-
مرسيدس s280 1983
مرسيدس S280 1983
2800 cc
لو سمحتوا يا جماعة انا عايز اعرف ايه اخبار العربية دي من حيث توافر قطع الغيار
و استهلاك البنزين و رخصتها حتكلفني كام في السنة تقريبا (تامين و ضربية)
اصل بصراحة انا بحب العربية دي اوي و بدور علي واحدة حالتها حلوة...ياريت تفيدوني
-
اولا لازم احييك علي ذوقك العالي الw126 عربية بجد
بص يا باشا من حيث توافر قطع الغيار فا كل قطع غيارها موجودة و رخيصة كمان و طبعا معمرة جدا جدا
و من حيث استهلاك البنزين ال280s مش موفرة احسن تجيب 280se لانها انجكشن و بتستهلك حوالي 10-14 علي حسب سواقتك
الضريبة بحد ادني الف حنيه يعني حوالي 1200 او 1300
في العموم العربية دي ممتازة من جميع النواحي و ميعبهاش الا انها طويلة شوية و في الزحمة ممكن تبقي عيب (بالنسبة ليا دي ميزة مش عيب )
بما ان حضرتك من اسكندرية و عايز واحدة نضيفة ...في واحد مبيشتغلش تقريبا الا في العربية دي و مش اي حالة كمان حالات فوق الممتازة ممكن يجيبلك واحدة فابريكة بس للاسف هوا غالي عن السوق شوية
لو عايز حضرتك هوا في رشدي علي شارع ابو قير قدام بنزينة الغاز مباشرة حتلاقي معرض اسمه نور سلطان هيجبلك اللي انتوا عايزة
و او عايز اي استفسار عن العربية انا تحت امرك
-
شكرا بجد علي رد حضرتك
و انا اتشرفت بيك اوي و كمان بحترم زوقك جدا في العربيات عشان زي زوقي
و مرسي اوي علي المعلومات اللي حضرتك قولتهالي
-
يا فندم العفو دا الشرف ليا اني الاقي حد بيقدر العربيات دي دلوقتي
الناس كلها بتركب في الجديد و الكلام الفاضي دا و متصورين ان المرسيدس القديمة بتوقف عند الميكانكي اسبوعين كل شهر كده و بتجيب 90 بالعافية و الابواب بتقع من المطبات و انها حوت بنزين...عموما دا اللي انا بسمعه غير موضوع حرام تصرف عليه
انا شخصيا بعشق الW126 دي كانت مع ولدي زمان 500SEL عربية متتعوضش و افضلها عن عربيات كتير
حضرتك الW126 بالذات مفخرة المرسيدس لحد الان ممكن حضرتك تدور علي النت و تشوف review عن العربية و تشوف مدي الشكر و الثناء في ثباتها الرهيب و قوتها و راحة المقصورة و فخامتها و جودة الصناعة و انها عملية جدا جدا جدا
و ربنا يوفقك و تجيب واحدة متراعيا
-
اقوللك الصراحة انا بصراحة بموت في الموديل 500SEL 1986
بابين لونج و موجوده مش غلية علي فكرة بس بجد دي اللي انا حاسس ان هيا حوت بنزين
عشان هيا 5000 cc
8 سلندر و اتنين تكييف و بجد انا ركبت العربية دي مكنتش عايز انزل منها مع ان الفرش جوا كان متبهدل
و كنت عايز اقوللك حاجة بخصوص ال 280 ان انا بلاقي اسعار متفاوتة جدا يعني ممكن من 45 ال 55 و ممكن الاقي واحد تاني طالب 70 و 75؟؟؟؟
-
-
بابين ....حضرتك قصدك الكوبيه دي اسمها C126 SEC ودي بقي قصة و حكاية و حدوته و رواية في عضو هنا في المنتدي معاه 560SEC
هيا ال500SEL بتاكل بنزين بس دا طبيعي من موتور 8 سلندر بس الفكرة ال500 نادرة شوية مش زي ال300 و ال280
موضوع اختلاف السعر دا عادي و بالذات في المرسيدس بس 70 و 75 كتتتير و كلام فاضي بتبقي الناس دي المالك الاصليين
اهم حاجة الحالة و ربنا يوفقك و تجيب حاجة حلوة
في مقولة بتقول
There are only two types of cars
1. Mercedes-Benz
2.Cars
-
تمام انا قصدي عليها وجامده جدا المقولة علي فكره
عارف حضرتك في ناس هوايتها الفسح او الكمبيوتر او التليفزيون
انا بقا هوايتي العربيات و مش عارف انا عندي عقدة اني بحب اجيب عربية نادرة و حالتها تكون كمان نادرة
عربيتي هيا بيتي انا ممكن انام فيها اصلا...وفي مقولة بتقول
you can live in a car BUT you can't drive a house
عارف انا اكتر عربية نفسي بجد اشتريها مش عارف حضرتك تعرفها ولا لأ
Crysler M300 1999-2001
The best car design ever for me and i will never see such a design again
bas tab3an 7agetha naaaaaaaaaar law la2etha
انا مجنون صح ؟؟
-
الناس في العشق مذاهب بمعني ان كل واحد و له هواية انا ليا واحد صاحبي بيعشق حاجة اسمها موتسكيلات و بيجبهم باسعار وهمية 150 الف و كلام من دا ...هوا دماغه كده و الناس يتاعت الانيكه دي برود دماغ غريبة جدا
انا عن نفسي هواي عربيات كلاسيك من الستينات و سبيعينات( بس علي ادي) انا بجيب العربية بصرف عليها سعر عربية زيرو عشان انا عايز كده و بحب العربيات النادرة و بقدر اي عربية قديمة حالتها نضيفة بغض النظر عن الموديل
.......في ناس اعرفها والله راجل عندو جراج في 7 او 8 عربيات جاجوار قديمة و لو لاقي واحدة تانية حيشتريها
و ليا واحد صديقي كان معايا في الكلية (مجنون سواقة و سرعة ) بيموت في العربيات الامريكي طلب مني مرة انوا بركب American Muscle و ركبتوا عربية واحد اعرفوا ادمن الموضوع و كان معاه عربية اوبل باعها و عمل مشاكل مع اهله و اشتري كامارو سبيعنات و بعد كده Trans AM تمانيات و عمل بيها حادثة رهيييبة و اتكسر و اتدغدغ و لما تعافي راح بردو جاب Buick Rivera بس ربنا هداه و بطل يجري
لو حضرتك بتحب الحاجات النادرة معناها ان حضرتك عايز تجيب حاجة متميزة مش مجنون ولا حاجة
اما الكرايسلر دا انا شفتها قبل كدا بس للاسف معنديش اي معلومات عنها بس الامريكي عموما قطع غياره غالية
-
Content Relevant URLs by
vBSEO 3.6.0 PL2