مصر النهارده - تحذير الموضوع قد يسبب اغمائات او هلاوس سمعيه و بصريه

**medo_2060** · 26-01-2011 02:13 PM

ولا اقدر اسمعه دقيقه واحده حتى كلهم ولاد@#$%&^#

**aboalm** · 26-01-2011 02:17 PM

فى بلدنا ما فيش مال المخابرات و مال الشئان الداخلى و بالتحديد مش امن الدوله لاء المخابرات

**Sameh** · 26-01-2011 02:25 PM

امبارح تامر وخيرى مستنصحين أوى وعمالين يتكلموا عن حرفية الجزيرة وانها إزاى تنقل الأخبار مع إنها قناة إخبارية أصلاً ومع إن مش من الحرفية إنك وانت مذيع لا راح ولا جيه تقعد تنقد فى قناة وتقول رأيك ، أومال لو كنت محلل ولا سياسى كنت عملت إيه !!!

وكزيادة فى النصاحة والعبقرية شوية تساؤلات فى الجون بقا يا ترى ليه الجزيرة كانت قاسم مشترك فى مظاهرات تونس وإستفتاء السودان ومظاهرات لبنان ؟؟ أكيد الجزيرة هى صاحبة المؤامرة !!!!! مع إن الجزيرة أصلاً شغلتها إنها تنقل الأخبار وحتى جرنان الأهرام ولا الجمهورية كانوا بينقلوا نفس الأخبار يعنى فين المؤامرة مش فاهم ؟؟؟؟؟؟!!!

واحد بعتلهم رسالة قالهم بلاش نغمة الجزيرة وشوفوا أسباب المظاهرات إيه ، عباقرة زمانهم مافهموش الرسالة وقروها زى ما هى وانبروا فى التعقيب إن فعلاً بلاش الجزيرة عشان دى موتآمرة !!!!!!!!!! والله حاجة تكسف وعيال تصعب على الواحد وهم واخدين فى نفسهم قلم كدة

تامر بيقول لخيرى الجزيرة انتشرت عشان بيجيبوا محترفين !!!! هههههههه وكأن دى تهمة أو فشل مثلاً !!! ربنا يشفى

**hossam20102010** · 26-01-2011 02:56 PM

اى هبل فالجبل

و مش عارف بيقول ايه اساسا

**الطنطاوي** · 26-01-2011 02:59 PM

الخلاصة
الجزيرة هي سبب الفتنة في لبنان
الجزيرة هي السبب في تقسيم السودان
الجزيرة هي السبب في اللي بيحصل في تونس
الجزيرة عايزة تقسم مصر

**human** · 26-01-2011 03:06 PM

المشاركة الأصلية كتبت بواسطة الطنطاوي

الخلاصة
الجزيرة هي سبب الفتنة في لبنان
الجزيرة هي السبب في تقسيم السودان
الجزيرة هي السبب في اللي بيحصل في تونس
الجزيرة عايزة تقسم مصر

عيب اوى لما التليفزيون الحكومى يقول الكلام ده

و البيه يقولك قاسم مشترك!!! هو نسى ان هيه قناة اخباريه يعنى مهمتهم نقل الخبر

حاجه تفلق

ده لغايه الساعه سته كنا بنقول انهم تضامنوا مع النظام عشان مافيش اى اخبار

**mido51eg** · 26-01-2011 03:09 PM

امال تفتكروا ان ناس زي تامر امين وخيري رمضان وصلوا للي هما فيه ده ازاي ؟؟؟!!!
وازاي بقوا بيذيعوا برامج بياخدوا عليها عشرات الألوف من الجنيهات في الحلقة الواحدة؟؟؟!!!
طبعا لازم يكونوا عدوا من اختبار الولاء للنظام الفاسد وتكون تقارير الأمن في مصلحتهم وتؤكد انهم على العهد دايماً اعوذ بالله.
دول والاف امثالهم هما كدابين الزفة وحملة المباخر وهما المنفعين من وجود واستمرار النظام الفاسد.

**kh_talaat** · 26-01-2011 03:14 PM

مظاهرات الشعب المصري في ميدان التحرير بالصور

**mememsaid** · 26-01-2011 04:43 PM

ده السبب اللي خلي الناس مابتفتحش القنوات الحكوميه وبتروح تدور علي الخبر في قنوات تانه
امبارح لما كانت الجزيره جايبه المظاهرات بث مباشر وبيحللوا فيها كانت القنوات الحكوميه جايبه فيلم اجنبي واغاني
شوفتو التقدم