شكر و تقدير لاخواتي كلهم

انا رجعت من الايقاف الحمد لله

و متشكر جدا جدا لكل اخ صادق من اخواتي في نايل موتورز كلها و بالذات قسم النيسان علي الدعم المعنوي ليا و اتصالهم بيا و الاطمئنان عليا

و الناس اللي مكنش معاهم نمرتي معلش انا كنت بس بقدر ادخل كزائر للقسم الاجتماعي اما الاقسام المتخصصه فمكنش ليا غير اني اشوف الصفحه الرئيسيه فقط فمش كنت قادر اشوف الكلام و المشاركات

شكر من القلب ليكم كلكم و لما الاحداث اللي في البلد تهدي شويه هقدر بقي اتكلم و اوضح موقفي بس مش قبل ما الاوضاع تهدي و نشوف ايه اللي هيحصل

أهلا أهلا د/ أمير الف حمد لله علي السلامة
يارب أكون أول واحد أرد علي موضوعك ده :))
اهلا بيك وسطينا ... كان ليك وحشة يا دكتور .... سناني بتجز عليا من ساعتها ... ههههههه

اهلا بعودتك يا امير و قسم نيسان فعلا افتقدك كتير الفترة اللي فاتت و اهلا بيك مرة تانية

اقتباس:

---

المشاركة الأصلية كتبت بواسطة sonasteel

أهلا أهلا د/ أمير الف حمد لله علي السلامة
يارب أكون أول واحد أرد علي موضوعك ده :))
اهلا بيك وسطينا ... كان ليك وحشة يا دكتور .... سناني بتجز عليا من ساعتها ... ههههههه

---

مش مهم الاول او التاني في الرد

الاهم اللي في القلب و الحمد لله علي نعمه الاصدقاء

اقتباس:

---

المشاركة الأصلية كتبت بواسطة peaceman

اهلا بعودتك يا امير و قسم نيسان فعلا افتقدك كتير الفترة اللي فاتت و اهلا بيك مرة تانية

---

يا باشا انا اللي كنت مفتقدكم و للاسف نمرتك كانت في الرسايل مكنتش لسه اخدتها علي الموبيل

أهلا
الف حمد لله علي السلامة
حضرتك نورت قسم النيسان

مبروك الرجوع يا امير بيك

ومنور المنتدى كله وقسم نيسان

وانت من الناس اللى منقدرش نستغنا عنها

وبنفتقد غيابك وغياب كل الناس الجميلة اللى زيك واللى بتحب المنتدى

وعاوزين نشوفك قريب باذن الله

ولكم باك دكتور

حمد لله على السلامة يا دكتور امير
انت من الناس اللى ليها بصمة واضحة جدا فى قسم نيسان

عودا حميدا يا دكتور و المحل نور و طلبات حضرتك ايه !!!

عودا حميد ا يا دكتور ومبروك رجوع المنتدى

يادكتره و انا حياتك كلها علي صفحات المنتدي مقضي 50% منها موقوف كده ماينفعش ياعم امير
و بعدين انت بتشكر النس اللي اتصلت و اللي معاهوش نمرتك و كان بيسال عليك طيب يعني اللي معاه نمرتك و اتصل بيك وانتي ماردتش ولا حتي كلمته بعدها مالوش شكرا حتي
انا ليا عندك حق عرب يابا قصاد الاعضاء اهو و الفضيحه بقيت علني اهي :khd:
و ممكن نطرح الموضوع للنقاش علي الملئ

اقتباس:

---

المشاركة الأصلية كتبت بواسطة walidadel

يادكتره و انا حياتك كلها علي صفحات المنتدي مقضي 50% منها موقوف كده ماينفعش ياعم امير
و بعدين انت بتشكر النس اللي اتصلت و اللي معاهوش نمرتك و كان بيسال عليك طيب يعني اللي معاه نمرتك و اتصل بيك وانتي ماردتش ولا حتي كلمته بعدها مالوش شكرا حتي
انا ليا عندك حق عرب يابا قصاد الاعضاء اهو و الفضيحه بقيت علني اهي :khd:
و ممكن نطرح الموضوع للنقاش علي الملئ

---

تعرف انا لما انت اتكلمت عن الموقف ده افتكرته

انا كان عندي دور برد غير محترم و زاد جدا لدرجه اني كنت فعلا مش قادر اكون بكامل وعي و كنت بنام كتير جدا

انا فعلا افتكرت لما انت بتككلم اني كنت حاسس اني بحلم و الموبيل كان بيرن بس مكنتش متأكد انه حلم او واقع فتوقعت اني كنت سخن زياده عن اللزوم لدرجه عدم التركيز و التمييز كده

ده اللي حصل بجد و انت قلت النقاش علي المليء و انا علي الملأ اهو و شكرا علي الفضيحه يا بو عرب

ليك عندي واحد يانسون معتبر بس اشوفك

اقتباس:

---

المشاركة الأصلية كتبت بواسطة amir

تعرف انا لما انت اتكلمت عن الموقف ده افتكرته

انا كان عندي دور برد غير محترم و زاد جدا لدرجه اني كنت فعلا مش قادر اكون بكامل وعي و كنت بنام كتير جدا

انا فعلا افتكرت لما انت بتككلم اني كنت حاسس اني بحلم و الموبيل كان بيرن بس مكنتش متأكد انه حلم او واقع فتوقعت اني كنت سخن زياده عن اللزوم لدرجه عدم التركيز و التمييز كده

ده اللي حصل بجد و انت قلت النقاش علي المليء و انا علي الملأ اهو و شكرا علي الفضيحه يا بو عرب

ليك عندي واحد يانسون معتبر بس اشوفك

---

ههههههههههههههههههههههههه ههههههههه
سلامتك ياعم امير و نشوفك ان شاء علي خير يوم السبت الساعه 6 و ماتتكلمش كتير في الموضوع ده بالذات لو سمحت و بخصوص الينسون بلاش لحسن بتاع المره اللي فاتت مكنش حلو هابقي اشرب حاجه غيرها بس احنا اللي حصل ماقدرش انساه بكوباية ينسون الصراحه احنا نشوف واحد من اللي في ليستة الفساد بتاع المعده كده و نروحله اصل نا بقالي كتير ماجاليش تسمم من اكل الشارع:b4_384: