ط
فعلا ده الاسلوب المتبع في وسط البلد الوقت اللى كنت موجود فيه
بعد اذنك يا اخ سمسم مش هاتهمك بالجهل او عدم العلم باي شئ معاذ الله
لكن هاعتبرك من الناس اللى بتصدق دريم والحياة والنيل للاخبار
بص يا سيدي الفاضل
امس واليوم لم اشاهد متظاهر واحد يحرق او يكسر الممتلكات سواء العامة او الخاصة
اي تدمير حصل سببه الشرطة وضربها العشوائي للقنابل في كل مكان
حرق الكاوتش دي وسيلة دفاع عن النفس وليست تدمير
واذا اظهرت بعض القنوات الرسمية صور اشخاص عاديين يكسرون ويحرقون فتأكد انهم من الشرطة التي نزلت منها اعداد كبيرة اليوم بملابس مدنية للتخريب والاساءة للمتظاهرين واعتبارهم مخربين وللقبض علي المتظاهرين بسهولة ولو مش مصدق شوف الصور اللى في الجزيرة مباشر وفيها مدنيين بيجروا ورا المتظاهرين بالعصي وبيمسكوهم ويضربوهم متهيالي دول مش من ضمن المتظاهرين
والله بنت تيجي تقولي دلوقت انها نازلة القاهرة من الزقازيق او احمد فارما يقول انه نازل القاهرة دلوقت فده له وصف واحد بس
تهريج
كنتم فين طول يوم امس واليوم
ولا الخروج للتظاهر مش بيبقي حلو غير في منتصف الليل بعد ما تكون المظاهرات انتهت والشرطة بتلم اي حد في الشوارع
كل واحد عايز يتظاهر يبقي يورينا هايعمل ايه يوم جمعة الغضب