سوال ؟ فين الصعيد ؟

**mfarag** · 27-01-2011 02:45 PM

المشاركة الأصلية كتبت بواسطة mazagangee

للأسف المنيا خارج الخمة حاليا
مفيش أي حاجة و الدنيا عادي جدا و لا كان فيه ثورة في البلد

حاجة تكسف

+111111111111111111111111111111111111111

**mahfouz1983** · 27-01-2011 04:47 PM

المحله منميتش بس هما خدرو الرجاله بتوع شركه المحله بشهر مكفاءه رشوة يعني بس باذن الله نتفرج علي هيحصل بكرة الجمعه بعد الصلا وربنا ينصرنا امين امين امين

**acceleration** · 27-01-2011 06:35 PM

كان فى يوم 25 مظاهرات خفييييفة جدا فى المنيا قدام الجامعة ومجمع المحاكم ودول قلة من الناس المثقفة بس غير كدا مفيش اى حاجة تانى
انا مستغرب جدا ازاى الصعيد متحركش لغاية دلوقتى على فكرة يا جماعة فى اخبار عن ان السويس فيها ضرب نار من الطرفين المتظاهرين والامن لو الوضع وصل لكدة فعلا فانا بقولكم .....مش الصعيد كلو لأ فى المنيا بس وفى الارياف تحديدا فى كميات سلااااااااح موجودة لو طلعت يبقى خلاص مفيش امن مركزى ولا قوات خاصة انما السلاح اللى فى الصعيد كله لو طلع يبقى مفيش جيش كمان والكلام ده مش مبالغة على فكرة وربنا يستر والموضوع ميوصلش لكدا اصلا

**MOUSTAFA_SAAD** · 27-01-2011 10:27 PM

ودمنهور نايمه على طوووووووووووووووووووووووو ووووووووووووووووووووووووو ول

**human** · 27-01-2011 11:00 PM

المشاركة الأصلية كتبت بواسطة cayman69300

مش بس كدة
فى حاجة اسمها الحد الادنى الانفعالى
و دة اللى عنده يبدا الانفعال و التاثر
اولا : احنا هنا فى الصعيد محكومين بالحديد و الناس
ثانيا : الطبقة و الفئة الزراعية الغير مدركة بالنواحى السياسية هى الغالبة
ثالثا : لما بتقفل بتقفل و الله العظيم مش علشان انا من الصعيد و لو افتكرنا هنلاقى احداث الاغتيالات اغلبها فى الصعيد و الكل بيبقى عارف مين اللى هيضرب و اللى هيضرب بيبقى عارف انة هيتشنق لكن و لا بيهمة و بيقول هى خربانة خربانة
فالحكاية مش دفاع عن الصعيد بطريقة غير مبررة
لو الحكاية استويت فى القاهرة و الاسكندرية
اتفرج على الصعايدة هيكسروا الدنيا
دا احنا عندنا لما واحد بتدوسة عربية بيقفلوا الطريق الزراعى الرئيسى و ميت برطوشة انة مش هيتفتح
و ربنا يسترها علينا و عليكم يا رجالة بحرى

++++++++1
الله ينور عليك

**ramy01011** · 28-01-2011 10:18 AM

طب المنوفية فين ؟

**totaa** · 29-01-2011 09:40 PM

السلام عليكم ورحمة الله وبركاته
---
يعني بلاش نقعد نسأل دول فين ودول فين؟ لأن أكيد الكل بيعمل اللى بيقدر
عليه وبيعبر من خلاله عن غضبه ..لكن من خلال متابعتي المستمرة
للـ بي بي سي والجزيرة وغيرهم إن المحافظات بأكملها خرجت عن بكرة أبيها
لكن بتتفاوت نسبة المتظاهرين وأسلوبهم حسب المكان وتعداد سكانه ووعيهم
بالنسبة للسؤال الأساسي عن الصعيد
فخرجت من بني سويف والاقصر وإلمنيا وأسيوط مظاهرات كتير
وكل مكان فيهم كان له أسلوبه..وبالنسبة لسؤالكم عن المنوفيه
فكان فيه مظاهرات فى شبين الكوم واستمرت كتير بس مش كان فيه مشاغبات
ولا عمليات تخريب والامن سيطر على الوضع بسرعة بس مش عارفة هل حصل
اعتقالات زي بتاع أسيوط او باقى المحافظات ..الله أعلم
ربنا يسلم ويعدي كل ده على خير ويرد كل شباب مصر لينا بألف خير
(ساعات الغربة بتكون طوق حديد وبدل ما تلاقي دموعك بتنزل بتلاقي وقتها روحك هي اللى بتبكي وانت واقف عاجز ومش عارفة حتى توصل لأى حد من أهلك أو تطمن
على أى حد قريب منك- ربنا لا يوريكم الاحساس ده واللى بعيشه الايام دي)