى مرتبات 50 وستين ألف

بس ده لرؤساء القطاعات وأكبر

بص بالنسبه للمرتب انا بجد مستغربله انا اخويا بيشتغل فى البنك الاهلى وهو خريج تجاره انجليزى وبياخد 1600 جنيه وهو خريج 2008

المشاركة الأصلية كتبت بواسطة أبو إياد

انا شايف بدل ما اقولك رائيى انا انقلك تجربتى وانت تقدر تقرر ايهما افضل

انا اشتغلت فى الشغل الحر والحمد لله كان دخلى ممتاز على اد ما بتتعب بتلاقى بس كان بيجى فتره فى السوق اللى بتعمله فى سنتين يضيع منك فى شهر
واتقدمت للجواز وانا فى الشغل الحر وبعد جوازى ب 4 ايام جاتلى الوظيفه بتعاقد طبعا

فاتعاملت مع الوظيفه على انها رزق من عند الله وانا دلوقتى اصبحت مسئول عن بيت وزوجه فقرر انى اقبل الوظيفه لجانب مشروعى شهر اتنين تلاته وكنت قافل المشروع بتاعى لان مافيش واحد نفس تفكيرك يقدر يحل محلك فى غيابك وبعد فتره عملت اعاده لترتيب اوراقى من جديد وفتحت مشروع جديد
باردو نفس الغلطه وماقدرتش اكمل كل ده طبعا وانا عندى وظيفتى وملتزم ومرتبى بيجيلى كل اول شهر

وحاليا وصلت لحاجه وهى ان علشان ماتخسرش يبقا تقلل مصاريفك مش مهم تكسب انا عندى طاقه ولازم اخرجها بس فى نفس الوقت عاوز الطاقه دى استفيد منها وبيتى واولادى يستفيدوا منها يبقا ممكن بجانب الوظيفه مشروع مش محتاج وقت مش محتاج مجهود جبار لو غيبت عنه يوم اتنين اسبوع مش هاخسر

ودى طبعا انت اللى لازم تقرر ايه هى حسب ميولك

وعلى فكره مش معنى كلامى انى هافضل طول عمرى موظف
لا بالعكس اكيد زى ماكانت الوظيفه فى وقتها فرصه فاكيد فى حاجه تانيه هاتيجى فى وقت ما وهاتبقى فرصه وساعتها هاستغنى عن الوظيفه زى ما استغنيت عن مشروعى علشان الوظيفه

ازيك ياابو اياد فى الاول ومشكور جدا على كلامك

المشاركة الأصلية كتبت بواسطة م/مصطفى محمود

الأهم أنت طموحك أية ، يعني هل ناوي تفتح محل علشان تصحى الصبح تفتحة وتقعد وتقفل بالليل وخلاص ، ولا ناوي تفتح سلسلة محلات وأفرع خارج مصر (بتكلم بجد والله) ، يعني هل هتبقى واحد من اللى بيبيعوا فضة ، ولا ناوي تتميز فى مجالك ، وتعمل موقع على النت وتجيب موديلات جديدة وحاجات حديثة وخدمات و و و و و

صدقني لو هتبقى روتيني يبقى أفضلك أنك تشتغل فى وظيفة ، لكن لو فى دماغك أنك تتميز وعندك الطموح (يعني شايف نفسك فين بعد 10 سنيين) يبقى مشروع خاص

وياريت تقرأ صفحات من تجربتي لعثمان أحمد عثمان ، وتشوف قصة بنائة للمقاولون العرب

وربنا يوفقك بإذن الله

بس ياستاذ مصطفى انا بجد نفسى يبقى عندى مجموعه محلات مش محل واحد وابقى حاجتى مش عند اى حد يعنى متميز فى شغلى ونفسى برضه اسافر فى الخارج واجيب شغلى بنفسى واوزعه كمان على تجار يعنى مش روتينى

المشاركة الأصلية كتبت بواسطة eldell

بس ياستاذ مصطفى انا بجد نفسى يبقى عندى مجموعه محلات مش محل واحد وابقى حاجتى مش عند اى حد يعنى متميز فى شغلى ونفسى برضه اسافر فى الخارج واجيب شغلى بنفسى واوزعه كمان على تجار يعنى مش روتينى

ربنا يوفقك
واحدة واحدة هتوصل ان شاء الله

المشاركة الأصلية كتبت بواسطة zago

بص يا باشمحاسب
الاعمال الحره حتديلك فلوس اكتر
وحتديلك احترام بيزيد مع زياده حجم مشروعك

وده عايز وقت وجهد و و و و

يعني اعمل حسابك تاكل الزلط
ولما تلاقي شغلانه مرتبها كويس يبقى توفق بين مواعيدها ومواعيد شغلك
أزاي معرفش
وساعتها حتاكل الزلط والخرسانه المسلحه كمان

لو انت مش قد الكلام ده
يبقى عليك وعالوظيفه وال 700 ملطوش بيزيدو مع الوقت
ده رزق


ربنا معاك

منور ياكبير وشكلنا هنبقى من مكان واحد علشان المحل عندكم وبعدين انا باذن الله نويت اشتغل فى الحكومه وافتح المحل باليل
ووالدى يعد الصبح وربنا يكرم باذن الله