السلام عليكم
رينو ميجان 2006 السيارة الوحيدة فى العالم التي حصلت على تقيم 5 نجوم في اختبار EURO NCAP للسيارات العائليه الصغيره
http://www.youtube.com/watch?v=vwRtM8J_F8Q
منقول
السلام عليكم
رينو ميجان 2006 السيارة الوحيدة فى العالم التي حصلت على تقيم 5 نجوم في اختبار EURO NCAP للسيارات العائليه الصغيره
http://www.youtube.com/watch?v=vwRtM8J_F8Q
منقول
وبرضة السيارة الوحيدة الى الكارت بتاعها بيملح جوة الكونتاكت وايضا السيارة الوحيدة فى حياتى الى شفت فتيسها مصر يدى تالت مكان رابع والسيارة الوحيدة الى لما تيجى تشغل التكييف البارد يطلعلك سخن يا اخى طب الاسبيرانزا وقلنا فئة سعرية قليلة وعربية لسة جديدة, انما الميجان الى تمنها بيوصل الى 140 الف تعمل كل دة ليه, ناقصة مواد خام ؟؟
عزيزى شاركى
الموضوع ده شيق جدا بالنسبة لى ، لسبب أنى لم أرى اثنين فى مصر اتفقوا ايجابيا على كفاءة و جودة الميجان ! لا أسمع عنها مايوحى بالثقة!!!!!
أنا شخصيا معجب جدا بهذه السيارة لما قرأته عنها فى المجلات و المواقع المتخصصة فى السيارات، كمان سمعت ان رينو فرنسا تنتج فقط موديل الهاتشباك (حاليا)، لكن السيدان من انتاج أسيوى ؟
كمان سمعت ان بها تقنية الـ steptronic و ان كانت prototype و ليست مكتملة التطور و الكفاءة مثلما فى المرسيدس و الـ BMW .
كمان لاحظت حاجة غريبة فى واحد من نسايبنا، لايستعمل المرسيدس العيون، و يستمتع بقيادة الميجان، لما استفسرت منه عن السبب ، لم أجد رد ذو اسباب و قال انه ميل شخصى !! - للناس فيمايعشقون مذاهب..
كماهو واضح انت عندك هذه العربية و ياريت تخبرنا عن ملاحظاتك عنها من خلال تجربة عملية.
و هل لها مستقبل أم أن رينو فرنسا ستدع انتاجها لمصانعها فى دول أخرى ... :(
[وبرضة السيارة الوحيدة الى الكارت بتاعها بيملح جوة الكونتاكت]
دى ملاحظة أول مرة أسمع عنها رغم إن العربية بقالها معايا سنتين :shock:
و مافيش حد أعرفه قالى المعلومة دى.
الرينو ميجان سيدان تنتج فى تركيا, زى الكليو كمان
انا كانت لى فرصة انى اسوق الميجان 2005
الصراحة العربية اكتر من ممتازة, ثبات من احسن العربيات اللى سقتها ثبات على الارض, الموتور قوى جدا, قيادتها سلسة و ممتعة جدا, كم هائل من الامكانيات و الكماليات.
العربية ببساطة تحفة ما شاء الله :)
اقتباس:
المشاركة الأصلية كتبت بواسطة Abdallah
يا فندم أنا أول مرة أسمع إن الميجان الفتيس التالت بيدى رابع أنا عربيتى أوتوماتيك و مريحانى فمعرفش نظام المانيوال بس اللى أعرفه مافيش حد إشتكى منه
بالنسبة للتكيف بيطلع سخن عمرها ماحصلت معايا و لا مع أى حد أعرفه فياريت تقولنا عرفتها منين؟؟؟
هو صحيح تكيفها مش زى اليابانى بس مش معنى كدة أنه يطلع سخن
بالنسبة للكفاءة و الجودة لو حضرتك دخلت على Site Whatcar حتلاقيهم بيقولوا إن الجولف كانت مقياس الجودة فى الفئة دى دلوقتى الميجان بقت معاها يعنى أعلى فئتها فى الجودة
السلام عليكم
العربية معايا عاملة 36000 كم م محصليش أى مشاكل من الإشاعات اللى سمعتها عن العربية كل اللى حصل فى يوم كنت بصيف و نزلت الصبح جيت أشغل العربية ماشتغلتش و كانت المساحات بتشتغل لوحدها و إتصلت بالكول سنتر بتاع رينو قالولى دى بطارية و حننبعتلك مهندس من فرع الأسكندرية و حيغيرها ببلاش و فعلا جى و غيرها و موضوع الكول سنتر دا بتاعها حلو جدا و بيفضل يتابعك لحد ما تتحل مشكلتك و موجودين 24 ساعة يعنى لو إحتجتيهم فى أى وقت حتلاقيهم موجودين .
التوكيل بتاعها محترم جدا ناس ذوق قوى و المكان شكله شيك و عاملين فيه كافيه طبعا ببلاش و إنترنت ببلاش و طول ما العربية فى الضمان بيغيروا أى حاجة ببلاش حتى البطارية و كمان كان التيل بتاعها ناشف شوية فى الاول قالولى إحنا بعتنا نجيب تيل جديد و أول لما يجى حنقولك و فعلا فى خلال أسبوعين كلمونى و قالولى تعالى نغير التيل (مش بقى النظام المعروف فى مصر إمشى شوية بيه و هو حيتظبط أو إنت اللى مش عارف تفرمل و الكلام من دا) قليل قوى فى مصر لما تلاقى توكيل كده بحترم كلمته و قلبه على العميل.
بالنسبة للثبات أنا جبت بيها على طريق وادى الطرون 220 و السيارة ثابتة جدا
بصراحة السيارة دى قيادتها ممتعة جدا و تخليك مش عايز تسوق غيرها لأن فيها كل اللى إنت عايزة .
السيارة دى خلت الخليج يعرفوا الرينو (رغم إن مبيعاتها هناك مش جامدة بس أول مرة رينو تبيع فى الخليج عن طريقها )
im_not_tyler_durden@hotmail.com 05/05/2007 01:09:08 م
عدد القراء : 10
العربية ممتازة لكن انا ليا عليها ملاحظات
1 قطع غيارها و صيانتها غالية (العلامة الخلفية اتسرقت مرتين تمنها يقارب ال 200 جنيه)صيانةال 40000 km تكلفت 1056LE
2 العربية فراملها من اقوي الفرامل اللي انا شفتها(EBD) ولكن تستهلك التيل بشكل غريب (غيرت الامامي 11000 و 30000 km والخلفي 40000km)
3 العربية تفقد الكثير عند اعادة البيع (هيا و الهيوندي كوبيه اكتر عربيات ممكن تخسر فيها فلوس)
ولكن الحق يقال افضل عربية سوقتها اسلوب قيادتها very relaxed وال power steering بتاعها من اغرب واجمل ال power اللي سوقته ولا تقارن باي سيارة اخرى من نفس الفئة مما يجعل كل من يمتلكها يحبها الى حد الادمان
منقول من Contactcars
المعلومات دى انا استقيتها من شخص فى المنصورة واخد توكيل رينو وكنت بروحله عشان هوا كان معاه توكيل تويوتا برضو وشفت عنده العجب العجاب وبالذات فى موديلات 2005 و 2006 منهم عربية رفضت انها تدور نهائى وراحوا رفوعها بونش ولما جم يشوفوها فى التوكيل لقوا ان مكان الكارت الممغنط مملح زى البطارية كدة , انا مش بفترى على العربية يا سادة بس انا بقول الى اعرف وشىء معروف عن الميجان عيوب الفتيس الى بيسموه ستيبترونيك.
نقطة تانية افتكرتها دلوقتى كان صديق ليا فى اوائل 2006 اشترى واحدة سيدان موديل السنة وبعد ما العربية مشيت حوالى 4000 كم تقريبا فوجئنا بان تيل الفرامل بيصفر راح التوكيل قالولا التيل خلص اشترى واحد جديد وعجبى :mrgreen:
السلام عليكم
أولا مش معنى إن الكارت بتاعه مملح يبقى من السيارة يمكن يكون نزل بيه المية فملح :lol:
ثانيا :بالنسبة لعيوب الفتيس حضرتك أنا معايا الفتيس الستبترونيك و مافيهوش عيوب ولا حاجة و دى كان فيه بعض السيارات الفتيس بتاها بنتش فى نقلة التانى للتالت و عالجوه بالسوفت و ير الجديد فى التوكيل ببلاش (على فكرة الفتيس الضمان بتاعه 100.000 كم دا دليل على ضمان الشركة ليه)
ثالثا: بالنسبة للتيل مستحيل يا باشا يقولوا إشترى تيل لإن السيارة فى الضمان و التيل لو فيه عيب زى ما صاحبك بيقول كانوا حيغيروا زى ماغيرولى البطارية و التيل لما كان ناشف عندى