كل الناس اللى الفيس بوك اتقفل عندها
حمل متصفح اوبرا وشغل التربو اسفل الشاشة
وده الرابط Opera browser | Faster & safer internet | Free download
عرض للطباعة
كل الناس اللى الفيس بوك اتقفل عندها
حمل متصفح اوبرا وشغل التربو اسفل الشاشة
وده الرابط Opera browser | Faster & safer internet | Free download
R.N.N | شبكة رصد عااجل | وكالة انباء فرنسة | إضرام النار في مركز إطفاء بالسويس
منقول عن لسان أحد المقيمين في مدينة نصر
[gdwl]والله انا سامع عربيات اسعاف كل شوية رايحة جاية فى الشارع بس لسة منزلتش اشوف الاخبار هناك بس واحد صحبى ساكن فى عباس العقاد هوا ايلى قالى وقالى كمان الشرطة عملوها ثكنة عسكرية مش شارع عربيات امن مركزى ونزلوا عساكر فى الشارع[/gdwl]
أنا عايز افهم شيكة رصد دي ايه نظامها؟
انا بدأت احس زي ما يكون هما عاملين ثورة افتراضية علي الفيسبوك....زي الناس اللي بتلعب Farmville وتصدق ان عندها بيت و مزرعة بجد
يعني في النص ساعة اللي فاتت الخبرين دول
المئات يتظاهرون فى شارع الطالبية بالعمرانية
سحل المتظاهرين وإعتقال العشرات من المتظاهرين بشارع عباس العقاد بمدينة نصر
ممكن حد من الهرم او مدينة نصر يأكد او ينفي الكلام ده...اكيد في ناس كتير من الهرم و مدينة نصر معانا هنا
اصل لو هي ثورة افتراضية يبقي اليكم الخبر العاجل ده
انا لسه دلوقتي مدمر 3 مدرعات و قتلت 50 عسكري و كمان خدت...Bonus !!!
ياريت يا جماعة الاخبار اللي مش صحيحة تتنفي بسرعة او متتقالش من اصله
الفيس وقع فعلا للاسف
حكومة ضعيفة
و بكده فعلا يبقى بكره حايقفلوا شبكات المحمول قبل صلاة الجمعة
البرادعي علي الجزيرة في مطار القاهرة
يا جماعة
بالنسبة للناس اللى بتنفي كل الاخبار
ممكن تكون فيه مظاهرة صغيرة في حدود المئات والشرطة تتعامل معاها في دقايق وتختفي المظاهرة فعلا تمر من الشارع تحس ان مفيش اي حاجة فيه
لانهم بيكونوا اتنقلوا لمكان تاني قريب والشرطة وراهم
وبالتالي انت مش بتشوف لا شرطة ولا متظاهرين
واكبر دليل على ده اللى كان بيحصل في وسط البلد امبارح المظاهرة تبقي في طلعت حرب ويبدا الضرب تختفي المظاهرة وبعدها بربع ساعة تظهر في مكان تاني زي عبد الخالق ثروت ووراهم الشرطة ولو مشيت في طلعت حرب مش هاتحس ان كان فيه مظاهرة من كام دقيقة
وبعدها بنص ساعة يرجع كل شئ تاني لطلعت حرب
وهكذا
الدستور:
7:09 تغيير مسار العائدين من طائرة فينا التي يستقلها البرادعي إلى مسار آخر لابعاده عن الصحفيين الذين ينتظرونه أمام صالة 3 في مطار القاهرة.
7:08 إطلاق نار متبادل بين الأمن وبين أبناء القبائل في الشيخ زويد وتأكد خبر إصابة طفلة عمرها 15 عاما تدعي لمياء حسن قاسم برصاص الشرطة وأبناء المنطقة يواصلون قطع الطريق الدولي.
7:00 وصول طائرة البرادعي وتواجد أمني مكثف علي بوابة الوصول