هل من حل لهبد الباب

**ayman_83** · 26-01-2011 03:22 AM

ياجماعه انا خلاص شويه وهكتب ورقه واعلقها جوه العربيه علي كل باب
( برجاء غلق الباب برفق )
بجد اتخنقت قلبي بيتهبد مع هبدت الباب بتاع جيجي مش عارف بجد بحس الناس كلها بتهبد اكنها ركبه ميكروباص مفيش اي حاجه تطري كاوتش الباب او اي حاجه تمنع الهبد عشان شكل الباب تخين ويوحي انه لازم يترزع لو حد عنده الحل ينجدني الا مش هركب حد تاني عشان انا بقيت شبه الحضري اللي جنبي ينزل ويرزع الباب اروح انا طاير ومخفف الهبده بس مش عارف اقلب علي الابوب الخلفيه واديني بتدرب عليه

**eslam_wega** · 26-01-2011 05:33 AM

http://www.nilemotors.net/Nile/197573-a.html

**a_samy** · 26-01-2011 11:08 AM

نفس المشكله الأزليه معايا
والأكتر من كده بقى اللى بيفتح الباب عشان ينزل قبل ما أفتح السنتر،كل واحد عاوز يفتح الباب ويجرى كأنى خطفته....حاجه تجنن بجد.المفروض بقى كل واحد يركب معاك العربيه تديله محاضره وتفهمه أنه مايفتحش الباب إلا لما تفتحله السنتر الأول ولما حضرته ينزل يقفل الباب برفق وحنيه.

**mido_soliman** · 26-01-2011 12:47 PM

يا جماعة انتوا جيتوا على الجرح بجد
الموضوع دة عاملى مشكلة نفسية انا خلاص شوية وحنزل افتح الباب لللى بيركبوا معايا وانزلهم كمان
انا بتخانق يوميا تقريبا سواء مع مراتى او حد من اصحابى او والدتى لما يجو ينزلوا قبل ما افتح السنتر مش مصدقين ان الاكرة حتتخلع مرة فى ايديهم
للاسف الموضوع دة ملوش حل غير انك متركبش حد معاك وانا تقريبا حاجر توكتوك للعيلة تحت البيت يوديهم ويجيبهم مطرح ما هما عايزين

**eslamkasem** · 26-01-2011 02:56 PM

دي حقيقه يا جدعان ولدي مشاء الله عليه قفلة بابا بحس انو هيخده جوا العربية علي حجره ومراتي تفتح الباب وتخش وترزع يا بنتي استغلي صحتك في ترويق الشقه مش ترويق العربيه والاهم من كل دا حمااااتي مشاء الله عليها صحة وبردو ترزع الباب بحس ان الباب هيعيط مني ويقولي ارحمني وكمان لازم تفتح السنتر قبل مافتحه ودي اكتر حركة بتقفلني لحد السنه الجايه بس هنمعمل ايه

**mido51eg** · 26-01-2011 03:15 PM

برضه والدي ربنا يديله الصحة بيرزع الباب جامد كده. مؤخرا بقى لما ينزل من جنبي الحق اميل ناحية اليمين واستلم منه الباب في اخر مشوار القفل علشان الحقه قبل مايتهبد. اول امبارح نزل ولحقت الباب قبل مايهبده وقفلته لقيته فتح الباب الوراني ياخد شنطة من على الكنبة وراح هابد الباب هبدة يعوض بيها هبدة الباب القدماني اللي مالحقش يهبده. اعمل ايه يعني فداه العربية طبعا.

**Tayer** · 26-01-2011 04:14 PM

المشاركة الأصلية كتبت بواسطة mido_soliman

يا جماعة انتوا جيتوا على الجرح بجد
الموضوع دة عاملى مشكلة نفسية انا خلاص شوية وحنزل افتح الباب لللى بيركبوا معايا وانزلهم كمان
انا بتخانق يوميا تقريبا سواء مع مراتى او حد من اصحابى او والدتى لما يجو ينزلوا قبل ما افتح السنتر مش مصدقين ان الاكرة حتتخلع مرة فى ايديهم
للاسف الموضوع دة ملوش حل غير انك متركبش حد معاك وانا تقريبا حاجر توكتوك للعيلة تحت البيت يوديهم ويجيبهم مطرح ما هما عايزين

أنت بتحكى قصه حياتى

**ayman_83** · 26-01-2011 05:21 PM

ههههههههههههههه الظاهر ان مش انا بس الي بقيت الحضري الجون ده كده كلكم نفس الحكايه عايزين بقئ حل جماعي انا بقول نجيب استيكر اغلق الباب برفق ولا بلاش تركب

**Nistelrooy** · 26-01-2011 06:11 PM

ياه الموضوع ده عملي مشكلة وبوظلي الاكرة قبل كدا وعلمتها في التوكيل ..

1- الناس لما تنزل بتهبد الباب وياما اتخانقت والحمدلله دلوقتي الي بيركبوا معايا فهموا الوضع

2- ودي الي بتنرفزني لما اجي اغير من الـ d الي الـ n علشان اقف وافتح السنتر الاقيهم بيفتحوا الباب وانا بفتح السنتر بالتالي الباب مش هيفتح <<< اخر ما زهقت الي بيعمل كدا بقولة والله مانا فتحة افتحة من عندك بقي :)

جه واحد صاحبي بقي يدوس علي فتح اللوك لوحدة :)

**waleedfesal** · 26-01-2011 08:18 PM

المشاركة الأصلية كتبت بواسطة eslamkasem

دي حقيقه يا جدعان ولدي مشاء الله عليه قفلة بابا بحس انو هيخده جوا العربية علي حجره ومراتي تفتح الباب وتخش وترزع يا بنتي استغلي صحتك في ترويق الشقه مش ترويق العربيه والاهم من كل دا حمااااتي مشاء الله عليها صحة وبردو ترزع الباب بحس ان الباب هيعيط مني ويقولي ارحمني وكمان لازم تفتح السنتر قبل مافتحه ودي اكتر حركة بتقفلني لحد السنه الجايه بس هنمعمل ايه

زى ما يكونوا متفقين مع بعض علينا

الموضوع: هل من حل لهبد الباب

LinkBack

أدوات الموضوع

عرض

هل من حل لهبد الباب - انشر الموضوع فى :

-

-

-

-

-

-

-

-

المواضيع المتشابهه

فرش الباب

جلد الباب

صدأ فى عتب الباب

منين اجيب البلاستيك الاسود اللى بين زجاج الباب وعظم الباب

صوت عند فتح الباب

الكلمات الدلالية لهذا الموضوع

المفضلات

المفضلات

ضوابط المشاركة