كلنا سامعين و شايفين اللى حصل فى القاهرة واسكندرية و المحلة والسويس
وحتى سيناء
بس الصعيد هادى
يا ترى لية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
عرض للطباعة
كلنا سامعين و شايفين اللى حصل فى القاهرة واسكندرية و المحلة والسويس
وحتى سيناء
بس الصعيد هادى
يا ترى لية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
وللأسف أن الصعيد تم تهميشه سياسياً سواء من النظام أو من أهله المثقفين وده لعدة أسباب منها ماهو جغرافى ومنهما ماهو وقائى
لإن السلاح اللى فى الصعيد لو طلع صدقنى ممكن يسلح جيش كامل
فلذلك النظام مهمشه من زمان ولاهيه فى حاجات تانيه يعيد عن السياسه ولو حضرتك سمعت فيلم الجزيره فكل الللى فى الفيلم بيحصل فعلاً
وكمان اللوم على أهله المثقفين اللى بيسبوه ويعيشوا فى القاهره أمثال الأستاذ الفاضل مصطفى بكرى
بس ماتقلقش الناس هنا معاكوا بقلوبهم والله انا على شويه وهعيط وانا بشوف المظاهرات على اليوتويوب وفى التليفزيون لإنى نفسى أعمل حاجه وفعلاً فى ظروف صعبه جداً منعانى من نزول القاهره مع إنى موجود على طول هناك بس للأسف
بندعيلكم والله المستعان
الهدوء اللذى يسبق العاصفة ؟؟!!
سيناء دايما كانت مشتركة في كل المظاهرات السابقة وقد خرج شباب وشابات العريش ورفح في يوم الغضباقتباس:
وحتى سيناء
ورغم انها مهمشة سياسيا واعماريا ومهمشة في كل حاجه فلا حجة ولا تبرير مقبول لشباب الصعيد
واعلن اسفي لذلك
وكلنا منتظرين تحرك الصعيد لانه هيفرق جدا جدا
صحيح مشفناش مظاهرات للصعايدة خالص!!!!!!!!!!!!!
ندعو الله ان تنطلق الشراره قريبا
صحيح هم يضحك وهم يبكي
وصدقوني ان الصعيد لو اتحرك محدش هيقف قدامه ابدا لا حكومه ولا جيش
بس المصيبه اننا نتحرك
والله العظيم انا دمي اتحرق وانا بكتب لكم علشان حاسس اني واهلي مقصرين معاكم ومقصرين في حق نفسينا قبليكم
مش بس كدة
فى حاجة اسمها الحد الادنى الانفعالى
و دة اللى عنده يبدا الانفعال و التاثر
اولا : احنا هنا فى الصعيد محكومين بالحديد و الناس
ثانيا : الطبقة و الفئة الزراعية الغير مدركة بالنواحى السياسية هى الغالبة
ثالثا : لما بتقفل بتقفل و الله العظيم مش علشان انا من الصعيد و لو افتكرنا هنلاقى احداث الاغتيالات اغلبها فى الصعيد و الكل بيبقى عارف مين اللى هيضرب و اللى هيضرب بيبقى عارف انة هيتشنق لكن و لا بيهمة و بيقول هى خربانة خربانة
فالحكاية مش دفاع عن الصعيد بطريقة غير مبررة
لو الحكاية استويت فى القاهرة و الاسكندرية
اتفرج على الصعايدة هيكسروا الدنيا
دا احنا عندنا لما واحد بتدوسة عربية بيقفلوا الطريق الزراعى الرئيسى و ميت برطوشة انة مش هيتفتح
و ربنا يسترها علينا و عليكم يا رجالة بحرى
ياجماعه مين قال الصعيد ساكت .. اتصلوا بأخونا احمد ياقوت و هو يحكيلكم عن الاعتقالات اللي حصلت .. 121 بنى ادم اعتقلوا ف اسيوط وفيه مظاهرات فى المنيا .. المشكلة ياجماعه ان الصعيد متقسم مراكز صغيرة وكل مركز محاط بقري و نجوع اصغر .. ومعظم السكان فلاحين وموظفين بسطاء و لو حصل تجمع او مظاهرة عربية أمن مركزي واحده كفيلة تفرق اتخن مظاهرة .. المظاهرات الجامده هنا تكون لسبب دينى أو داخل فيها تار .. غير كده مش هايكون فيه مظاهرات
للأسف المنيا خارج الخمة حاليا
مفيش أي حاجة و الدنيا عادي جدا و لا كان فيه ثورة في البلد
حاجة تكسف
وفين المحلة مالها نامت كدة
المحله منميتش بس هما خدرو الرجاله بتوع شركه المحله بشهر مكفاءه رشوة يعني بس باذن الله نتفرج علي هيحصل بكرة الجمعه بعد الصلا وربنا ينصرنا امين امين امين
كان فى يوم 25 مظاهرات خفييييفة جدا فى المنيا قدام الجامعة ومجمع المحاكم ودول قلة من الناس المثقفة بس غير كدا مفيش اى حاجة تانى
انا مستغرب جدا ازاى الصعيد متحركش لغاية دلوقتى على فكرة يا جماعة فى اخبار عن ان السويس فيها ضرب نار من الطرفين المتظاهرين والامن لو الوضع وصل لكدة فعلا فانا بقولكم .....مش الصعيد كلو لأ فى المنيا بس وفى الارياف تحديدا فى كميات سلااااااااح موجودة لو طلعت يبقى خلاص مفيش امن مركزى ولا قوات خاصة انما السلاح اللى فى الصعيد كله لو طلع يبقى مفيش جيش كمان والكلام ده مش مبالغة على فكرة وربنا يستر والموضوع ميوصلش لكدا اصلا
ودمنهور نايمه على طوووووووووووووووووووووووو ووووووووووووووووووووووووو ول
طب المنوفية فين ؟
السلام عليكم ورحمة الله وبركاته
---
يعني بلاش نقعد نسأل دول فين ودول فين؟ لأن أكيد الكل بيعمل اللى بيقدر
عليه وبيعبر من خلاله عن غضبه ..لكن من خلال متابعتي المستمرة
للـ بي بي سي والجزيرة وغيرهم إن المحافظات بأكملها خرجت عن بكرة أبيها
لكن بتتفاوت نسبة المتظاهرين وأسلوبهم حسب المكان وتعداد سكانه ووعيهم
بالنسبة للسؤال الأساسي عن الصعيد
فخرجت من بني سويف والاقصر وإلمنيا وأسيوط مظاهرات كتير
وكل مكان فيهم كان له أسلوبه..وبالنسبة لسؤالكم عن المنوفيه
فكان فيه مظاهرات فى شبين الكوم واستمرت كتير بس مش كان فيه مشاغبات
ولا عمليات تخريب والامن سيطر على الوضع بسرعة بس مش عارفة هل حصل
اعتقالات زي بتاع أسيوط او باقى المحافظات ..الله أعلم
ربنا يسلم ويعدي كل ده على خير ويرد كل شباب مصر لينا بألف خير
(ساعات الغربة بتكون طوق حديد وبدل ما تلاقي دموعك بتنزل بتلاقي وقتها روحك هي اللى بتبكي وانت واقف عاجز ومش عارفة حتى توصل لأى حد من أهلك أو تطمن
على أى حد قريب منك- ربنا لا يوريكم الاحساس ده واللى بعيشه الايام دي)
ya gama3a 2at3 el internet wel mobile we 7azr elbath mekhaly elnas mesh 3arfa ay 7aga khales ...