شكر وتقدير للاستاذ أحمد سعد a.saad

**nonetta** · 25-01-2011 04:53 PM

اخيرا

وبعد طول انتظار

بوكي وصلت

كيا بيكانتو 2011

مانيوال هاف اوبشن

باقدم شكري واعتزازي واحترامي للاستاذ أحمد سعدa.saad

لأنه هوا السبب .. بعد ربنا .. اني اشتري البيكانتو

كنت داخلة المنتدى علشان اقارن بينها وبين ال i10

ربنا يكرمه الاستاذ احمد .. رد عليا بكل اخلاص وجاوبني على كل تساؤلاتي

ولم يبخل بأي معلومة ..

واستحمل اسئلتي الكثيرة من غير كلل ولا ملل

غير لانه بيحب فعل الخيروقضاء حوائج الناس

ربنا يجعله في ميزان حسناته ان شاء الله

وربنا يخليله البيكانتو الزرقا بتاعته

وحاول كمان يقدم لي المساعدة للشراء من محمد زكي وكلم لي الناس هناك

ورحت فعلا .. بس ما كانش في نصيب اني اشتري منهم اشتريت من مكان تاني

لسبب .. ان المكان دة كان عامل offerكويس جدا ومغري يشجع اني اشتري منهم

وطبعا مع استمراري في المنتدى طول الاربع شهور اللي فاتت

لقيت انه من الناس اللي ربنا اختصهم بقضاء حوائج الناس

بيحب يخدم الناس كلها

انا باقدم له خالص شكري وامتناني

بصراحة

انا لقيت في المنتدى دة ناس محترمة جدا

بيخدموا بدون انتظارمقابل

ولا يخدموا علشان فلان دة بيشتغل في المكان الفلاني وممكن يخدمني

ربنا يبارك في اخواني واخواتي في المنتدي

ويجازيكم خير

يا ريت الادارة ما تنقلش الشكر دة من الاجتماعي لو اعتبروا ان دة مش مكانه علشان عاوزة الكل يشوفه

وشكرا لنايل موتورز

**MISS_MONA** · 25-01-2011 05:01 PM

الف مبروك يا نونيتا
انا كمان عايزه اشكره معاكى عشان برده انا اول مدخلت مكنتش عارفه حاجه خالص وهو من اول الناس اللى استحملنى وكان بيرد على كل اسئلتى
وانتى كمان يا نونيتا وساره ربنا يكرمكم ويباركلكم فى بيكانتوتاتكوووووووووووووو ووووو
وكمان دونزى ساعدتنى كتير يباركلاها ربنا فى ريوووووووهيتها

**زينة الله** · 25-01-2011 05:03 PM

ألف مبروك على البيكانتو يا نونيتا ربنا يبارك لك فيها وينفعك بخيرها و يكفيكى شرها

الأستاذ أحمد سعد يستاهل كل خير و فعلا من الناس الجدعان جدا و الخدومين فى المنتدى

ربنا يكرمك يا أستاذ أحمد و يبارك لك و يجعله فى ميزان حسناتك

و يأجرك على فعل الخير دنيا و آخرة إن شاء الله

**nonetta** · 25-01-2011 05:04 PM

الله يبارك فيكي يا منى
عقبالك انتي كمان ترسيلك على بر و تشتري

**nonetta** · 25-01-2011 05:06 PM

المشاركة الأصلية كتبت بواسطة زينة الله

ألف مبروك على البيكانتو يا نونيتا ربنا يبارك لك فيها وينفعك بخيرها و يكفيكى شرها

الأستاذ أحمد سعد يستاهل كل خير و فعلا من الناس الجدعان جدا و الخدومين فى المنتدى

ربنا يكرمك يا أستاذ أحمد و يبارك لك و يجعله فى ميزان حسناتك

و يأجرك على فعل الخير دنيا و آخرة إن شاء الله

الله يبارك فيكي ويبارك لك يا زينة
وعقباك انتي كمان
ويجعل دعاكي من نصيبي يا رب

**زينة الله** · 25-01-2011 05:09 PM

يا رب يا نونيتى

و يجعل دعاكى كمان من نصيبى

ادعى لى بقلب جامد

ههههههههههههههه

**nonetta** · 25-01-2011 05:12 PM

المشاركة الأصلية كتبت بواسطة زينة الله

يا رب يا نونيتى

و يجعل دعاكى كمان من نصيبى

ادعى لى بقلب جامد

ههههههههههههههه

انتي عارفة
انا كنت عاوزة ادعيلك باللي بالي بالك
ياااااااااااااااارب

**زينة الله** · 25-01-2011 05:15 PM

مرسيى كتييير .... أحم أحم ... والله كسفتينى

و انا بتابع المظاهرات و شكلى ما يجبش رومانسية خالص دلوقتى

ههههههههههههههههه

**nonetta** · 25-01-2011 05:21 PM

المشاركة الأصلية كتبت بواسطة زينة الله

مرسيى كتييير .... أحم أحم ... والله كسفتينى

و انا بتابع المظاهرات و شكلى ما يجبش رومانسية خالص دلوقتى

ههههههههههههههههه

اه والله متابعة بس على خفيف
كان نفسي انزل الشارع
بس انا ساكنة فوووووق
مش حاسة بأي حاجة في الشوارع

**نور القمر** · 25-01-2011 06:47 PM

مبروك يا نوني ربنا يديكي خيرها ويكفيكي شرها
ها مقولتيش لونها ايه وامكانياتها ايه وكام الاوفر اللي عليها
طبعا احمد سعد مش جديد عليه حبه لمساعدة الغير وشهامته وجدعنته

الموضوع: شكر وتقدير للاستاذ أحمد سعد a.saad

LinkBack

أدوات الموضوع

عرض

شكر وتقدير للاستاذ أحمد سعد a.saad - انشر الموضوع فى :

-

-

-

-

-

-

-

المواضيع المتشابهه

شكر وتقدير

شكر وتقدير

شكر وتقدير للأستاذ أحمد صادق

شكر وتقدير للاستاذ كريم المنسق العام

شكر للاستاذ / أحمد عمارة

الكلمات الدلالية لهذا الموضوع

المفضلات

المفضلات

ضوابط المشاركة