السلام عليكم
انا عندى سؤالين ليهم علاقة ببعض
1- ازاى اعرف الصبح ان العربية سخنت وجاهزة للتحرك؟
2- المفروض العربية تأخد اد ايه وقت عشان تبقى سخنت و جاهزة للتحرك؟
ملحوظة:- انا مش عندى عداد ار بى ام
شكرا
عرض للطباعة
السلام عليكم
انا عندى سؤالين ليهم علاقة ببعض
1- ازاى اعرف الصبح ان العربية سخنت وجاهزة للتحرك؟
2- المفروض العربية تأخد اد ايه وقت عشان تبقى سخنت و جاهزة للتحرك؟
ملحوظة:- انا مش عندى عداد ار بى ام
شكرا
وانا بسأل نفس السؤال
علشان انا بنزل متأخر فابدور العربية وامشي علي طول
الكتالوج بيقول دور و بعد 30 ثانية اتحرك
MMamdouh
لا...
العربية فيها كونترول بيتولى تسخين العربية من خلال تعديل لفات الموتور و خليط الهوا و البنزين عشان تسخن... طبعا دة مش الوضع الامثل للتشغيل لكن فى نفس الوقت السبب فى سخونة المحرك هو الحمل بالتالى صانع السيارة بينصح بتشغيل العربية فترة 30 ثانية لحد ما دورة التزييت تشتغل بكامل كفائتها و بعدها تسوق العربية
و انت سايق حتبقى العربية باردة برضة و بالتالى لا ينثح بانك تحرق عليها لكن فى ظرف دقيقتين تلاتة (اعتمادا على حرارة الجو) حتلاقى المؤشر وصل مكانة الصحيح... لو وقفت تسخن مكانك زى عربيات زمان حتقف كتير اوى اوى عشان توصل لنفس الحرارة
MMamdouh
كلام جميل جدا و مقنع.... شكرا ليك
بعد اذن صاحب الموضوع
انا ليا سؤال وانا ماشى الصبح والجو برد سعات بلاقى المؤشر بينزل عن الطبيعى فهل ده عادي ولما الجو بيسخن شويه الؤشر بيوصل للطبيعى وميتحركش وبرضه ملاحظ ان استهلاك البنزين بيزيد مع الجو البرد
وشكرا مقدما
متابع
ملهاش علاقة بالوقت لكن ممكن تحسبها على مؤشر الحرارة ومظنش هتفضل تسخن لحد الطبيعى طبعا هتاخد وقت كبير كده وده مش منطقى
باختصار سخن لحد تلت المؤشر مثلا (اول شرطة) ويكون صوت الموتور هدى (فى حالة التموير) لان العربية وهى باردة الار بى ام بيكون عالى والموتور لفاته اكتر كأنك دايس بنزين
وانت بتسخن متضغطش ضغطات متقطعه على الدواسة وتحرق اوى ولكن ضغطة مستمرة بقوة معقولة وثابتة دون تقطع
انا شخصيا كنت بسخن حوالى 5 دقائق فى الشتاء بس بعد ما اتناقش الموضوع دا فى المنتدى كتير بقيت بعمل ذى ما محمد ممدوح بيقول يعنى 30 ثانيه او دقيقه وبعد كدا بتحرك بس بمشى براحه ومن غير حرق على الغيارات لمده كام دقيقه كمان عقبال لما تبدا تسخن كويس