هل فيه حل لصوت الهواء بعد سرعة 120 كم / ساعه

السلام عليكم و رحمة الله و بركاته

إخونى الكرام .. كان سؤال بيتبادر فى ذهنى .. هل فيه حل عملى ممكن إنه يتعمل للتقليل من صوت الهواء بعد سرعة ال 120 كم / ساعه ؟

المشكله ديه مش قاصرة على عربيه أو شركة بنوعها .. لكنها مشكله بتقابل ناس بعربيات من شركات كثير مختلفه أولهم ليكزس و فورد (كنت قريت أكثر من مشكله بخصوص الهواء فى منتديات سيارت سعوديه و خليجيه)

أنا كنت شفت حاجه كده بلاستك بتركب فوق الباب ممكن تقلل الصوت .. و ناس تانيه بتقول لازم توزن الباب .. أنا عن نفسى قمت بتنضيف كل الجلود الى فى الأبواب و العربيه نفسها تنضيف كويس بمنضف جلود .. و الصوت قل فعلاً .. بس حابب نتشارك فى الخبرات ..

شكراً جزيلاً

السلام عليكم
جرب جلسرين بليه الزجاجه (3 جنيه) مشيها على كاوتش الباب ده رقم 1
اما موضوع حاجب الشمس ممكن تكلم الاستاذ محمد خضر (دماغ فى الكلام ده والتعديلات )

انا فكيت الجلد و ركبته تاني وتمام !!!!!!!!!!!!!!!

عالي الكاسيت.

اقتباس:

---

المشاركة الأصلية كتبت بواسطة Raul_7

عالي الكاسيت.

---

هو داااااااااااااااااا :verygood: :bravo:

هو تعلية الكاسيت حل ممتاز بجد .. ههههههههه
بس أخويا الكبير الأستاذ صلاح .. فعلاً الجلسرين بيعمل فرق محسوس

كمان حاجه تانيه .. مفيش لصق ينفع ألزق بيه الجلد على العربيه يكون مجرب و معروف ؟

شكراً

الموضوع ده ظهر عندي مؤخراً .. وبيدايق فعل صوت تسريب هوا .. جايلي انا من الباب الخلفي يمين ...

وانا جبت 2 كاوتشة كدا وبفكر اركبهم واشوف اية الي هايحصل

هجرب الجلسرين و أشوف النتائج

اقتباس:

---

المشاركة الأصلية كتبت بواسطة shakshak2011

هجرب الجلسرين و أشوف النتائج

---

ايه موضوع الجلسرين ده
و اجيبةمنين و استخدمة ازاي

اقتباس:

---

المشاركة الأصلية كتبت بواسطة eng_mh1980

ايه موضوع الجلسرين ده
و اجيبةمنين و استخدمة ازاي

---

نفس السؤال : استخدمه ازاى ؟

متابع ...

والله يا إخوانى الكرام .. كنت فى صدد إنى أجرب الجلسرين فجائت الثورة و معاها نسيت كل شىء .. إنتهت الثورة فلم أجد وقت لأفعل اى شىء عدا الشغل لأنه لدى وقت تسليم مشروع فى الخارج .. و كان يجب أن أثبت للجميع خارج الوطن .. أننا قدر المسئوليه و مهما حدث فنحن المصريين قادرون على إثبات نفسنا و العمل مهما كانت الظروف.
إن شاء الله سأجرب اليومين القادمين .. و ربنا يكرم .. لكن كان فيه سؤال لى .. كيف أستطيع أن ألصق الجلد الى على أطراف الباب بالحديد فى السيارة؟

شكراً

أنا جربت الشمع قبل كده لقيته مش نافع
جربت صمغ زي الأمير بس أقوى ونفع تمام
جرب وقولى ...

وفى انتظار طريقة الجليسرين ونتائجها

هتجيب زجاجة جلسرين بلية دوارة من الصيدلية
تمشيها عـ الكاوتشة بتاع الأطار من برا وجوه.. وتسيبه شوية وبعدين تقفل الأبواب
الجلسرين بيعمل زى plasticizer بيطرى الـrubber ويخليه يركب باحكام..!!
:welcome2:

جزاكم الله خيرا يا باشا

وجارى التجربة إن شاء الله

اعضاء المنتدي اعذروني

برجاء قراءه الموضوع ده ضروري و بسرعه

المصابين يتألمون و مساعدتكم الطبيه هتنقذ ارواح

(ساهمو في مساعدات طبيه, قافله طبيه اخري هتتحرك للشعب الليبي)http://www.nilemotors.net/Nile/202971-a.html