الموضوع: محتار بين التيدا والليفينا والرينو الاسكالا

المشاركة الأصلية كتبت بواسطة ahmed.tv

بص يا سيدى اولا اهلا بيك معانا

فى البداية من ناحية المقارانات دى شيل من راسك الرينو الاسكالا خالص

ممكن تفكر فى البديل بتعها الصنى الهاى لاين افضل

ولكن

لازم قبل ما تقارن تكون عارف انت عاوز ايه من العربية و ودماغك وفكرك ايه عموما , وظروفك ايه
وتعرف كمان ان ماتور الصنى والاسكالا مختلف عن التيدا والليفينا , وان المقارنة دى ظالمة الى 3 عربيات دول مع بعض


التيدا والليفينا ماتور واحد

ولكن

برشحلك التيدا عنهم

التيدا التقفيل فيها والفنش والخامات احلى من الليفينا بدرجة بحاجات بسيطة
التيدا عربية واسعة جدا ودلوقتى خالوا اول فئة منها فيها اتنين ايرباجز وكمان خالو فيها فوجات , ودول مكنوش بينزلوا فى الموديلات القديمة
اللى يفرق بس بين التيدا والليفينا الشنطة والشكل ومفتاح البصمة اللى موجود فى اللفينا ومش موجود فى التيدا
وكمان كاسيت اللتيدا عريض عن كاسيت الليفينا

الاتنين نفس الماتور نفس قطع الغيار , والصيانات , ولو حابب الليفينا عشان البصمة ماشى , اما لو يفرق معاك الوسع خاليك فى التيدا ودى برشحهالك بقوة

اما عن الثبات , دى بعد ال140 وصعب تمشى كدا جوة البلد , ولو بتجرى على طرق سفر , يبقا منصحكش بالتيدا والليفينا

بس قدام عدم الثبات على السرعات العالية بتاخد وسع وراحة جوة فى الصالون , ماتور قوى واستجابته قوية باور كهرباء مش موجود فى الاسكالا والصنى

اختيارك للتيدا , حتعيش مرتاح معاها مش حتعمل الا الصيانات الدورية بتعتها وعربية مشاكلها قليلة لغاية دلوقتى وفى السوق من 2006

وبخصوص قطع الغيار عشان لو حد قالك بس انها غالية وكلمك فى النقطة دى , قطع الغيار الاصلية بتجبها اصلى تعيش معاها اصلى
بمعنى مش بتغيرها الا كل فترة عشان اصلى بتعيش معاك , وبتحافظ بيها على عمرك وسلامتك
وعلى باقى القطع الميكانيكية الاخرى المرتبطة ببعضها فى السيارة , يعنى تيل اصل يحافظ على طنابير وهكذا كلها دايرة مربوطة ببعض ,
وكمان بردوا اللى حيقولك اصل العربية بينزل تمناه فى السوق , ما فى عربية بتعدى ال 100 الف جنيه وسعرها بينزل
الجيتا اللى ب180 مستعملة وب120 , الهوندا اللى 150 وب160 بتتباع ب وب110 وبالف مستعمل ,وعربيات كتيرة على الحال ده فطبيعى وده سعر السوف المصرى والطلب عندنا

فده اللى اقدر اقولك عليه

وفى النهاية انزل اى معرض او موزع معتمد عنده العربيات واقفة واتفرج عليهم , ارشحلك اتو ايجيبت مدينة نصر لان شوفت عنده عربيات كتير بكذا فئة فتقدر تشوف الليفينا واقفة والتيدا اول فئة عنده واقفة والبلس منها والهاتش باك وكمان الصنى العادية والسوبر صالون
فتقدر تقلب وتختار وتشوف وتتفرج على كله وتقيم بعينك وحسب ظروفك وامكانياتك

وتحت امرك فى اى خدمة

متشكر جدا ً جدا ً لحضرتك وانا مبسوط بجد ان حضرتك اهتميت بالرد على سؤالى لأن مشاركاتك كلها ماشاء الله عليها
المهم ; انا فعلا ً خلاص طلعت السكالا من حساباتى وبما إن الخيار انحصر فى التيدا والليفينا أنا شايف ان الفرق بين التيدا الفئة الأولى والبلس كتير فى السعر والليفينا تقريبا كماليتها زى التيدا البلس كمان فيها نظام ba مش موجود فى التيدا بس حضرتك خوفتنى من موضوع الثبات ده شوية أنا أصلا ً مش من النوع اللى بيجرى بالعربية لأن زى ماقلت بيبقى معايا المدام واهو جايلى مولود ان شاء الله الأسبوع الجاى بس برده الثبات مطلوب
المشكلة ان أنا ماشوفتش الليفينا لغاية دوقتى غير صور وانا نسيت اقولك أنا صعيدى مقيم فأسيوط وشغلى فسوهاج سألت عليها فى ناشيونالز موتورز أسيوط قالى ان 2011 لسه مجاتش 2010 مش موجودة لكن عرض تبع شغلى على ليفينا 2010 تمنها 112650 بس فى القاهرة وده يجرنى لأنى أعرف إذا كان فى فرق بين 2010 و 2011 أنا بثق فى رأيك وكلامك معلش هاتعبك معايا رد كمان وافى واكون شاكر جدا ً

المشاركة الأصلية كتبت بواسطة sonasteel

ماشاء الله لا قوة الا بالله ..... الف الف مبارك عليك وإن شاء الله تقوم بالسلامة
ويرزقك الذرية الصالحة ويرزقك برها .... اللهم أمين
بص يا حبيبي في الله
أنا من رأيي ادام الاتنين في قطع الغيار زي بعض .. شوف ايه الأمن .. بمعني ايه اللي فيها امكانيات امان اعلي (ايرباج- فرامل -مانع سرقة-سنترلوك مع المشي-...... الحاجت ديه ممكن تفيدك طبعا)
ولو رسيت علي اللفينا علشان في رينج الفلوس اللي بتكلم عليها ... يبقي هاتها وتوكل علي الله (ادام اعلي فئة)
وهي واسعه من جوة وشنطتها كبيرة
والتيدا برده محترمة ... بس علشان تجيب اعلي فئة ممكن تعدي المبلغ اللي انت حاطه للعربية
وربنا ييسرلك الحال ..... وبرضه متنساش الاستخارة
يعني انوي علي عربية معينة وصلي ليها استخارة وشوف ايه اللي هايحصل
والله المستعان
تقبل مروري

ألف ألف شكر لحضرتك وربنا يجعل نصايحك ليا فى ميزان حسناتك ويرزقك الزوجة الصالحة ومن بعدها الذرية الصالحة ان شاء الله - ده إن كنت مش متجوز -
أنا لسه موجه سؤال للأخ ahmed.tv باعتبارى شايفه تقريبا ً عارف كل حاجة عن الإتنين وهاصلى استخارة تانى واللى فى الخير رينا ييسره بإذنه ومشيئته وألف شكر تانى لشعورك الطيب

المشاركة الأصلية كتبت بواسطة ahmed.tv

ربنا يطمنك عليه ويشرف ولى العهد بالسلامة وجعله الله قرة عين والديه ويتربى فى عزك ان شاء الله ويملاء قسم نيسان واء وويئ

بصى يا فندم طالما معاك المدام واولادك باذن الله حتى لو العربية ثابتة ومكلبشة فى الارض , بردوا متجريش , ولازم سواقتك تهدى من هنا ورايح عشان اسرتك حتى لو هما مش معاك , بردوا تكون هادى فى سواقتك

قصة الثبات , واستجابة الماتور مختلفة بين بعضهم

استجابة الماتور للتيدا سريعة وقوية جدا ,والتجميع عالى على السرعات العالية ومش بتقول لا ابدا

الثبات زى ما قولتلك بيخف من اول ال140 , , حتحس بيه لما تعدى من جنب حاجة عالية , زى اتوبيس مثلا او ميكروباص عالى , بحدفة خفيفة مش محسوسة , بس مفيش منها اى قلق

انا اخدت غرز بيها على 120 ولا الدموع وكان معايا اعضاء من النايل شهدين عليه
وكمان بيشوى ساق عربيتى واخد غرز على 120 ولا الدموع ثابتة وكله تمام مع انه مش متعود على العربية وكان اول مرة يسوقها

وعلى فكرة احنا اتكلمنا فى موضوع الثبات ده كتير , العربية سقفها عالى , بتاخد راحة فى الصالون وانت قاعد , وكمان من تحت العربية عالية , يعنى انسى المطبات خالص انك تحك فيها

فالانسان مش بياخد كل حاجة , بتاخد حاجة وبتتنازل عن حاجة تانية

وعربيات كتير عالية بردوا وبيحصل فيها نفس اللى بيحصل فى التيدا زى الماتركس والليفينا واللوجان وغيره كتير من اللى سقفه عالى

اما بخصوص الفرق بين الليفينا والتيدا اول فئة هو وجود مفتاح اسمارت كى فقط اللى فى الليفينا دى
غير كدا مفيش فرق يذكر
ومعرفش ايه الba دى اللى حضرتك بتقول عليها

الاتنين فيهم ايرباجز للسائق والراكب الامامى - الاتنين فيهم فوجات - الاتنين فيها abs,brake assist,ebd -الاتنين التكيف عادى مش بكر ولا اتوماتيك -
الكاسيت التيدا عريض والليفينا لا على ما اعتقد _الشنطة فى ناس بتفضل شنطة الليفينا - القعدة فى التيدا اوسع شوية فى الخلف عن الليفينا ودى شوفتها بعنيه و3 قعدة ورا فى الاتنين بحاجام متوسطة وكانوا مرتاحين فى التيدا اكتر

بص بامانة ايام التيدا اول فئة اليابانى اللى بتتقفل فى اليابان لو كانت لسه موجودة وبتقارن بينها وبين الليفينا كنت رشحتلك الليفينا
لكن التيدا المكسيكى اول فئة لما تقارنها بالليفينا ,يبقا ارشحلك التيدا لان زودوا فيها اوبشنات فى اول فئة كويسة

وفى الاخر الاختيار يرجعلك والقرار قرارك

انزل واقعد فى العربيتين زى ما قولتلك

وفى النهاية وقت الشراء كلمنى وانا اجيب لحضرتك خصم كويس عليها باذن الله و يبقا على وش المولود الجديد

وتجت امرك

الله يبارك فى حضرتك بس المولود يجيى وانا ادوشك بالواءات
مش عارف اقول لحضرتك إيه ألف ألف شكر ولما أشوف اللإتنين واستقر أكيد هقول لحضرتك