السلام عليكم ورحمة الله وبركاته
نويت ان شاء الله ارش العربية فى الاسبوعين الجايين دول ودى اول مرة ارش العربية وكنت عملت موضوع قبل كدة
http://www.nilemotors.net/Nile/191825-a.html
عشان اعرف اجمع معلومات عن الحكاية دى...والاعضاء ربنا يكرمهم قالولى ان السكينز هى احسن بوية للرش
نيجى للمهم
النهاردة رحت لصنايعى واحد صاحبى دلنى عليه شاف العربية ولونها وقاللى لون عربيتك ده مش اسود..دا اسمه كحلى غامق زى العربية اللى واقفة هناك دى...وشاورلى على عربية نوبيرا (نوع عربيتى) ونفس اللون وبردو بيرش العربية كلها ماعدا السقف والقوايم(زى حالاتى)
ببص على العربية لاقيتها خلصانة وجاهزة للرش
الصنايعى ورانى الحاجات اللى محتاجاها العربية النوبيرا اللى هاتترش اول حاجة لفتت نظرى هى البوية السكينز...ولما سألتة جايبها منين قاللى من الزقازيق وان دى بوية هولندى اصلى....مع انى سمعت ان الهولندى ماعدتش بتنزل مصر
المهم لاقيته بيقولى ان الطلبات بس(بوية وورنيش وخلافه) من غير مصنعية ب900 جنيه مع انى شفت ورقة الحساب كان مكتوب فيها750 بس لو 150 زيادة مقابل راحة البال وعدم التنطيط مش مهم
وقاللى على حاجة حلوة جدا....قاللى تعالى بكرا العصر اتفرج على العربية النوبيرا دى بعد الرش....الرش ببوية سكينز نفس لون عربيتى وان شاء الله هاروحله بكرة لو الظروف سمحت
بس لان المظاهر خداعة وانا لسة خام فى الحكاية دى...فالمفروض اول حاجة اشوفها فى العربية المرشوشة دى ايه عشان احكم على كفاءة الصنايعى ده؟؟...يعنى ابص على لمعان الحتت المرشوشة والحتت الفابريكة ولا ايه؟؟
ياريت تقلولى على الحاجات اللى المفروض اخد باللى منها لما اروح بكرا اشوف العربية المرشوشة عشان اعرف اسيبله عربيتى ولا لأ....وياريت كمان رنج المصنعية اللى المفروض اتفق عليه مع الصنايعى (رش كل العربية ماعدا السقف والقوايم)
وشكرا مقدما وآسف للاطالة