الموضوع: دعوة على الفيس بوك من الشعب يطالبوا الجيش لحمايتهم أثناء ثورة 25 يناير من الشرطة

بعد تجهيزات حبيب العادلى و الشرطة القاسيه من الأن بعساكر الأمن المركزى اللذين يحملون الطلقات البلاستيكيه و القنابل الغازيه و العصيان و الأسلحه البيضاء بكافة أنواعها , تم عمل دعوة على الفيس بوك من المتظاهرين يطلبوا الجيش المصرى و يكلفوهم بحمايتهم من وزارة الداخليه و الشرطة المصريه كما فعل الجيش التونسى فى حمايه الشعب التونسى الأبطال و الأحرار


مأخوذ بالنص من حركة 6 أبريل
ومن جانبنا سنتخذ التدابير اللازمة لحماية الجميع قدر المستطاع, فقد قمنا بتجهيز دروع واقية من الخوف وكذلك أفراد من الأطباء والصيادلة لإسعاف أى مواطن قد يتعرض لإيذاء جسدي, وتم تجهيز غرفة عمليات خاصه باليوم




العمليه مش سهله يا جماعة و شكلها هتقلب جامد جدا و إن شاء الله إلى فيه الخير لمصر يقدمه ربنا
أنا ناوى أروح أتفرج على المظاهرة بتاعه أسكندريه بس مش عارف هيا الساعة كام بالظبط و فين و بالصلى على النبى كدة لو حد رايح هناك مينساش أزازة المايا عشان لو هيغسل وشه من قنابل الغاز و منديل قماش نضيف عشان يكب عليها مايا و يحطها على وشه لو قنابل الغاز قويه و متنسوش تلبسوا كوتشى عشان سهوله التحركات و أوعى أوعى أوعى أوعى أوعى حد يجرى و لو لقيتوا حد بيجرى أعرفوا أن دة أنا

المشاركة الأصلية كتبت بواسطة misoalex

ههههههههههههههههه طيب لو عاوز تجرى متجرى فى اى حته لازم تروح تجرى ادام مظاهره

وبعدين انا مسمعتش عن اى مظاهره فى اسكندريه وربنا يستر ده انا عندى مشاوير بكره

مسمعتش مين صباح الفل يا ميسو دا الدنيا مقلوبه
فى القاهره 100 مظاهره و فى أسكندريه 20 مظاهره
و الغريبه أن عدد المتظاهرين فى الأسكندريه هيكونوا أكتر من المتظاهرين فى القاهره و هنشوف خالد أبو النجا و المخرج محمد دياب وناس مشهورة جدا جدا جدا فى المظاهرات دى دا غير نقابه المحاميين و صحافيين و أعلاميين مش رايحين عشان يصوروا لأ دول رايحين عشان يتظاهروا
التجمع هيكون فى ميدان المنشيه و فى محطة مصر
لكن الساعة كام الله أعلم