ما هما اتحركو من كذا حتة و المفروض يتجمعوا
ربنا معاهم وياريت يا جماعة الناس ال عمالة تقول مش هيعملو حاجة يخليهم في حالهم
ان مكنتش هتزود متقللش
عرض للطباعة
المظاهرات في شارع جامعة الدول العربية
http://www.nileup.com//uploads/image...da5e041f0c.jpg
يا رب اصلح حال بلدنا و شبابنا وشعوبنا ياااااااااااااا رب
ابعتو هاتو محترفين من تونس
فيه تكتم رهيب من القنوات الاخباريه! وكله مركز فى لبنان
حضرتك تقدر تقولي احنا مشاكلنا ايه ؟؟؟
كاعضاء نايل موتورز
احنا مشكلتنا اننا مش قادرين نركب عربيات زيرو
ومش عارفين نجيب شقه ب300 الف جنيه
وبنتفنن ازاي نرخم علي الظباط ولما الظابط بيرخم بنرميله ال150 جنيه بتوع المخالفه في وشه
او لما بتنزل علي المخالفات بنجيب واسطه وبنخفضها
اكبر مشاكلنا ان الوظيفه مرتبها مش 3000 جنيه
وان المطب الي علي اول الشارع كسر ركبه العربيه او عوج الجنط
احنا منتدي اثرياء يا سيدي الفاضل
اقل واحد فينا عنده 2 كمبيوتر ومطبق في جيبه 300 جنيه للطوارئ وهو ماشي
===================================
احنا مش غلابه ومش حاسين بان الدنيا انتهت ونازلين نتظاهر وياروحنا بيوتنا يا قضينا الكام سنه الجايين في المعتقل علي الاقل حناكل ونشرب ببلاش
وملناش نشاط سياسي او معارض
بجانب اننا فرضا دلوقتي نزلنا وشيلنا مبارك والحكومه
حنجيب مين علشان البلد متغرقش؟؟؟
جيبنا البرادعي وبقي ريس
ماشي
فين باقي الحكومه ؟؟
فين الاستعدادات لمواجهه المجاعه اللي حتحصل ؟؟؟
فين قيادات البلد اللي حتتعين
تونس اللي حنجيب منها الراجل اللي يعمل المظاهره رجالتها مش فاضيين
بعد ما قلبوا نظام الحكم
بينادوا دلوقتي بخلع الحكومه اللي جت
الموضوع مش مظاهره وخلاص
ولا هتافات وخلاص
الموضوع انك لما تعمل فجوات في النظام لازم تسدها بسرعه
والا حيحصل مالا يحمد عقباه
يا خونا احنا شعب كاره بعضه - عايزين نتجمع ازاى - ضربت مثل قبل كده - لو سواق اتوبيس ماشى بعبط وحد من الركاب اتكلم وقال له على مهلك ولا بلاش تهور - السواق يشخط ويقول اللى مش عاجبه ينزل- بدل الركاب ما تلوم السواق وتثور عليه - تلاقيهم طلعوا فى الراكب العاقل - العمر واحد- سواقنا حريف ما تخافش- ياعم مستعجلين انت باين عليك فاضى - قيس بقى على كده حال البلد كلها - عندنا اللى سايق دايما صح -
احنا فراعنه - اقصد قوم فرعون
شبرا بدءو الساعة 2 بالظبط حوالي 300 واحد و الامن محاوطهم جامد و عمالين يلفو في شوار جانبية مش راضيين يطلعهوم علي الشوارع الرئيسية
آخر الأخبار: *آلاف أمام ماسبيرو يهتفون "بسقوط النظام" .. والأمن عاجز عن السيطرة .. والأجانب يحضرون .. ووسائل إعلام عالمية ترصد الحدث
*اشتعال المظاهرات فى شبرا وانضمام المتضاهرين إلى بعض بعد فك الكردون
*خمسة الاف متظاهر على كوبرى ناهيا واختراق 3 حواجز أمنيه والامن يحاول السيطره
*آلاف يهتفون امام المقر الرئيسي للحزب الوطني بميدان عبدالمنعم رياض أحلف بسمها وتربها الحزب الوطني اللي خربها
*جامعة الدول العربية تشتعل بالمتظاهرين ، والهتافات تتعالى "شغل حرية كرامة إنسانية"
*المتظاهرون أمام دار القضاء العالي يكسرون الطوق الأمني ويتجهون ركضا إلى ميدان التحيرير
* إغلاق بعض محطات المترو ومحاصرتها بقوات الأمن المركزي مثل محطة مترو مسرة .. الأجهزة الأمنية تحاصر منطقة وسط البلد، وميادين التحرير وعبد المنعم رياض وباب اللوق وعابدين ولاظوغلي، والطرق المؤدية إلى ماسبيرو، كما منعت مرور جميع المركبات في عدد من الشوارع، وحظرت مرور المشاة في المنطقة .
* الامن يقبض علي 8 بنات منهن صحفية باسلام اون لاين من مقهي سيلانتروا بجامعة الدول العربية .
* اغلاق الشوارع الرئيسية المحيطة بمجلس الشعب ومجلس الشوري بحواجز وفرق امنية وعربات امن مرکزي ومخبرين وكذلك الحال في : ميدان التحرير ورمسيس وميدان سفنكس و عبد المنعم رياض والدقي والمهندسين
منقول من الموقع الرسمي للإخوان المسلمين
مش معنى ان انا مش محتاج اني منزلش
والله انا لو ماكان ورايا امتحان بكره كنت نزلت وسافرت القاهرة عشان انزل
اه معايا عربية و مرتاح و كل حاجة بس برضو بياخدو حقي و مبعرفش امشي في حاجة صح
لازم واسطة ولازم قرف
بالنسبة للحكومة والريس احنا نختارهم
معجبوناش نغيرهم دا حقنا مش يقولولنا انت اخترتو دا البسوه
والناس الكويسة ملية البلد من اول حمدين صباحي ل علاء عبد المنعم و كتييير غيرهم احنا منعرفهمش
وزي ما قولت في الاول احنا نجيب ال على مزاجنا ولو معجبناش نغيره لان دا حقنا كشعب
المظاهرات في شارع جامعة الدول العربية
http://www.nileup.com//uploads/image...6e2bdfde3a.jpg
http://www.nileup.com//uploads/image...3bc71fd06e.jpg
http://www.nileup.com//uploads/image...fa32f4f48f.jpg
ولو جت حكومه دكتاتوريه واللي حسبته موسي طلع فرعون ؟؟؟
واول حاجه عملتها هي قمع وقطع رقاب كل الناس اللي ساعدتهم
وده العادي وحصل في بلاد كتير
الناس الكويسه فعلا كتير بس هل حطيناهم في منصب قيادي او شوفناهم بيحكموا
علشان نقدر نحدد
بالظبط زي الارتباط بواحده قبل الجواز واكتشاف حقيقتها بعد الجواز
متقدرش تحكم وتعرف حسن اختيارك الا بالتجربه
وفيه بلاد يعتبر فيها التهكم علي شحصيه رئيسها او انك تقول نكته سياسيه جريمه
بالنسبه للواسطه والقرف
فدي حاجه اللي عملها الشعب مش الحكومه
علشان الفهلوه ومحاوله اجتياز اللي قدامك
وعلشان تقضي عليها حلها بسيط اوي
انك تلتزم بالطابور في الخدمه
واظن ان لو موظف لقي 100 واحد قدامه ملتزمين ومعندهمش استعداد يدفعوا رشوه
غصب عنه حيعمل شغله بدون مقابل
دي اخلاق شعب مش سياسه حكومه
+1لولا ان عندي امتحان بكره كنت نزلت ولو الموضوع استمر لبكره هنزل
ومش معنى اني معايا فلوس يبقى حقي مش متاكل!!
الحياه مش فلوس بس
انا حاسس ان المصريين مش متخيلين ان في حقوق تانيه غير الفلوس لانهم ميعرفوش غيرها
والناس الكويسه موجودين وبعدين لو جه حد مش كويس نغيره ويبقى عارف اننا مش هنسكت على حقنا
والله حاسس اني ضيعت وقتي في الكتابه
اقولكم.............. امشي انا وخلاص
اسكندرية - العصافرة قبلى
انتفاض حواري الإسكندرية "العصافرة" و "سيدي بشر" و "محطة مصر" و غيرها .. وحزب الوفد والنشطاء يدعون الناس للتظاهر
........اجرى يا شنورى
http://img841.imageshack.us/img841/3...5969190210.jpg
من الجزيرة
المناضلة جيهان فاضل من ضمن المتظاهرين
واحنا ان شاء الله هنكتب مسلسلات ونتوقع حاجات محصلتش!!!!!!!اقتباس:
ولو جت حكومه دكتاتوريه واللي حسبته موسي طلع فرعون ؟؟؟
واول حاجه عملتها هي قمع وقطع رقاب كل الناس اللي ساعدتهم
منطق غريب بصراحه
عتقال مواطنين "عاديين" في المهندسين
الثلاثاء, 25 يناير 2011 12:53
http://www.alwafd.org/images/news2/jl3.jpg
الأسكندرية - أميرة فتحى :
قال شهود عيان ان قوات الشرطة أعتقلت مواطنين "عاديين"، ليس لهم انتماء سياسي محدد على خلفية استعدادهم للإنضمام لمظاهرات اليوم.
وقال نشطاء ان مجموعات محدودة من الشباب حاولت التجمع ظهر اليوم في منطقة المهندسينـ إلا أن الشرطة سارعت إلى محاصراهم واعتقالهم في سيارة ترحيلات. وأكد ناشط يساري لـ"بوابة الوفد" ان هؤلاء الشباب غير معروفين للنشطاء السياسيين ويبدو انهم سعوا للمشاركة في يوم الغضب بعفوية منهم.
وفي سياق موازياتهمت الحملة الشعبية لدعم البرادعى وزارة الداخلية بالاستعانة ببعض البلطجية ومسجلى الخطر للاعتداء على النشطاء السياسيين أثناء تظاهرهم اليوم الثلاثاء.
قالت الحملة في بيان: "وصلت للحملة معلومات مؤكدة عن ترتيبات بين الأمن وعدد من البلطجية والمسجلين الخطر الذين يتم استخدامهم فى الانتخابات للاستعانة بهم فى أحداث عمليات شغب وتلف كذريعة للاعتداء على المتظاهرين " .
أضاف البيان "قام بعض هؤلاء البلطجية بالاتصال ببعض النشطاء المعروفين بالمحافظات وقالوا لهم صراحة عندنا أوامر بالتعامل معكم وإجهاض تحركاتكم وإذا لم نفعل ذلك فسوف يتم تكديرنا من الداخلية " .
تابع البيان: "قال هؤلاء البلطجية لبعض النشطاء إن الخطة تشمل انتشارنا فى مجموعات فى المناطق المتوقع التظاهر فيها والاشتباك مع المتظاهرين دون أن تتدخل الشرطة ليبدو الأمر كأنه مشاجرات أهلية ليس للشرطة علاقة بها ولن تتدخل الشرطة كما حدث فى سيناريو الانتخابات".
ناشد النشطاء رجال الأمن حمايتهم من أى اعتداء قد يتعرضون له خلال تظاهرهم "السلمى"، مؤكدين أنهم سوف يحملون الورود فى اليد اليمنى وعلم مصر فى اليد اليسرى.
حمل البيان وزير الداخلية المسئولية عما يحدث من اعتداءات متوقعة معلنين استمرارهم فى احتجاجاتهم، "وسيكون 25 يناير يوما لكل المصريين" .
هي ال موجودة دلوقتي دي مش دكتاتورية
وبعدين لو قدرنا نشيل دي بتهيالي الناس هتعرف تختار
و حتى لو هيطلع ديكتاتور منستسلمش للموجود عشان خايفين من ال جاي
زيها زي اي حاجة في الدنيا ممكن تنجح و ممكن لا
شوف في تونس الحكومة مش عجباهم ف لسه بيتظاهرو و هيغيروها غصبا عنهم لان الشعب مش هيسكت
ال يشيل دول يشيل اي حد
آخر الأخبار:
* شهود عيان: لأول مرة في حياتنا نرى في القاهرة المتظاهرين أكثر من أعداد الأمن المركزي
الموضوع كل شويه بيزيد والاعداد بتزيد والكل متوجه الى ميدان التحرير
http://img683.imageshack.us/img683/8...6635805810.jpg
http://img602.imageshack.us/img602/3...6302490510.jpg
الله ينور عليك
ده اللي لسه كنت بكلم فيه زميلنا ابورقيه من 10 دقايق علي الماسينجر
تونس اعلي مستوي معيشي لشعب عربي في افريقيا بدون التطرق للخليج
بجانب انهم متعلمين كويس ومش متعودين علي الظلم
ثانيا
احنا ازهي عصورنا لما كنا محتلين
الاحتلال عملنا مدارس وخطط الشوارع وعمل غرامه لما حد يرمي زباله قدام بيته
واجبر كل واحد انه يحط فانوس منور قدام البيت علشان الشارع ينور
احنا وفعلا وانا متاكد منها منقدرش نقرر مصيرنا بنفسنا
احنا شعب المسمار اللي لازم يتدق علي دماغه علشان يمشي ويتحرك لاداء وظيفته
لما الشرطة تستعين بالبلطجية للقبض على المتظاهرين و نشر الفوضى يبقى دة معناة اية؟؟؟
دى اخطر نقطة فى الموضوع ومحدش واخد بالة
كدة البلطجية هم اللى بيحكموا البلد --فى الشارع-- والتانيين من --فوق--
أقسم بالله العظيم ان دلوقتى فى الشارع قصاد واحد متعلم محترم فية 9 صيع محششين جهلة
والله يا جماعة النسبة بقت خطيرة ... والله العظيم انا بمشى قافل مسوجر العربية و ال electric فى جيبى على كل ناصية تلاقى 3 او 4 مبرشميين
============ أنا مش عارف لو النظام وقع اية اللى حيحصل ========= الصيع دول حيدخولوا بيتى و بيتك وياخدوا عربيتك ومكان شغلك
الموضوع مش هيين وبسيط
فوقووووووووووا قبل مايكون فى مظاهرة لازم يكون فى بديل واضح وصريح ومعروف يمسك زمام الامور مش اى حاجة وخلاص وذى ماتيجى تيجى
الجزيرة دلوقتي
الجزيرة مباشر تعرض مظاهرات في ميدان التحرير
البلد لسة فاضية
مباشر دلوقتى
Righter on USTREAM: .
صوت وصورة وكرة التلج بتكبر
[youtube]http://www.youtube.com/watch?v=o-wZpF6P7sQ[/youtube]
التحرير مولع ....
أول فيديو عن المظاهرات ..من يجي ساعة كدة والمنظر عامل كدة ..ولسة :verygood::verygood::verygood::verygood:
[youtube]http://www.youtube.com/watch?v=o-wZpF6P7sQ[/youtube]