مقارنه بين فيات 131 ومازدا 323 وبيجو 504 ولادا 2107

**mohamed9999** · 26-01-2011 04:16 PM

ايهما افضل فى حدود مبلغ 20000-22000 من حيث الاعتماديه و قطع الغيار ومش مهم تكون رخيصه

**medooo333** · 26-01-2011 08:22 PM

peugeot 504

**mohamed9999** · 27-01-2011 11:34 AM

للرفع و التذكير

**M.Alaa92** · 03-02-2011 06:13 PM

ال 504 احسن واحدة فيهم بس هل اقدر على الضريبة كل سنة؟؟
المازدا كويسة جداااا ( ناعمة و موتور كويس وضريبة اقل من 504
الفيات
الادا لا انصح بيها ( خشنة و ضيقة بس صاج 100/100 ) بس للامانة ممكن انصح بيها لانك ممكن تركب موديل عالى فيها مثلا 95 و لكن المازدا و الفيات و البيجو بيلعبو فى تمانينات
هو ده الترتيب

**saadelden** · 03-02-2011 07:15 PM

البيجو 504 حلوه و واسعه بس مشكلتها الضريبه و استهلاك البنزين

المازدا مشكلتها قطع الغيار لكن عربيه صغيره و مريحه ف السواقه و رخيصه

اللادا و الفيات الاتنين بيشتركو ف رخص قطع الغيار و سهوله التصليح و اي ميكانيكي شغال فيهم
بس اللادا عربيه خشنه جدا بخلاف الفيات

**M.FOUAD** · 04-02-2011 01:24 AM

الادا احسن اختيار موديل عالي ممكن تيجيب 98 و قطع غيارها متوفرة و لسة بينزل منها زيرو
البيجو كعربية احسن بس صعب تلاقي حالة سليمة بالسعر دة و الموديل القديم

**kohana** · 07-02-2011 01:07 PM

اللادا خشنة فعلا لكن بيركب لها علبة دريكسيون مش عارف كام بلية كده الميكانيكى بيبقى عارفها بتخليها زى الباور
وعربية اعتمادية جدا عفشة حديد صاج جامد جدا قطع غيار رخيصة جدا اقتصادية فى البنزين شنطتها حلوة العربية عالية عن الأرض أنا كانت معايا واحدة موديل 83 كانت رهيييييييييييييييييبة عربية فلة وفى الآخر القرار ليك وأفضل موديل هو 95 وربنا يوفقك

**wama1903** · 07-02-2011 01:22 PM

504

احسنهم كلهم......وبالنسبه للبنزين فهي بتاخد بنزين 80 مش مشكله وقطع الغيار فى كووووووووووووول حته

**keko** · 14-02-2011 05:52 AM

بص يا باشا انا زيك محتار بينهم وبعمل مقارنات كتير اليومين دول واللى وصلتله لحد دلوقتى من كلام اصحابهم والسؤال عن قطع الغيار وكده
131 و 504 عربيتين ممتازين خصوصا 504 اللى بتديك كل امكانيات السيارة بس من وجهة نظر تانية العربيات دى قدمت وقطع غيارها بقت غالية جدا فى الاستيراد بالذات يعنى احب اقولك موتور 131 ب 4500ج و 504 ب 9000 ج
مازدا 323 عاجبانى جدا لان اصحابها بيشكروا فى ادائها جدا من حيث نعومة اليابانى ولما سالت على قطع غيارها لقيتها رخيصة يعنى الموتور اقل من 2000ج ومعمرة عن اللادا والفيات بس راعى انها الوحيدة فى اختياراتك اللى على كبالن
اللادا بتديك اقصى توفر لقطع الغيار جديد واستعمال ورخص اسعارها ومتانة وتحمل لكن انسى تماما متعة السواقة معاها والشكل الجمالى

انا عن نفسى بدات اميل لل 323 وربنا يوفقنا احنا الاثنين