الساد الخبراء:السلام عليكم ورحمه الله وبركاته.

واجهتني مشكله بعد ماركبت كاميرا خلفيه في السياره .إن الصوره لا تظهر علي شاشه الجي بي إس (الكلام ده بعد التركيب).مع العلم إني جربتهم مع بعض أنا والكهربائي قبل مانركبها كانت شغاله وزي الفل.

اولا الجي بي إس بتاعي صيني ووصله ال إيه فيه بتاعته في جاك مكتوب عليه كوم.وفضلت ادور علي وصله اوريجينال مالقتهاش حتي في راديو شاك(ياريت لو حد يفيدني أقدر أجيب وصلته الاوريجينال منين).فاضطريت اركب جاك ستيريو بتاع صوت وجربته علي إشاره الرسيفر في البيت جايب صوره زي الفل.

وجربنا الكاميرا زي ماقولت قبل التركيب شغاله علي الجي بي إس برده زي الفل

بس بعد ماركبت مش راضيه تجيبلي صوره علي الجي بي إس خالص وساعات كده تجيبلي صوره مريجه ومهزوزه لمده ثواني وتختفي لدرجه إني شكيت في الكاميرا فجبت شاشه عاديه خالص وجربتها لاقيت الكاميرا موصله صوره10/10. يبقي الكاميرا وإتأكدنا إنها شغاله كويس والجي بي إس برضه شغال كويس بس الاتنين مع بعض بعد التركيب مش شغالين مش عارف ليه.لو حد يفيدني في الموضوع ده يبقي جزاه الله كل خير.