انا فى الادارة .... يا كلمت ... يا سبت الشغل ....

اعزائى رواد المنتدى الكرام ...

تنوية هام ... الى من تربطهم بى الصداقه و ان كانت عبر قراءة مواضيعى او معرفتى شخصيا او حتى عبر الهاتف ...

انا الان فى الادارة الخاصة بالشركة التى اعمل بها فى مجال ابعد ما يكون عن تخصصى و قدارتي ....

لمن سبق و قرأ ما امر بة من ظروف عمل غير ادمية و طريقه عمل تتنافى مع كل القيم الانسانية ولا تراعى البعد الاجتماعى و النفسى و المادي فقد حان وقت المواجهه و اتخاذ القرار ....

و انا الان فى الشركة متخذ موقف دفاعى " مش مستخبى تحت المكتب يعنى " بس خلاص انا قررت اتكلم و اصرخ و اقول كفاية بقى انا تعبت .........

كل واحد ياخد ساتر و ساعت ما اقول "خش برجلتك يا فرج " الاقى كل النايلمورتوزاوية بجوارى " اوعى حد يجرى و يسبنى "

خلاص انا جالى اكتئاب و مستغرب شكلى لما بضحك و وعد لو الامور اتصلحت كل يوم هصبحككم بأجمل ابتسامه و لو لا قدر الله ابقى افتكرونى بالخير

سلام دلوقتى ....

امممم أنا صراحة مش فاهم حاجة
بس خير إن شاء الله
ربنا يقدملك إللي فيه الخير

بس نصيحة إللي فهمته إنك ناوي تبرز إعتراضك
نصيحة لوجه الله خليك هاااااااادي جدآآآ وإنتا بتعرض مشكلتك
وحاول تمسك نفسك وماتتعصبش

ربنا يعينك ويهيد لما ترضا

كلنا هاندعيلك بجد من قلبنا ياحسام

ها جاهزين يا رجاله ....

اقتباس:

---

المشاركة الأصلية كتبت بواسطة hosamsief

ها جاهزين يا رجاله ....

---

انا لبست الطرمبة في رجلي
والايس كاب على راسي

هه
قول يلااا

معاك
ربنا يعينك بجد
انا حاسس بيك
ربنا يقويك

ربنا يهديلك الحال ياحسام وتفرح وتفرحنا
كلنا معاك بس ماتتهورش

انا مش مطمئن على الراجل يا جماعة
يكونش ناوى يعمل حاجة بكره ؟

استهدى بالله يا حسام وتذكر أن
من يتق الله يجعل له مخرجاً ويرزقه من حيث لايحتسب

اقتباس:

---

المشاركة الأصلية كتبت بواسطة khaled_nowaihy

انا مش مطمئن على الراجل يا جماعة
يكونش ناوى يعمل حاجة بكره ؟

استهدى بالله يا حسام وتذكر أن
من يتق الله يجعل له مخرجاً ويرزقه من حيث لايحتسب

---

لا سيدى اطمن " و فى السماء رزقكم و ما توعدون "

بس الموضوع بس انى تعبت و الله و الواحد بيتحرى اللقمه الحلال و بيكبر لاكل عيشة بس للاسف مفيش تقدير ولا احساس و لغايه دلوقتى ما اخدتش مستحقاتى من الشركة و عمال اصرف من جيبى و اشترى بضاعه بعربيتى و اوصل عمال بيها و معنديش وقت ادور على شغل تاني و الغياب اليوم ب 3 ايام و بتكلف بمهام تعجيزية و بتعامل مع فئه عمرى فى حياتى ما تعاملت معاها يعنى الامور ملطشة بس الحمد لله ماشية و طول ما انا ساكت خلاص لكن لكل شىء نهاية و الكلام هيكون بكل ادب و احترام و الارزاق على الله...

اقتباس:

---

المشاركة الأصلية كتبت بواسطة hosamsief

لا سيدى اطمن " و فى السماء رزقكم و ما توعدون "

بس الموضوع بس انى تعبت و الله و الواحد بيتحرى اللقمه الحلال و بيكبر لاكل عيشة بس للاسف مفيش تقدير ولا احساس و لغايه دلوقتى ما اخدتش مستحقاتى من الشركة و عمال اصرف من جيبى و اشترى بضاعه بعربيتى و اوصل عمال بيها و معنديش وقت ادور على شغل تاني و الغياب اليوم ب 3 ايام و بتكلف بمهام تعجيزية و بتعامل مع فئه عمرى فى حياتى ما تعاملت معاها يعنى الامور ملطشة بس الحمد لله ماشية و طول ما انا ساكت خلاص لكن لكل شىء نهاية و الكلام هيكون بكل ادب و احترام و الارزاق على الله...

---

للاسف الواحد مر بظروف شبيهة
وفعلا ربنا يكون فى عونك
كل دة اختبار
ادها وادود يا حسام باشا
اطلب حقك بالهدوء وبالادب
وقول حسبى الله ونعم الوكيل

ربنا ييسر الامور ادامك وتكون النتيجه خير ان شاء الله

ممكن اعرف تخصص حضرتك ؟
و شغال فين

حاصل على ليسانس اداب دفعه 99 قسم لغة انجليزية
اعمل فى مجال الاستيراد و الترجمة و الكمبيوتر
تم نقلى لمصنع اثاث لتسليم المنتجات و مش عارف لية و مش عارف اعمل ايه

Work immediately as an English teacher in an international school & you will be better off financially man!

حقك طبعا..ربنا معاك

ربنا معاك

وعسى ان تكرهوا شيئا وهو خير لكم

انا عارفك
المدير اللى مشيلك الليله - المصنع امانه فى رقابتك و انا بتسرق و ازاى ابنك عيان و انت متأخر على الشغل

بس لو هتفتح فيه يبقى فهمه بالراحه كده كده انت شايف شغلك الضغط عليك مش هيجيب شغل زياده بالعكس انت بتنهار و هتهرب منه
كلمه بالمنطق - مكسب و خساره و حدد قواعد

ياباشا
اهم حاجه تعملها
تقييم البدائل
تقييم البدائل
تقييم البدائل


ولو مش فاهم ابعتلي عالخاص اشرحلك بالتفصيل

ربنا معاك يفك كربك ويرزقك من فضله انشاء الله

ربنا يكون فى عونك ياكبير

والله يا استاذ حسام مش عارف اقولك ايه بعد كل اللي الناس قالته .. احنا كلنا عارفين اللي بتمر بيه وكلنا نفسنا نقف جنبك .. اقترح اننا نقيم الموقف بالعقل .. اول حاجه تعرض مشكلتك فى واحد اتنين تلاته وبالحجة والبرهان و تفهمهم انك مفحوت عشان خاطرهم وهنا حاول تدي الموقف حبه عصبية مكتومة لحسن يفتكروا انك حاطط علي قلبك مراوح .. بالذات لأن المدير بتاعك عارف انه مش هايلاقي حد يستحمله زيك .. لو تحب نبعت كلنا خطاب موجه لإداره الشركه وعليه توقيعاتنا وتوقيع نايل موتورز هاتبقا خطوة كويسة .. اخر حاجه حط ف دماغك ان الحكاية مش بامية ومش سهل ان اي مدير يرفد اي حد فيه حاجه اسمها شكوى فى مكتب العمل و نخرب بيتهم انت موظف محترم مش صبى قهوجى .. ولو حضرتك عندك طريقة نساندك بيها قولها وانشاء الله ننفذها .. انت بس اصبر واحتسب وربنا مش هايتخلى عنك وكلنا جنبك ربنا يقويك

يا سيد حسام قبل ما تكلم أى حد فى الإدارة قول (( رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي )) وربنا يوفقك .