الموضوع: انا تعبت من المصاريف !!

شكرا اخواتى الكرام على المشاركة وشكرا اخى كريم على التوضيح ( طبعا ان مش قصدى انى اسب الضهر . انا قصدى الحياة الصعبة الى احنا فيها )
شكر خاص اخى ElKattan على وقت ونصحتك
بس فعلا موضوع الاكسيل دة كويس بس عايز تعود وتعب فى الاول علشان تاخد علية .. لاسف الواحد طول النهار برة البيت ومبيصدق اروح اقعد شوية مع الاولاد والحكومة .. بس انا ممكن اشيل قلم صغير وفتر صغير اكتب فية مصاريف يوم ولا يومين وبعدين لما يبقى عندى وقت استخدم الشيت .
وبكدة هقدر اعرف انا بصرف اد اية وعلى اية مع انى عارف انى مش هقدر اوفر اى مصاريف انا بصرفها ىنها كلها ضرورية بس على الاقل ابقى عارف انا بصرف كام كل شهر بدل ماانا ماشى بالبركة كدة ..

موضوع انى افتح حساب فى البنك اول ما بيجيلى فلوس اروح اودعهم مش هينفع معايا لاسف لانى مجبر انى احط مكسبى فى التجارة علشان ازود الشغل واكسب اكتر ...

على فركة انا بتصدق والحمد الله علشان ربنا يبارك
واشكركم مرة اخرى
وجزاكم الله خيرا

المشاركة الأصلية كتبت بواسطة ElKattan

بص يا باشا
انا مريت بتجربة أحب أنصحك بيها
أنا كل شهر كنت باصرف مبلغ بحس انه كبير قوي فى اخر الشهر ومابشتريتش حاجة يعني تساوي هذا المبلغ.
فعملت ايه بقى يا سيدي
بس من غير ضحك ولا تريقة
أنا عملت ملف اكسيل باكتب فيه كل مصاريفي بدقة غريبة انا فعلا مستغرب منها لدرجة الخمسين قرش اللى بدفعها لسايس الجراج الصبح.
بعد ما عدى شهر اكتشفت بنود غريبة جدا بتستهلك فيها مبالغ كبيرة زى مثلا المجاملات
فانا أقترح انك أول كل شهر تحسب المصاريف الثابتة بتاعتك (إيجار شقتك - مصروف بيتك - مصروف ولادك وزوجتك) وبعدين تشيل مبلغ معين للادخار تخليه بعيد عنك تماما وتحاول تنساه خالص
وبعدين هيتبقى لك مبلغ لمصاريفك انت الشخصية( زى مثلا مصاريف أكلك فى الشغل ومصاريف العربية والبنزين وخلافه) حاول تشيل 20% من المبلغ ده على جنب وتحاول تصرف نفسك بال 80%
فى الغالب بعد ال 80% ما يخلصو هتدخل فى العشرين ده أمر طبيعي بس حاول ما تدخلش فى ملبغ الادخار خاااالص اللى انت شيلته من الأول.
الاكسيل شييت هايبين لك بنود للانفاق غريبة مش فى بالك خالص فتحاول تقنن المصاريف دي
مع الأخذ فى الاعتبار ان المبلغ اللى انت مرتب تصرفه هتصرفه فلذلك أؤيد اقتراح الجمعية ده بمعنى المبلغ اللى هتحوشه كل شهر تحاول تدخله فى جمعية حتى لا تضطر انك تقرب منه
أرجو أكون قد أفدتك بعض الشيء

فكرة رائعة

و بمناسبه الحديث عن تنظيم المصارف بدل ما تفتح الكومبيوتر كل شويه عشان تضيف في شيت الاكسيل في برنامج على الموبايل مش فاكر اسمه ايه هي وظيفته جمع المصاريف الشهريه و دي برامج شبيه ليه
على الفكره الموبايل اسهل بكتير من شيت الكومبوتر عشان معاك في كل حته و مش كل شويه هقعد اشغله و اطفيه

1- برنامج حساب القروض Realty manager v 1 كامل
الوصف: وظيفة البرنامج هي حساب القروض و المصاريف مهم لتنظيم حساباتك حمله الآن
http://almobile.maktoob.com/home/mod...=getit&lid=962

2- mBookKeeper

و دي صورته
و ده اللينك للامتداد جاد
http://download11.getjar.com/downloa...BookKeeper.jad

وده اللينك للامتداد جار
http://download11.getjar.com/downloa...BookKeeper.jar


3- JabpLite
ودي صورته



و ده لينك البرنامج بامتداد جاد
http://download11.getjar.com/downloa...0/JabpLite.jad

و ده لينك البرنامج بامتداد جار
http://download11.getjar.com/downloa...0/JabpLite.jar



4-و ده برنامج غيرهم بس نفس الفكره لحساب استهلاك البنزين في العربيه و هو مفيد جداجدا - عشان الناس اللي بتقول انه مبقاش منتدى عربيات هه:):p-

دي صورته



ده لينك بامتداد جاد
http://download11.getjar.com/downloa...IDP1_1-0-0.jad

ده لينك بامتداد جار
http://download11.getjar.com/downloa...IDP1_1-0-0.jar

و اي خدمه اسيبكم تعيشوا مع البرامج

** ملاحظه ** اللي هيبتدي يتعامل مع البرامج دي كل فتره ينقل الداتا اللي عليها على الكومبيوتر او يكتبهم في نوت صغير عشان البرنامج ممكن يعمل كراش في اي لحظه و تضيع الداتا اللي عليه
و اسألوا مجرب ;)

شكرا على البرامج