الموضوع: الفن الوحيد الهادف فى الوطن العربى يتجسد فى صورة "تهييس"

ناس كتيره لما تعرف نوعيه الفن ده هتستغرب لأن ناس كتيره بتستخدمه غلط (فى نوعيه الديسات) و هى واحد يشتم على التانى و عمتا طلاما أخدنا فن معين يبقى المفروض نوظفه صح على مجتمعنا مش الفن إلى يوظف مجتمعنا
الفن المقصود فى بالى "الراب العربى" طبعا الأغانى الهادفه مش التهييس زى أم تى أم و الفيلم الجديد الأهبل بتاع ميكروفون
الراب يعتبر ناقش قضايا كتيره جدا و سياسيه و أجتماعيه من المحيط للخليج و دى أمثله بسيطة جدا مشرفة أمام العالم و مشرفة لكل عربى بصراحه لأنهم بيتكلموا كلام لو حد منكم سمعة هيعرف أنا بتكلم عن أية
فريق دام من فلسطين (على طول بيتكلموا عن الأحتلال و مشاكل فلسطين)
شاديه منصور (فلسطينيه دايما برضة بتنتقد حكام العرب و كفايه أغنية الكوفيه العربيه لما قالت صباح الخير ولاد عمومنا أتفضلوا شرفونا شو بتحبوا نضيفكم دم عربى ولا دموع من عيونا)
بيج (مغربى دايما بينتقد الدوله و المشاكل الأجتماعيه زى أغنية الخوف)
أسفلت (من القاهره دايما بيتكلموا عن حياه الناس زى أغنية هتغير مع مطربة السولو ياسمين)
أيجى راب سكول (من أسكندريه و ليهم كذا أغنية عن السياسة زى غزة و أمريكان ديفل)
ميشو (من أسكندريه و بيتكلم عن المشاكل النفسيه فى أطار سياسى و ليه أغنية مشهورة أسمها مسجون جوة بلادة)
ماك دى (من القاهره بيتكلم عن المشاكل النفسيه فى أطار سياسى زى أغنية بجرى)
ماليكا (من لبنان و أشهر أغنية ليها أسمها يا لبنان و بتتكلم عن علاقه لبنان بالعدو الأسرائيلى)
ميرو (من أسكندريه و دا بيناقش قضايا ليها معنى كبير جدا فى أطار كوميدى و سخريه زى يوميات موظف مثالى و يبقى أنت أكيد فى مصر)
مودى راب (من القاهره بيتكلم عن السياسه و فى الأغلب بيكون بأسلوب سخريه زى أغنية لعبه السياسه)
كاسا كرو (من المغرب و عاملين كليبات كمان فى المغرب ومن أشهر أغانيهم حرب سلام و عربى)


يبقى بعد كل الأمثله دى و الناس إلى عملت حاجة فى مصلحه عقلها و فى مصلحه الناس و بلدها
يتجسد الراب و الهيب هوب فى صورة "تهييس" فى فيلم ميكروفون
بصراحه أنا زعلان جدا أن دة أول فيلم للهيب هوب عربى لأن بالوضع دة الراب بيزيد سوء (من أم تى أم إلى حسام الحسينى إلى أربيان نايتس إلى واى كرو !!!) لكن بالتأكيد الراب العربى فى التليفزيون سيظل إلى أبد الضهر فى مصر تهييس لأن الأمثله السابقة كلها التى تتحدث بعقلها و تناقش قضايا لا يمكن أن تظهر على شاشة التليفزيون المصريه بكل بساطة لتفسير واحد فقط أكيد عشان مفيش حريه تعبير
يا ترى عندك مبرر تانى عشان الناس دى متظهرش فى التليفزيون زى إلى بيهيسوا !!؟

المشاركة الأصلية كتبت بواسطة mtak

بصراحه مش عارف اقول ايه

يا راجل أى تعليق و لو بسيط حسسنى أنك مستوعب الموضوع شوية
أصل بصراحه الصورة الرمزية مع الرد الأتنين مع بعض خلونى هموت على نفسى من الضحك
و ألف شكر على ردك يا باشمهندس و يا رب الموضوع يكون وصل لحضرتك