الموضوع: انا تعبت من المصاريف !!

متحسبلهاش
الزمن الى احنا فية مفيهوش حساب مصاريف
كل يوم الاسعار فى حال جديد
وكل شهر بشترى الحاجة الاقيها زايدة 10 - 15 %

أنا رأيي برضه أنك تحاول تخش في حاجه قسط أو حتى جمعيه ياسيدي ب 1000 جنيه بس نظرا لأنك مش عارف دخلك كام بالضبط لأن الزمن ده لو مش هتزنق نفسك مش هتعرف تعمل حاجه أنا كان عندي نفس مشكلتك بس أنا بقى دخلي ثابت حوالي 3500 جنيه في الشهر (أنا بشتغل في السعوديه )
دخلت جمعيه ب 1500 جنيه عشان أقدر أحكم مصاريفي وربنا يوفق الجميع .

بص يا باشا
انا مريت بتجربة أحب أنصحك بيها
أنا كل شهر كنت باصرف مبلغ بحس انه كبير قوي فى اخر الشهر ومابشتريتش حاجة يعني تساوي هذا المبلغ.
فعملت ايه بقى يا سيدي
بس من غير ضحك ولا تريقة
أنا عملت ملف اكسيل باكتب فيه كل مصاريفي بدقة غريبة انا فعلا مستغرب منها لدرجة الخمسين قرش اللى بدفعها لسايس الجراج الصبح.
بعد ما عدى شهر اكتشفت بنود غريبة جدا بتستهلك فيها مبالغ كبيرة زى مثلا المجاملات
فانا أقترح انك أول كل شهر تحسب المصاريف الثابتة بتاعتك (إيجار شقتك - مصروف بيتك - مصروف ولادك وزوجتك) وبعدين تشيل مبلغ معين للادخار تخليه بعيد عنك تماما وتحاول تنساه خالص
وبعدين هيتبقى لك مبلغ لمصاريفك انت الشخصية( زى مثلا مصاريف أكلك فى الشغل ومصاريف العربية والبنزين وخلافه) حاول تشيل 20% من المبلغ ده على جنب وتحاول تصرف نفسك بال 80%
فى الغالب بعد ال 80% ما يخلصو هتدخل فى العشرين ده أمر طبيعي بس حاول ما تدخلش فى ملبغ الادخار خاااالص اللى انت شيلته من الأول.
الاكسيل شييت هايبين لك بنود للانفاق غريبة مش فى بالك خالص فتحاول تقنن المصاريف دي
مع الأخذ فى الاعتبار ان المبلغ اللى انت مرتب تصرفه هتصرفه فلذلك أؤيد اقتراح الجمعية ده بمعنى المبلغ اللى هتحوشه كل شهر تحاول تدخله فى جمعية حتى لا تضطر انك تقرب منه
أرجو أكون قد أفدتك بعض الشيء

المشاركة الأصلية كتبت بواسطة ElKattan

بص يا باشا
انا مريت بتجربة أحب أنصحك بيها
أنا كل شهر كنت باصرف مبلغ بحس انه كبير قوي فى اخر الشهر ومابشتريتش حاجة يعني تساوي هذا المبلغ.
فعملت ايه بقى يا سيدي
بس من غير ضحك ولا تريقة
أنا عملت ملف اكسيل باكتب فيه كل مصاريفي بدقة غريبة انا فعلا مستغرب منها لدرجة الخمسين قرش اللى بدفعها لسايس الجراج الصبح.
بعد ما عدى شهر اكتشفت بنود غريبة جدا بتستهلك فيها مبالغ كبيرة زى مثلا المجاملات
فانا أقترح انك أول كل شهر تحسب المصاريف الثابتة بتاعتك (إيجار شقتك - مصروف بيتك - مصروف ولادك وزوجتك) وبعدين تشيل مبلغ معين للادخار تخليه بعيد عنك تماما وتحاول تنساه خالص
وبعدين هيتبقى لك مبلغ لمصاريفك انت الشخصية( زى مثلا مصاريف أكلك فى الشغل ومصاريف العربية والبنزين وخلافه) حاول تشيل 20% من المبلغ ده على جنب وتحاول تصرف نفسك بال 80%
فى الغالب بعد ال 80% ما يخلصو هتدخل فى العشرين ده أمر طبيعي بس حاول ما تدخلش فى ملبغ الادخار خاااالص اللى انت شيلته من الأول.
الاكسيل شييت هايبين لك بنود للانفاق غريبة مش فى بالك خالص فتحاول تقنن المصاريف دي
مع الأخذ فى الاعتبار ان المبلغ اللى انت مرتب تصرفه هتصرفه فلذلك أؤيد اقتراح الجمعية ده بمعنى المبلغ اللى هتحوشه كل شهر تحاول تدخله فى جمعية حتى لا تضطر انك تقرب منه
أرجو أكون قد أفدتك بعض الشيء

ماشاء الله عليك، ضحك ليه يا ريس :)
واضح إنك إنسان في منتهى التنظيم، أنا حاولت اعمل الإكسل شيت ده وزهقت.
بجد أحييك وفكرة تستاهل كل تقدير

بالمناسبة كنت لقيت برنامج بسيط للميزانيات المنزلية، بس زي ماقلتلك زهقت

بالنسبة لمودي بقى أنا مرتبي بيتحول ع البنك واسحب منه مصروف إيدي ومصروف البيت (رقمين ثابتين ومتفق عليهم مع السيدة وزيرة المالية المودام) والباقي متحاش في البنك،
يعني لو انت جزء من دخلك ثابت وجزء متغير -رأيي الشخصي- تحول الجزء الثابت للبنك وتصرف من المتغير (ولو ناقصك مصاريف اسحبها من البنك بس بحساب)
وربنا يوفقنا كلنا ويرزق الجميع ويعيننا ع الأيام اللطيفة دي :)

بما ن دخلك متغير يبقى افضل طريقه من وجهة نظرى لكى تدخر هى انك كل ما يجيلك مبلغ تستقطع منه مبلغ يوضع فى حساب باسم الاولاد يبقى فى خلال الشهر عملت كام بزنس فى كل مرة تروح تودى جزء منه فى الحساب والافضل حساب جارى بدون فوائد .
2- علشان تحس بالبركة وسعة الرزق عليك بالصدقات تصدق اافقراء والمحتاجين الى عايشين على الصدقات وذلك لكبر سنهم او عجزهم عن العمل او اى شخص ترى انه يستحق الصدقة
ووفقنى الله واياكم لما يحب ويرضى