بيرسونا الغردقة

**darkbright** · 26-01-2011 10:14 PM

اعضاء منتدى بروتون الاعزاء
كل سنة وانتو طيبين وبصحة وخير ان شاء الله
بصراحة انا من اشد المعجبين ببيرسونا وخصوصا لما ابتديت اقرر انى اشترى عربية زيرو
بس قابلتنى مشكلة انى بشتغل فى الغردقة وبعدى عن توكيل البروتون ومش عارف اعمل ايه لو قابلتنى مشكلة فى العربية خصوصا انى مواعيد الاجازة مش بيدينى الفرصة انى اسافر فى اى وقت
وكنت عايز نصيحتكم فى انى اجيبها ولا اشوف عربية تانية متوفر قطع غياراتها او التوكيل بتاعها فى الغردقة
روحت النهاردة معرض المصرية مندوب المبيعات استقبلنى سالته على البيرسونا قاللى مشكلتها قطع غيارها وفرجنى على صنى 2011 فى نفس الفئة السعرية تقريبا بصرااااااااااحة لعبت فى دماغى الصنى تااااااانى بس حبيت البيرسونا مش عارف اعمل ايه

**sayed911** · 26-01-2011 10:38 PM

طيب تقدر حضرتك تقولي كان ايه رد مندوب المبيعات في المعرض لما قولتلو كلمة بيرسونا ؟
انا متوقع قالك يا راجل وايه الكلام ده وسيبك و الخ الخ الخ الخ كلنا والله يا اخي سمعنا نفس الإطوانة دي من كل الناس اللي في المعرض ولكن للإسف مش واصلالهم انك بتبقى داخل عايز عربية معينة مش داخل تدور على حاجة تانية ..
حضرتك خايف منقطع الغيار وبعد المسافة ...
قطع الغيار دعني اقولك انه 95% من السيارة هي قطع غيار الجين 2 اللي مالية مصر وموجودة ولله الحمد وصدقني مش ها تغلب فيها خالص ان شاء الله ممكن تكون عالية شوة ولكن موجودة .. وبالنسبة لبعد التوكيل انا عارف انه المسافة بعيدة ولكن عايز اقول لحضرتك ان شاء الله حضرتك شاري عربية زيروووووووو يعني عربية مش ها تحتاج للتوكيل فيها من اي حاجة ان شاء الله غير الصيانات وبــــــــــــــــــــــس ان شاء الله ... صدقني مش ها تندم العربية قطة تانية خالص ومن رأيي تستنى كمان البيرسونا الإليجانس ها تكون وهمية ...

**jisso82** · 26-01-2011 10:43 PM

ما أقدرش بصراحة أفتيلك فى موضوع الغردقة ده لأنك أدرى بظروفك بس أنا عن نفسى و بكل صراحة هنصحك بالبرسونا مغمض. العربية معايا ماشاء الله بقالها سنة و نصف دلوقتى و لو رجع بيا الزمن و معايا 200 ألف جنيه زيادة كنت برده هجيبها و خاصة الإليجانس الجديدة الهاى لاين حقيقى مافيش مقارنة بينها و بين الصنى تماما و إقرأ الموضوعات دى براحتك:
http://www.nilemotors.net/Nile/88694-1500-1000-a.html
http://www.nilemotors.net/Nile/165441-20000.html
و اقرأ الموضوع ده لآخره عشان فيه صور من موضوع تانى فى النص:

http://www.nilemotors.net/Nile/149020-a.html

**darkbright** · 27-01-2011 02:01 AM

ريحتونى شوية متشكر والله على ردكم الجميل
ربنا يباركلكم فيها ويديكوا خيرها ويكفيكوا شرها
ناقص اجربها ويحصل انسجام بينى وبينها وربنا ييسر واشتريها على طول
وهقولكو ان شاء الله ايه حصل لما اسافر كمان يومين اسكندرية اجازة

**darkbright** · 27-01-2011 02:25 AM

انا متوقع قالك يا راجل وايه الكلام ده وسيبك

بالظبط والله يا اخ سيد ده اللى اتقاال
بس سبحان الله العربية دى بتشد الواحد ليها هههههههه
لقيتها واقفة من يومين قعدت الف حواليها

**spiderloking** · 27-01-2011 03:53 AM

البرسونا عربيه جميله ما شاء الله بجد انصحك بيها و زي ما قالك سيد بالظبط قطع الغيار زي الجين 2 تماما في حاجات كتير اوي و موجوده دلوقتي بأنتشار و كمان في بدايل كتير و بالنسبه للتوكيل هتنزل تعمل صيانه كل 10000 كيلوا يعني كل فتره كبيره لما تنزل مره و ان شاء الله ربنا يوفقك و تستلم علي خير

**Mohamed.Kader** · 27-01-2011 07:27 AM

السلام عليكم
والله أحنا شعب طيب وودود وقريب
يعني الأستاذ صاحب الموضوع بمجرد ما الناس تفاعلت معاه وردت عليه ذاد أعجابة بالعربية من غير ما حد يطمنوا على اللي قالقوا في قطع الغيار .... أنا طبعا ما أقصدتش أي حاجة أنا بس بهزر ....

المهم أحب أنصح صاحب الموضوع أنوا يراجع مراكز الصيانة والخدمة في الغردقة عاملة أيه حتى لو مش شاغلين في البروتون بس يكون عندهم الإمكانيات اللي تساعدوا لو حصل حاجة لاقدر الله فنيا وإن كان على قطع الغيار من هنا في كذا سكة من القاهرة أي شركة شحن أو سوبر جيت أو بيجو واللي أعرفوا أن المحلات اللي هنا متعاونين في الموضوع دا وكله مكسب بالنسبة لهم على سبيل المثال أنا أكتر من مرة أشوف أ/محمد علام بيبعت حجات لدمياط والعريش في بيجو أو شركة شحن لأنهم عارفين أن قطع الغيار بتاعتنا مش موجودة هناك
وأحب أقوللك معلومة خطيرة إستشاري بروتون بتاعنا [fot1]م/رامي (ramyar)[/fot1] شغلة هوا كمان عندك في البحر الأحمر

[glow1=#005eff]

ومن هنا ممكن تكون رسالة للسادة في خدمة ما بعد البيع في التوكيل أنوا يحافظ على إنشاء صلات بشكل مباشر مع أي مركز كبير في كل محافظة ويدعم التواصل دا بقطع الغيار الإستهلاكية إن شاء الله تيل وسيور بس ومش عيب أننا ناخد مرجعيتنا في إختيار المركز أنوا يكون معتمد من حد ذي غبور أو ميتسوبيشي........ لأن دا هيساعد كتيير مش بس في البحر الأحمر لألألأ كمان كل محافظات وجه قبلي

[/glow1]

**amrabdelsalam** · 27-01-2011 04:20 PM

السيارة رائعة انا من الغردقة ومعي بروتون واجا أعمل الصيانة كل 10000 كم في التوكيل فى القاهرة أحجز قبلها أسافر فجرا الساعة 3 أصل عز العرب علي ميعاد الصيانة الناس في التوكيل محترميين جدأ و يعملو كل المطلوب و أرجع في نفس اليوم الي الغردقة أصل الساعة التاسعة و علي فكرة شركة عز العرب سوف تقوم بفتح مركز صيانة و منفذ بيع بروتون قريبا وقد وعدني بذلك م / امير مدير توكيل بروتون بعز العرب
المهم ان السيارة كويسة جدا يكفي انها متقفلة خارج مصر مش زي الصني التقفيل مش كويس
و مبروك عليك البرسونا

**mmaaly** · 05-02-2011 12:32 PM

انا لسه راجع من الغردقة بالبرسونا حقيقى ثبات رائع خاصة على السرعات العالية لدرجة ان المسافة قطعتها فى 3 ساعات ونصف ومش حاسس بالسرعة بس هيه سرعتها معايا ماجبتش اكتر من 190 كم ليه مش عارف بصراحة اختيار رائع