أفضل لون للساجا -- من فضلك شاركنى وأفيدنى برأيك

**khaled_Saga** · 26-01-2011 08:23 PM

السلام عليكم ورحمة الله وبركاته

اخوانى الاعزاء

ان شاء الرحمن انا مقدم على شراء ساجا 2011 فى غضون اواخر الشهر القادم ولكن محتار فى اللون خاصة بعد لما عرفت انها 4 الوان بس وهى:

1. الأسود
2. الأحمر
3. الفضى
4. الأبيض

صراحة انا مش ميال بالمرة للون الأبيض وبصراحة أكثر ميال للأسود أولا بس مش اى اسود لكن فيه لون اسود ميتالك مش قافل بيكون شيك جدا لو كنتم شوفتوه على اللوجان لونها الاسود رائع ثم الأحمر ثم الفضى, فأرجو من الاخوة الاعضاء انهم يشاركوا بأرائهم للوصول الى اللون الأكثر رواجا وشعبية وبالطبع ساحترم جميع الآراء لان كل رأى يعبر عن رغبة صاحبه ليس أكثر.

ولكم منى خالص اشكر جميعا وأرجو الدعاء لى بالتوفيق فى الاختيار واتمام الشراء على خير.

**abdoumahros** · 26-01-2011 08:39 PM

بصراحه كل الوانها حلوه ودي مساله اذواق

**khaled_Saga** · 26-01-2011 08:42 PM

شكرا ليك يا أخ عبده على المشاركة

بس كنت حط رأيك اكيد مسألة اذواق مفيش شك

**SALAHHAKIM** · 26-01-2011 08:50 PM

السلام عليكم
الاحمر
الفضى
الابيض
الاسود

الاشيك طبعا الاسود لكن الاكثر اتساخ وحراره الشمس
الابيض الاسهل فى معالجه الخدوش وطبعا ممتاز فى الشمس عاكس
الفضى لون ممتاز وضد الاتساخ
الاحمر لون الملوك والشبابى

**khaled_Saga** · 26-01-2011 08:54 PM

الف شكر يا استاذ صلاح بس انت لخبطنى ههههههههههههه

**cavalier822** · 26-01-2011 09:06 PM

أخي العزيز الموضوع بتاع اللون ده نسبي جدا لانها كما تفضل الاخوة مسألة أذواق و لكن اديك رايي لان ان شاء الله ناوي اجيبها ( العربية ) فأنا حختار الفضي لاني شايف من وجهة نظري هو الانسب لحجمها و وفي نفس الوقت الأحمر شبابي يعني انا شايف ان لو العربية للاسرة فالفضي أو الاسود هما الانسب انما لو استخدام شبابي يبقى أحمر و الابيض انا مبحبوش في اي سيارة وده طبعا رايي الشخصي جدا و ممكن الناس تختلف معايا كتير بس الموضوع زي ما قولت نسبي جدا و يختلف من شخص لشخص. و الف مليون مبروك مقدما

**sayed911** · 26-01-2011 09:15 PM

انا ها الخصهم في كلمتين صغيرين جدا يا استاذ خالد ..
انا جايب الإسود وبقول لحضرتك هات الفضي لأنو تحفة وانا كنت ها اموت عليه لكن مكنتش لاقيه خالــــــــــــــــــــــ ــــــــــــــــــص لكن الإسود مينفعش خالص في بلدنا نهائيا ..

**khaled_Saga** · 26-01-2011 09:18 PM

الاخ cavalier822

الله يبارك فيك ومليون مبروك ليك مقدما على العربية
لا شك انه موضوع نسبى انما انا حبيت اجمع اكبر نسبة اراء تتفق على لون معين عشان لما اجيبه محسش انى ندمان ومستاء منه

انا فعلا ميال للاسود لكن منكرش خايف منه عشان النضافة طبعا الدنيا مليانة تراب والجو وحش فى مصر
بدأت اميل للفضى شوية بعد ماشوفت الاراء مبدأيا وطبعا هو لون معروف وجميل فى معظم العربيات والعربية اسرية فعلا هتبقى ليا وللمدام
انا 26 سنة صحيح لكن مش مهتم اوى بحكاية الاحمر عشان شبابى خاصة ان العربية اللى معايا دلوقتى حمرا واكيد الانسان بيحب التغيير

اخيرا اشكرك بشدة لرأيك ولمرورك الكريم

**khaled_Saga** · 26-01-2011 09:20 PM

شكرا ليك اخ سيد انا فعلا بدأت اميل للفضى بشكل كبير لانه من الواضح انه جامع بين الشياكة والنضافة ودول اهم عاملين فى اختيار اللون

المشكلة عندى فى المدام انت عارف زن الستات لما يمسكوا فى حاجة معينة ويزعلوا اوى لما تعمل عكسها هى ميالة جدا للاسود وانا كمان لكن فعلا صعب اوى فى نضافته بس ان شاء الله ربنا ينصرنى واجيب الفضى :)

**sayed911** · 26-01-2011 09:48 PM

صدقني انا معايا السوداء ولكن يوميا البواب تقريبا ناقص اركبه معايا مفيش مشوار انزله الا لازم تلميعه قبل وتلميعه بعد .... بس بصراحة عشان اكون صريح لما ببتنضف بتبقى تحفة بصراحة .. ولكن ها تبقى عايزة متابعة بالنضافة مستمرة على طول اول بأول .... والف مبروك مقدما ياباشا ...

مشاهدة نتائج الإستطلاع: ماهو أفضل لون للساجا؟

الموضوع: أفضل لون للساجا -- من فضلك شاركنى وأفيدنى برأيك

LinkBack

أدوات الموضوع

عرض

-

-

-

المواضيع المتشابهه

استطلاع..برأيك أي السيارات أفضل من جميع الجهات.

أيه أفضل نوع كاوتش للساجا ؟

أفضل بنزين للساجا هو 92

سيفيك سيدان تفوز بجائزة أفضل قيمة إجمالية, و أفضل إختيار آمن لعام 2010

برأيك مين هي الحكومة؟

الكلمات الدلالية لهذا الموضوع

المفضلات

المفضلات

ضوابط المشاركة