عارف المشكلة ومش عارف احلها

السلام عليكم ورحمة الله وبركاته

انا عندى بوش فى الحتى الى رابطة ما بين عمود الكردان و الكرونة !!! يعنى قطعة الحديد دى ممكن تحركها بايدك

ودا بيعمل صوت حديد بيقع وخاصة وانتا ماشى...

المهم الميكانيكى بصلى عليها وقالى الفلانشات والصلايب زى الفل وقرط على عمود الكردان وربطو كويس!!!

بس قالى البوش الى فى الكرونة دا سيبو خالص هوا كدا .... قالى علشان انتا مش زبون ومش عايز اعمل عليك شغل

بس مش مقتنع ان العيب دا عادى هوا مش ماثر فى الاداء بس صوت الحديد فى الطلعة رغم جدا واحيانا بحس انى اتخبط من ورا....... ياريت لو حد عندو حل ؟

عربيتى بولونيز 87

الصلايب

دة بيتغير ياباشا واعملة من دلوقتى احسن عشان هتلاقى بعد كدة الصوت على اوى وممكن يبوظ الكرونة نفسها

نصيحة الحق صلحها قبل ما تفلت تمامًا، أنا مرة كنت راكب ميكروباص النقل الجماعي الأخضر إللي أجرته 1.5 جنيه و كان عنده نفس مشكلتك, و مرة واحدة في نص الطريق عمود الكردان فلت، ركن على جنب بالاندفاع الذاتي للعربية، و إحنا استنينا ميكروباص تاني.
المهم الحق صلحها لأنها لو عطلت منك في نص الطريق هيبقى عندك حل من اتنين:
1- تجيب ونش يوديك المكان إللي أنت عايزه، هياخد على الأقل 150 جنيه.
2- تجيب ميكانيكي للمكان إللي العربية عطلت فيه، هياخد منك أتعاب شغل اليوم كله.
ده غير ثمن الخامات.