عايز اغير البلية بتاعت العجل الي ورا

السلام عليكم
العربية بروتون ويرا
انا عندي مشكله بسيطه كنت برصص الكاوتشات الجديده فا الراجل بتاع الترصيص قالي يا هندسه انتا عندك بليه ورا فسائلته عرفت ازاي قالي الونه انتا شامعها
هو فعلا كتن في فعلا ونه في العربيه جامده اوي بتخليني اكره نفسي و انا سايق عموما الي انا متاكد منه ان الكواتش و الجنط مش السبب عشان الجنوط باقلها تلت شهور و الكوتشات مغيرها امبارح
المهم
فا اتصلت بالدوليه موتورز اسئل فالي انتا عايز تغير صره قلتله لا البليه قالي مفيش حاجه اسمها تغير طقم البلي انتا تغير الصرة كلها
سائلته علي تمنها
قالي 200 جنيه
هو مينفعش اغير طقم البلي بس ولازم اغير الصره دي كلها يعني مفيش حل
اتمني اني اكون عرفت اوصل المشكله
اسف علي الاطاله

مفيش رد ولا ايه

تقريبا البلى بيتغير بس,,غير لو فى مشكلة فى الصرة....

عزيزي انا موش عارف نظام الويرا ايه لكن انا كان عندي فيات وكنت بغير البلي بس
عموما روح للميكانيكي بتاعك وخليه يفك البليه واعرف رقمها واشتريها بس ياريت ماتكونش بليه سبيشيال
بس خللي بالك وانت بتشتري انك تطلب من البائع بليه سرعات عاليه وياريت تغير الشمال واليمين

اخى

انا بردو معرفش نظام البروتون ايه بالظبط بس انا معايا جولييت واللى اعرفه ان البلى بيتغير لوحده عادى
انا عندى نفس مشكلتك فى البليتين اللى ورا لكن لما كشفت عليهم فى مركز صيانة معتمد قالولى عندك مشكلة فى الطنابير كمان فحبذا تغير الطنبورتين كمان عشان الشغل يبقى على نضيف ولما لقيت التكلفة هتبقى عالية شوية قولت أأجلها
ربما تكون المشكلة عندك كمان تستدعى تغيير الصرة زى ما قالول

والله اعلم

فعلا" الخلفى للويرا صره كامله مش بليه فقط
أشترى الأصلية بتاعة اللانسر البطه مفيش أختلاف