الموضوع: انصافا لمصر ولمن يريد الهجرة

بسم الله الرحمن الرحيم
السلام عليكم ورحمة الله وبركاته
مساء الخير على اجمل اعضاء باجمل منتدى
"انصافا لمصر ولمن يريد الهجرة"
كنت مسافر للامارات لمدة 3 سنوات وكنت بنزل اجازات كل سنة (شهر كل سنة) وبعدين سبت شغلي وجيت مصر بقالي شهرين عشان استقر تماما في مصر
وربنا يعلم اني بحب مصر قد ايه وبدافع عنها قد ايه لاي حد بيتقدها لكن دفع موضوعي
وكمان لما ناس طرحت في المنتدى موضوع عن الهجرة والطفشان من مصر كنت بعترض وبقول لا ازاي ده برضه بلدنا وبعيوبها ومزايها بلدنا ...
يصراحة بعد شهرين استقرار تام في مصر وقفت على الاتي (واسف على الالفاظ اللي هقولها) :
اولا الطرق والمرافق:
-طرق زبالة لا تصلح لاستهلاك البني ادم ومتكسرة وماليانة نقر وحفر وبلاعات وشغل سرقة كله (طريق ترعة الاسماعيلية كان معمول ايام الانجليز وكثافة مرورية كبيرة وكان فل)،، لكن طرقنا الجميلة (المسروق فيها) سنة واتنين وتلاقيه اتدغدغ واتكسر
-كل واحد تيييييييييييييت عايز يعدي مرافق على الطرق يكسر في الطرق بدون ما يرجع الشئ لاصلة وبدون خوف من محاسبة من اي طرف.
-مهندسين حكومة مرتشيين بيعدو كل هذا
-البلاعة او النقرة او الحفرة تقعد بال10 سنين بلا اي مبالاة من اي حد
ثانيا : الفساد والسرقة والاهمال في كل مجالات الدولة من تعليم (وساطة ومحسوبية) والطب والصحة (اهمال) والغذاء (لا رقابة
ثالثا : انتكاسة في اخلاقنا وسلوكياتنا:
-كل واحد بقى اناني ومبيكفرش غير في نفسو وبس (اتفرج علينا في التقاطعات واماكن الزحام والازمات كل واحد عايز يعدي حتى لو قفل التقاطع)
-بقينا زي العيال : ماشيين عكسي في الطرق وبتريلات بلا اي مبالاة عادي - واحد يقطع الطريق عليك بمزاجه عادي حتى لو قتل 100 واحد وبرضه بدون اي رقابة
-لا وجود للذوق نهائي (كله بيبلطج الا من رحم ربي)
-اغلب الناس مكشرة ومفيش حد بيبتسملك الا لو عايز منك فلوس (بدي لواحد المصحف في المسجد عشان يوصله كان هيتخانق معايا)
-اي صنايعي او حرفي عايز يسرقك او يهلبك ان استطاع الا من رحم ربي
-اي شرطي مرور (ظابط في المرور-امين شرطة-موظف في المرور) مرتشي بنسبة 99% عايز يياخد منك رشوة الا من رحم ربي، بدل ميشوف شغله ويمسك المخالف او يمشي الطريق او يطبق القانون ولا يلم السياس (جمع سايس) اللي بياخد منك فلوس سحت
رابعا : الظروف العامة للبلد
-غلاء فظيع في السلع والبنزين واللحوم
-حكومة فعلا لا تفكر الا كيف تسرقك او تهلبك اواي (الحكومات بره بيبقى هما الاول المواطن اازاي تريحه مش تسرقه)
-اسعار السيارات نار حرام والله عشان اركب عربية كويسة لازم يكون معايا 150 الف والوكيل طبعا بيكون منفضها من كل وسائل الامان لان الجمارك والضرائب نار والتجار والوكلاء جشعين
وكل هذا نقطة في بحر من المشاكل اللي مالية البلد وبشوها وحارقالي دمي يوميا ده واالي مخليانا فعلا وبامانة متاخرين عن دول الخليج (اللي بقالها 30 سنة وعندهاش غير البترول) بتاع 30 سنة وعن الغرب وامريكا 200 الى 300 سنة
واجمالا اقول وبامانة لكل اللي عايز يطفش من البلده ده :عيــــــــــــن العقل صح 100%
وختاما استعير كلمة واحد من الزملاء : "امتى هنشوف الهجرة الى من مصر بدلا من الهجرة من مصر"
لاني ارى مصر بلد طاردة مركزية زي القوة الطاردة المركزية كده عشان بتطرد لبره.
وحسبنا الله ونعم الوكيل
واعزروني للتطويل وتقبلو مشاركتي