عرض للطباعة
السلام عليكم
النهارده ضربت في دماغي واشتريت زينون ( للعالي فقط) رحت اركبه الكهربائي قال لي لازم تركب كتاوت علشان الدراع مش عارف ايه كده....انا طبعا مفهمتش حاجه وقلت اسئل وحوش بروتون
البيانات اللي علي العلبه ىكالتالي:
H4 8000 K وده مكتوب علي اللمبه
اللي مكتوب علي البلاطه : Bukb type 35 W
P out 35 W norm
made in china
ايه معني كل ده ؟ ولازم الكتاوت ؟
واعمل ايه بالضبط؟
مستني ردودكم ومش حعمل اي حاجه الا لما تردوا عليا
تحياتي..
كتاوت اية الزينون بيجى بلمديول بتاعة مش جاى مع اللمبتين يباشا مديولين او جهازين على شكل مستطيل كدة ؟؟؟
دراع نور اية اللى يسيح مانا مركب عندى الزينون من غير كتاوت اساسا المديول دة هوة الكتاوت انا مش عارف الكهربائى دة بيفهم ولا انت معاك زينون مختلف عن اللى راكب عندى ولا اية ؟؟
بسيييطة جدا يا ريت حضرتك تحط صورة واكيد اللي مركب زينون من نفس النوع ها يساعد حضرتك ...
أيوه معاهم علبتين علي شكل مستطيل والراجل وصلهم باللمبه لما كان بيجربهم
طب ممكن يكون النوع اللي حضرتك مركبه غير اللي معايا؟
لاني رحت لاكتر من كهربائي وقالو نفس الكلام
اللى بيقوله صح مش غلط ده امان ليك لان كهربة الزينون عالية جدا و ممكن لو حصل قفلة تسيحلك الدراع فعلا و اكتر كمان و الكتاوت فكرتها زى الفيوز اللى يضرب لو حصل حاجة و ياخد هو الخطر قبل اى حاجة تانى
بس الزينون اللى انت جايبه ده فى كتاوت اصلا بس هتلاقى الكهربائى مش عارف عشان الا h4 مختلف عن اى زينون و الكتاوت اللى معاه صغيرة
قله يركب عادى جدا متخافش
تركيبها مباخدش اكتر من نص ساعة و 30 او 40 جنيه بالكتير و يفضل اوى لو حد مركب قبل كدة
زي ما قال ايمن كدا الزينون ده مش محتاج كتاوت .
ممكن حضرتك تقولنا جبتهم بكام و منين و صناعه ايه وياريت صور معلش هنتعبك
احسن نوع فى الصينى dlaa
ماركة معروفه ماليزى صينى مشترك
اما بقى لو عندك معرفه فى الحرفين يديك 2 استيراد من سيارة اوربى او يابانى عايكونوا اصلى ز
ايه يا أبوحميد ركبته أخيرا, مبروك يا معلم...المهم جبته philips ولا ايه؟اقتباس:
المشاركة الأصلية كتبت بواسطة mido_soliman
باشا يعني النوع الصيني ده يعتبر افضل نوع ولا في انواع تانية افضل وممكن سؤال تاني سعره كام لو تتذكر وشكرا جزيلااقتباس:
المشاركة الأصلية كتبت بواسطة alarabiya11
شكرا لكل الاخوه الافاضل اللي تكرموا بالمشاركه
نوعه hid صيني عالي فقط وهما لمبتين واحده واطي صفراء والتانيه عالي زينون لان العالي والواطي عندي في لمبه واحده
من التوفيقيه في مبني كده في محلات اكسسوار كتيره
ب 275 ج بس أنا أخدته ب 250ج
وتركيبه ب 50 ج
تحياتي....
معلش موضوع الصور ده الموبايل صورته سيئه جدا
هى المشكلة ان مافيش حد رد اسمه ايمن من اساسهاقتباس:
المشاركة الأصلية كتبت بواسطة spiderloking
ههههههههههههههههههههههههه ههههه
حودة الله يبارك فيك يا معلم الحمد لله ركبت الفيليبس الاصلى من هاشم باص 6000 كلفن وماشى الحال الحمد للهاقتباس:
المشاركة الأصلية كتبت بواسطة raul_7
معلش ممكن تفاصيل اكتر او نمرة موبيلك على الخاص ان امكن لوسمحتاقتباس:
المشاركة الأصلية كتبت بواسطة mido_soliman
0113180313اقتباس:
المشاركة الأصلية كتبت بواسطة pedro732000
السلام عليكم
صاحب الموضوع ممكن من فضلك تروح بالزينون التوكيل او مركز خدمه معتمد عصام وصفا وتاخد فاتورة بتركيبه فى الضمان لعدم خروج الضفيره من الضمان . نصيحه لوجه الله ولو حتركبه برة بـ50 جنيه وحتركبه فى التوكيل 150 انت الكسبان
الزينون ملوش دعوة بالضفيرةاقتباس:
المشاركة الأصلية كتبت بواسطة salahhakim
السلام عليكماقتباس:
المشاركة الأصلية كتبت بواسطة tarek gen 2
وزراع النور ليه دعوة ولا ملوش ؟
ولو هو مالوش ليه بيخرج الضفيرة من الضمان؟
انا لسه مركب الزينون والكهربائي ركب لي 2 كتاوت بتوع جين 2 (original) استعمال سعرهم 60 ج + 50 ج مصنعيه + 23ج عباره عن 4 متر سلك 2 مم و2 فيشه فانوس و 4 ترمله نحاس و4 افيز ...ده اللي فاكره + 250ج تمن الزينون
يعني الاجمالي حوالي 385 ج
علي فكره الكهربائي ملمسش الضفيره نهائيا..يدوب كلبس شابك في فيشه ..ممكن يتفكوا بسهوله جدا
تحياتي....