فكره مشروع :))

**islamaboelnaga** · 24-01-2011 03:40 PM

السلام عليكم ....انا نفسى فى مشروع يكون برأس مال متوسط و ياريت لو علاقه بالهندسه علشان انا مهندس مدنى و لسه حديث التخرج و صعب الدخول فى المقاولات دلوقتى الا بعد شويه خبره كده :)) ياريت اللى عنده فكره حلوه يقولها و يستحسن لو ليها علاقه بشغلى :)) و لو حد عنده فكره ملهاش علاقه برده يقولها :))

**tarekzein** · 24-01-2011 04:32 PM

المنصوره بالذات أنا عارف أن فيها صنايعيه ميه ميه

ممكن تبدأ فى المقاولات بس حاجت صغيره

شقه ، محل ، دور هايتصب خرسانه

والحاجات دى كل اللى بتحتاجه هى الدفعه الأولى

وبعدين يبقى الحساب من خلال تقدم الأعمال

**islamaboelnaga** · 24-01-2011 04:39 PM

ايوا بس المقاولات عايزه خبره شويه غير ان المنصوره مجال الشغل بقى قليل اوى فيها....انا كنت بفكر مثلا فى مشروع ماكينه خوازيق او محطه خلط خرسانه جاهزه بس مش عارف التكاليف لسه مع العلم ان معايا اصحابى برده فى نفس المجال و عايزين نعمل المشروع دا شركه :)

**م.محمد علاء** · 24-01-2011 04:42 PM

يستحسن لو ليها علاقه بشغلى

مهو لازم يكون ليها علاقه بشغلك...لأن لو ملهاش علاقه بشغلك و دراستك يبقى إسمحلي أقولك..ده تضييع وقت..
بس ليه مفكرتش تشتغل فى مجالك..وتاخد منه الخبره المطلوبه...ومستقبلا تقدر تفتح شركة مقاولاتك الخاصه بيك..
أنتم مهندسين مدني ..و دورة حياتكم المهنيه معروفه..و مستقبلها بنحسدكم عليه..

**م.محمد علاء** · 24-01-2011 04:44 PM

المشاركة الأصلية كتبت بواسطة islamaboelnaga

انا كنت بفكر مثلا فى مشروع ماكينه خوازيق او محطه خلط خرسانه جاهزه بس مش عارف التكاليف لسه مع العلم ان معايا اصحابى برده فى نفس المجال و عايزين نعمل المشروع دا شركه :)

معرفش الأولى..بس التانيه دي حوارها حوار..
ده طلمبة الأسمنت..(اللي هي متحمله على عربيه نقل تمنها بالشيء الفلاني..)
بالك بقى بمحطة أسمنت...
بس هو بيني وبينك مشروع كويس..بس مش مجال مدني قوى..حتكون إداري نوعا ما..
لأن إحنا اللي بنشتغل فى المجال ده..لأن هيدروليك و ميكانيكي بحت..

**islamaboelnaga** · 24-01-2011 05:12 PM

ماهو الفكره ان الشغل اللى بيدى خبره كويسه و مفيده بيبقى فى الشركات المحترمه و دى عايزه واسطه :( ....محطه الخلط فيها شغل الاضافات و مؤخرات الشك و الكلام دا كله material من مدنى :)) انا فعلا حاسس انه ضخم اوى و بحاول الاقى حاجه معقوله

**islamaboelnaga** · 25-01-2011 01:19 AM

مفيش جديد ؟ :)

**Mahmoud Nagieb** · 25-01-2011 01:49 AM

على فكرة ومش بهزار .... انا شايف ان احسن مشاريع ممكن الواحد يبتدى بيها حياته هيا المشاريع بتاعة الاكل

ايوة الاكل ... الشعب المصرى ميتوصاش يا جماعة .... طب والله مش بهزر انا نفسى اقف بعربية فول فى الشارع ... ده انا عندى عم عبده فى الكلية ما شاء الله شغااال الله ينور ... وكل يوم الفول بيغلى وبيضحكوا علينا... ده انا بفطر ب 5 جنيه يخوانا وفى الاخر اسمه فول

طبعا ابويا يسمع الكلام ده من هنا الاقيه عاوز يمسكنى من زمارة رقبتى .... يقولى يعنى انا كبرتك وعلمتك ودخلتك كلية هندسة وبصرف عليك .... علشان تقفلى على عربية فول

يالا هنعمل ايه بس .... بلد شهادات صحيح