دلوقتي الموضوع دا كله عشان خالي هو عنده استوديو تصوير كبير وكدة والمهم جاله فرصة انه يفتح استوديو اكبر في مكان ممتاز جدا وفرصة لا تعوض فعلا ..المهم كان محتاج مبلغ 500 ألف جنيه هو باع عربيته وكل حاجة ممكن تتباع وصفصفو على 400 الف ...فاضل البيت اللي هو قاعد فيه وكان عاوز يبيعه ويجيب شقة ..البيت دا دورين وبسلم داخلي وكدة وكله بتاعه وممكن يجيب حوالي 300 الف أو أكتر ....انا قولتلو طب ماتشوف قرض بالمبلغ دا أحسن ما تبيع البيت ..قالي طب والحرمانية وموضوع الإجراءات وكدة ..انا قلتله إني اعرف إن في بنوك إسلامية وكدة ...فكنت عاوز اعرف منكم يا رجالة الخلاصة في الموضوع دا وفين أحسن مكان يقدر ياخد منه قرض وبسرعة وفي حدود ال100 ألف بضمان البيت اللي هو قاعد فيه وكدة ..أفيـــــــــــدونا أفادكم الله