شاهد على احداث 25 يناير بالصور

السلام عليكم ورحمه الله
امس حسيت ان ممكن يكون في امل في البلد دي
الصور دي اتصورت ويعلم الله كام مرة كنت هاروح فيها
واخرهم صورة من فوق منزل اكتوبر وواقف مشغول بتصوير نص مدرعة
بتتقدم قدام المتظاهرين
وفوقها جندي بيضرب قنابل غاز مزيل وقنابل خرطوش وشظايا بتبهدل اي حد
ولم انتبه الى انسحاب المتظاهرين من خلفي
وتقدم عدد من فض الشغب يحملو هراوات من خلفي استعدادا للانقضاض علي
ولكن المتظاهرين اخذو يصرخون بي حتى انتبهت لان اكثر من نصف جسمي كان خارج سور الكوبري للتصوير
ولم اشعر والا وانا اطلق ساقي للريح الى اعلى الكوبري
يغطيني المتظاهرين بقذف القوات بالحجارة لعدم الاقتراب مني

توقيع
مصري نفسه يحس بادميته

http://www.nileup.com//uploads/image...6d9689d65d.jpg

http://www.nileup.com//uploads/image...02e1f7429a.jpg

http://www.nileup.com//uploads/image...23a281c563.jpg

http://www.nileup.com//uploads/image...49cf7c60e3.jpg

http://www.nileup.com//uploads/image...233fa26e23.jpg

http://www.nileup.com//uploads/image...01b20b1095.jpg

http://www.nileup.com//uploads/image...f6b409f7b9.jpg

http://www.nileup.com//uploads/image...6918940cc4.jpg

http://www.nileup.com//uploads/image...b31bdbede7.jpg

http://www.nileup.com//uploads/image...d3184f42f4.jpg

http://www.nileup.com//uploads/image...19c6a9c186.jpg

http://www.nileup.com//uploads/image...960b677d14.jpg

http://www.nileup.com//uploads/image...5f8a809fae.jpg

http://www.nileup.com//uploads/image...9e1cef0c21.jpg

http://www.nileup.com//uploads/image...479d7db5c9.jpg

http://www.nileup.com//uploads/image...96cafe643f.jpg

http://www.nileup.com//uploads/image...1e565b7d0e.jpg

http://www.nileup.com//uploads/image...990619cfb0.jpg

http://www.nileup.com//uploads/image...8a76df294f.jpg

http://www.nileup.com//uploads/image...a4c50d0c9e.jpg

ما كان يحدث اسفل كوبري اكتوبر

http://www.nileup.com//uploads/image...52581fe58b.jpg


المشهد على الكوبري اثناء قطع المتظاهرين الطريق على السيارت
http://www.nileup.com//uploads/image...08bf707395.jpg

اسفل اكتوبر بعض فض المظاهرات وواضح الاثار على الارض
http://www.nileup.com//uploads/image...86e88dfe1b.jpg

مركز المطافي اللي قدام مجلس الشعب
http://www.nileup.com//uploads/image...c8fef665bb.jpg


لا تعلــــــــــــــــــــــ ـــــــــــــيق
http://www.nileup.com//uploads/image...a570585986.jpg

حمد الله على السلامة :)

بجد المنتدى ده مليان رجالة ... بجد فخور بحضرتك وبكل واحد نزل ويارب ننجح نغير الواقع المقرف اللى احنا عايشينه

حمد لله على سلامتك .... بجد فرحانلك جدا

تسلم يمينك يا كريم

راااااااااااااااااااااااا ااااااااااااااااااااجل

A.Yakout

يا ريت مصر كلها تبص للصور دي و للشباب ده
الأمل موجود بس فيه ناس مش عايزة تصدق
أمس و اليوم من الأيام اللي تجعلني فخور إني أنتمي لهذا البلد و هؤلاء الأحرار أولاد بلدي

انا كنت بسأل نفسي من امبارح امال كريم فين .بس الحمد لله انك رجعت بالسلامه وربنا يبارك لك ويارب احفظ مصر والمصريين.ولعنه الله علي الظلمه والمفتريين.
bemo,ire

حمد الله على السلامة أنا امبارح كنت فى مشوار و راجع من الدقى الى مدينة نصر و فوق كوبرى 6 أكتوبر المشهد لو تبص من فوق على التحرير و عند دار القضاء العالى لن تتخيل بس للأسف معرفتش اصور حاجة بس مشهد مهيب جدا الناس ركنت العربيات فوق الكوبرى و كلة كان بيصور و الكوبرى كان شبة متوقف تماما عند مطلع الكوبرى من التحرير و قفلو المنزل الى بينزلك من فوق الكوبرى الى شارع رمسيس بالحواجز و الله علشان أعرف اعدى خدت غرزة بالعربية لا تتخيلها علشان اكمل الطريق من فوق الكوبرى و ماشى بعد كدة على الكوبرى على 130 تقريبا

يا ريتني كنت في مصر الان

حمد لله على سلامتك يا كريم وان شاء الله نقدر نغير الواقع ده ومفيش حاجة بعيدة عن ربنا ..

انا هتكلم بصراحه مع حضرتك يا استاذ كريم لانك زي اخويا الكبير

انا اكتر واحد كنت مقلق منه هو رد فعل حضرتك

مكنتش متوقع الكلام ده يخرج من حضرتك

لاني لما قرأت لحضرتك تحذيرات قبل كده انك هتسلم معلومات عن اي حد يعمل مشكله في الموضع للامن متزعلش مني يعني قولت حضرتك خايف و ده حقك طبعا لان وقتك ملك استرك الكريمه

و كنت متوقع لما حضرتك تدخل او اول رد فعل لحضرتك هو هيبقي مسح المواضيع المتعلقه بالاحداث الاخيره

لكن لما لقيت حضرتك عامل الموضوع ده انقلبت نظرتي لكل القائمين على المنتدي و عرفت ان القائمين ع المنتدي هنا فعلا مش خايفين و حاسين بالناس فعلا

ربنا يباركلك و ارجو ان تتقبل كلامي بصدر رحب

اقتباس:

---

المشاركة الأصلية كتبت بواسطة shadygalal669

انا هتكلم بصراحه مع حضرتك يا استاذ كريم لانك زي اخويا الكبير

انا اكتر واحد كنت مقلق منه هو رد فعل حضرتك

مكنتش متوقع الكلام ده يخرج من حضرتك

لاني لما قرأت لحضرتك تحذيرات قبل كده انك هتسلم معلومات عن اي حد يعمل مشكله في الموضع للامن متزعلش مني يعني قولت حضرتك خايف و ده حقك طبعا لان وقتك ملك استرك الكريمه

و كنت متوقع لما حضرتك تدخل او اول رد فعل لحضرتك هو هيبقي مسح المواضيع المتعلقه بالاحداث الاخيره

لكن لما لقيت حضرتك عامل الموضوع ده انقلبت نظرتي لكل القائمين على المنتدي و عرفت ان القائمين ع المنتدي هنا فعلا مش خايفين و حاسين بالناس فعلا

ربنا يباركلك و ارجو ان تتقبل كلامي بصدر رحب

---

بصراحه أنا كمان كنت متخيل إنك هاتؤثر سلامتك الشخصيه وسلامة المنتدى وهالاقيك عامل موضوع وتجبر كل الناس إنها تشوفه وتقول فيه منتدى نايل موتورز مش هو المكان اللي نناقش فيه الأحداث دية.

بس إنت أثبت خطأ توقعي

تحيه لك يا أخ كريم

وربنا يكرمك

اللهم اقدر لنا الخير حيث كان ثم ارضنا به

أنا بعد إذنك نقلت بعض الصور في الموضوع دا
http://www.nilemotors.net/Nile/198655-a-99.html

http://www.nilemotors.net/Nile/3873257721-post1964.html

راااااااااااااااااااااااا ااااااااااااااااااااااااا ااجل

ياريت بس المنتدى يتامن من اى هجمات يا استاذ كريم
وبصراحه زى ماقال اللى قبلى انت غيرت نظرتنا فيك

السلام عليكم ورحمة الله وبركاته
الحمد لله علي سلامتك يا كريم باشا

حمد الله على سلامتك يا كريم و من فضلك خلي بالك متسرحش اوي علشان منزعلش عليك و ياريت تسمحلي ابقى اكلمك اطمن عليك

احييك بشدة وانحنى احتراما ليك يا كريم ولكل واحد تظاهر فى سبيل مصرنا وبلدنا الجميلة اللى ان شاء الله تتحرر
شكرا على الصور والموضوع والحمد الله على عدم وقوع مكروة بك والحمد الله على سلامتك

اقتباس:

---

المشاركة الأصلية كتبت بواسطة shadygalal669

انا هتكلم بصراحه مع حضرتك يا استاذ كريم لانك زي اخويا الكبير

انا اكتر واحد كنت مقلق منه هو رد فعل حضرتك

مكنتش متوقع الكلام ده يخرج من حضرتك

لاني لما قرأت لحضرتك تحذيرات قبل كده انك هتسلم معلومات عن اي حد يعمل مشكله في الموضع للامن متزعلش مني يعني قولت حضرتك خايف و ده حقك طبعا لان وقتك ملك استرك الكريمه

و كنت متوقع لما حضرتك تدخل او اول رد فعل لحضرتك هو هيبقي مسح المواضيع المتعلقه بالاحداث الاخيره

لكن لما لقيت حضرتك عامل الموضوع ده انقلبت نظرتي لكل القائمين على المنتدي و عرفت ان القائمين ع المنتدي هنا فعلا مش خايفين و حاسين بالناس فعلا

ربنا يباركلك و ارجو ان تتقبل كلامي بصدر رحب

---

فعلا انا كمان كنت متوقع ان فجاءة الموضوع الي بتابع فيه الاحداث يتقفل او يتمسح و كنت بقول لو ده حصل هيكون اخر يوم ادخل فيه المنتدي لان الموضوع ده الي تعدي 200 صفحة هو تسجيل لحظات تاريخية
بس الاستاذ كريم طلع بصراحة راجل جدع و محترم جدا

تقبل مني اعتذاري لأني للأسف من الناس اللي كنت متوقع انك هتقفل اي كلام في الموضوع ده ...

بارك الله فيك

سلمت يمينك
ورعاك الله
والله لو بايدي انتخبك رئيس

انا اقل واحد كنت هناك
لاني اتعلمت خلال 4 سنين في مظاهرات جامعة الازهر ان اهم حاجة يكون فيه تغطية للحدث

في الحروب نافق البوق يتقدم المحاربين لانه ما يدفعهم

بعيد عن كل ده
واضح ان في خلط للمفاهيم عن الناس
انا مصري زيي زيكم
زهقت وقرفت من الوضع ده
واللي نزلني اني نفسي ولادي يعيشو عيشة احسن من اللي عيشتها
وكفاية بقي
لكن الاحداث الماضية لما بشيل موضوع او بعمل توجيه اجباري
ما هو الا خوف عليكم وعلى الاعضاء من اناس مش هاتقدرو تعملو معاهم حاجة :-(
لكن عشان دلوقتي الكل منشغل فمحدش هايخد باله مننا
ولولا امى عرفت معرفش منين وماسكتتش غير حلفت ليها اني مش نازل تاني :-(

ده فيديو للاحداث وقتها

http://img511.imageshack.us/img511/3...83.mp4.frm.jpg

اقتباس:

---

المشاركة الأصلية كتبت بواسطة karim_monir

ولولا امى عرفت معرفش منين وماسكتتش غير حلفت ليها اني مش نازل تاني :-(


http://img511.imageshack.us/img511/3...83.mp4.frm.jpg

---

انا لمحتك فى الجزيره العصر يوم 25 وكنت حالق اقرع برضه وتقريبا كنت لابس ابيض مش فاكر بصراحه

تقبل مني اعتذاري لأني للأسف من الناس اللي كنت متوقع انك هتقفل اي كلام في الموضوع ده

والله انا عكس الناس دي كلها
ومن الاول كنت عارف انك هتستثني الموقف دا من القواعد
والحمد لله ظني طلع في محله لا و زيادة انك نزلت
ربنا معانا و مع المصريين الرجالة ال مبيخافوش كلللللللللللهم

والله ياكريم ربنا يكرمك بجد

الكبير كبير برده

وربنا يباركلك :)

لا يا مزاجانجي مش انا اكيد واحد شبهي لاني مانزلتش غير متاخر
لان اخت المدام كانت بتولد ولادة عسيرة شوية وكان لازم اودي زوجتي ليها

يا جماعة والله هي مش حكاية قفل وفتح وتعنت
انا مصري زي اي واحد فيكم
ومش هازايد على مصريتي وعلى انتمائي ووجعي من اللي بشوفوه
ولما بقفل موضوع بيكون من خوفي الشديد ان اي واحد فيكم يتاذي واكون سبب اني مانصحتش وعملت بقول الرسول انصر اخاك ظاما او مظلوما ولما سالوة وكيف ننصره ظالما قال تاخذ فوق يديه
هو ده المعنى اللي اقصده
امنعه من ايذاء نفسه
لكني بصراحة بشارك واشتم :-) بس في اماكن تانية وبوسائل تانية :-)
بس محدش يقول للاشراف ورئيس مجلس الادارة :-)

يا محمدي الكبير هو الله وزي ما وضحتلكم انا اصغر واحد في اللي نزله مقاما مش سنا
وربنا يقدرني واكون واحد من اللي ساهمو في تغيير الباطل


الهم ارنا الحق حقا وارزقنا اتباعه
وارنا الباطل باطلا وارزقنا اجتنابه

استاذ كريم انا كل فتره اكتشف انك راااااااااااااجل اكتر و حمد لله على السلامه ... انا كان نفسى انزل والهى بس والدى كان خايف عليا و مرضيش ابدا :(

مشكوووووور والله يعطيك الف عافيه......تسلم ايديك
قفلو الفيس الجبنا
ربنا يوفقنا

الصور جميلة بس خلو بالكو من نفسكو

ان شاء الله نتقابل بكرة على خير ...

شباب محدش يكسل أو يخاف .. ده مش وقته خالص