الموضوع: أنا نازل كمان شوية "أنت كمان لازم تنزل" + متصدقوش أى حاجة بتتقال فيه جواسيس من النظام

بسم الله الرحمن الرحيم
السلام عليكم و رحمة الله وبركاتة

محبيتش أضيف مشاركتى دى فى رد عشان الناس كلها تقراه
يا جماعة محدش يصدق كل كلمة بتتقال فى البلد دلوقتى عشان تحبط الثورة
لأن فيه جواسيس من النظام الرئاسى قاعد على الأنترنت بقاله أكتر من 48 ساعة و هيستمر حتى أطفاء نار الشعب و الجواسيس دول هما إلى أتفقوا مع تويتر فى أغلاقه من بعض أى بيهات مصريه و الناس بتستخدم برامج كاسر بروكسى دلوقتى عشان تدخل عليه عشان كدة محدش يصدق أى حاجة بتتقال لأن جواسيس النظام على شبكة الأنترنت عددهم غير محدود و عايزين يسكتوا الشعب بأى طريقة


أنا أتحمست جامد جدا بصراحه القاعدة دى مالهاش لزمه و وجودى أكيد هيفرق مش عشان هنزل أجيب دبابات يعنى ولا طيارات ولا عندى قوة خارقة لأ أنا واحد من الشعب المصرى لازم أشاركة الناس دى مش أحسن منى فى حاجة فى ثورة 1919 مكانش فيه حد قاعد زينا على النت كله قام و كله قال عايزين حقك يا بلد
حتى لو حال البلد أتغير و تم أسقاط نظام الحكم أنا عمرى ماهرضى عن نفسى لأنى مش مشارك فيها بأى رأى ولا أى تغيير أنا هنزل حتى لو الأمن المركزى ضربنا بطلقات نار حيه مع العلم أنى مش منضم لأى حزب ولا عمرى هنضم لأى حزب بس أنا فرد من مصر لازم أحس بيها إنها محتاجانى دلوقتى حالا



أنا هتصل بكل صحابى و أنتم أتصلوا بكل صحابكم دلوقتى حالا و إلى مش هينزل معايا من صحابى مش عايز أعرفة تانى لأنه هيبقى خاين و كلكم أعملوا كدة أنتوا نسيتوا ثورة 1919 ولا أية و التاريخ بيعيد نفسه تانى يا مصريين

يا دين النبى


يا جدعان حد يقولى أنزل فين
دا إلى مش هينزل دلوقتى هيبقى معندوش دم